ກອງປະຊຸມຄົບຄະນະບໍລິຫານງານພັກເມືອງວາປີຄັ້ງທີ XIV ( ສະໄໝທີ VII ) ຄັ້ງວັນທີ 8-9 ພະຈິກ 2018.

ກອງປະຊຸມຄົບຄະນະບໍລິຫານງານພັກເມືອງວາປີ ຄັ້ງທີ 14 ( ສະໄໝທີ VII )ໄດ້ດຳເນີນເປັນເວລາ 2 ວັນ,ແຕ່ວັນທີ 8 ເຖິງ 9 ພະຈິກ 2018 ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງວາປີ ໂດຍໃຫ້ກຽດເປັນປະທານຂອງທ່ານ ປອ ພັທ ລັງສີ ຈັນທະມາລີ ກຳມະການພັກແຂວງ,ເລຂາຄະນະບໍລິຫານງານພັກເມືອງ-ເຈົ້າເມືອງໆວາປີ,ເຊີ່ງມີບັນດາສະຫາຍຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ,ລັດວິສາຫະກິດເຂົ້າຮ່ວມທັງໝົດ 46 ຄົນ,ຍິງ 3 ຄົນ.

ຈາກນັ້ນກອງປະຊຸມກໍ່ໄດ້ຜ່ານບົດສະຫຼຸບໃນໄລຍະ 9 ເດືອນຜ່ານມາເຫັນວ່າເມືອງວາປີຂອງພວກເຮົາຍັງມີພວກອິດທິກຳລັງປໍລະປັກຍັງສຶບຕໍ່ໂຄສະນາໃສ່ຮ້າຍປ້າຍສີຕໍ່ແນວທາງນະໂຍບາຍຂອງພັກ-ການຄຸ້ມຄອງຂອງລັດເຊັ່ນ:ການຍຸໂຍງສົ່ງເສີມການຄ້າຂາຍຢາເສບຕິດ,ຄ້າຂາຍເຖື່ອນ,ລັກລອບຕັດໄມ້,ຊື້-ຂາຍໄມ້,ການບຸກລຸກດີນປ່າຜະລິດ ແລະ ປະກົດການຫຍໍ້ທໍ້ອື່ນໆ.ແຕ່ດ້ວຍຄວາມຮັບຜິດຊອບຂອງຄະນະພັກແຕ່ລະຂັ້ນໄດ້ເອົາໃຈໃສ່ນຳພາຈັດຕັ້ງຜັນຂະຫຍາຍ ແລະ ແກ້ໄຂບັນຫາທີ່ເກີດຂື້ນໂດຍມີການແບ່ງຄວາມຮັບຜິດຊອບຢ່າງຂາດຕົວໃນໝູ່ຄະນະພ້ອມທັງຊີ້ນຳ-ນຳພາໃນການຈັດຕັ້ງປະຕິບັດເຮັດໃຫ້ສັງຄົມມີຄວາມເປັນລະບຽບຮຽບຮ້ອຍ,ມີຄວາມສະຫງົບ,ລະບົບການເມືອງກໍ່ໄດ້ມີການປັບປຸງຢ່າງຕັ້ງໜ້າ,ດ້ານເສດຖະກິດກໍ່ຍັງໄດ້ຂະຫຍາຍຕົວຢ່າງຕໍ່ເນື່ອງເຊີ່ງມັນສະແດງອອກໃນການເກັບລາຍຮັບເຂົ້າງົບປະມານໄດ້ 2.990.244.663 ກີບ=82,10% ຂອງແຜນການ,ພື້ນຖານໂຄງລ່າງກໍ່ໄດ້ຮັບການກໍ່ສ້າງແລະສ້ອມແປງໂດຍສະເພາະແມ່ນການລົງຕິດຕາມໂຄງການທະລຸບຸກເບີກກໍ່ສ້າງທາງດິນແດງແຍກບ້ານສຸທິ ຫາ ກອງລຶໃຫ່ຍ ມາຮອດປັດຈຸບັນສາມາດປະຕິບັດໄດ້1,5%,ກໍ່ສ້າງທາງດິນແດງບ້ານຄອນສາຍເມືອງວາປີ ຫາ ບ້ານແບ່ງດ່ານເມືອງລະຄອນເພັງ ປະຕິບັດໄດ້ 70%,ໂຄງການກໍ່ສ້າງໂຮງໝໍເມືອງວາປີມາຮອດປັດຈຸບັນສໍາເລັດ 93,8%,ຈາກນັ້ນກອງປະຊຸມຍັງໄດ້ມອບຄວາມຮັບຜິດຊອບບັນດາໜ້າວຽກໃນແຕ່ລະຂົງເຂດຈົ່ງພ້ອມກັນຈັດຕັ້ງປະຕິບັດທິດທາງແຜນການ 3 ເດືອນທ້າຍປີ 2018ໃຫ້ສັງຄົມມີຄວາມສະຫງົບ,ແກ້ໄຂປະກົດການຫຍໍ້ທໍ້ໃນສັງຄົມ ແລະ ສຶບຕໍ່ສ້າງບ້ານໃຫ່ຍໃຫ້ເປັນຕົວເມືອງນ້ອຍໃນຊົນນະບົດ.

ໃນຕອນທ້າຍກອງປະຊຸມ ທ່ານ ປອ ພັທ ລັງສີ ຈັນທະມາລີ ໃນນາມປະທານກອງປະຊຸມໄດ້ມີຄຳເຫັນທ່ານໄດ້ຊີ້ນຳວຽກງານໃນແຕ່ລະຂົງເຂດມອບໃຫ້ບັນດາສະຫາຍ,ຄະນະປະຈຳພັກເມືອງ,ຫົວໜ້າຫ້ອງການ,ຄະນະພັກຮາກຖານຈົ່ງໄດ້ນຳເອົາມະຕິກອງປະຊຸມຄົບຄະນະບໍລິຫານງານພັກເມືອງຄັ້ງທີ 14 ກໍ່ຄືມະຕິກອງປະຊຸມໃນຄັ້ງນີ້ໄປຈັດຕັ້ງປະຕິບັດ ແລະ ຜັນຂະຫຍາຍໃນຕໍ່ໜ້າໃຫ້ປະກົດຜົນເປັນຈິງ,ມາຮອດເວລາ 16:30 ໂມງ,ຂອງວັນທີ 9ພະຈິກ 2018 ກອງປະຊຸມກໍ່ໄດ້ປິດລົງຢ່າງເປັນທາງການ.

ອອກ​ຈາກ REPLY ເປັນ

Please enter your comment!
Please enter your name here