ກອງປະຊຸມຄົບຄະນະບໍລິຫານງານພັກເມືອງ ວາປີ ຄັ້ງທີ 16 ສະໄໝທີ VII ຄັ້ງວັນທີ 14-15 ພຶດສະພາ 2019

ກອງປະຊຸມຄົບຄະນະບໍລິຫານງານພັກເມືອງ ວາປີ ຄັ້ງທີ 16 ສະໄໝທີ VII ໄດ້ດໍາເນີນເປັນເວລາ 2 ວັນ, ແຕ່ວັນທີ 14-15 ພຶດສະພາ 2019 ຢູ່ທີ່ຫ້ອງປະຊຸມຂອງຫ້ອງວ່າການເມືອງ ວາປີ ໂດຍໃຫ້ກຽດເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆ ວາປີ, ເຊີ່ງມີບັນດາສະຫາຍຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງ, ເລຂາຄະນະພັກຮາກຖານ, ຫົວໜ້າຫ້ອງການ, ອົງການທຽບເທົ່າ,ລັດວິສາຫະກິດອ້ອມຂ້າງເມືອງ, ຄະນະກໍ່ສ້າງຮາກຖານຈາກແຂວງ, ເລຂາພັກບ້ານ, ນາຍບ້ານໆອ້ອມຂ້າງ ເຂົ້າຮ່ວມທັງໝົດ 40 ຄົນ, ຍິງ 2 ຄົນ.

       ທ່ານ ກິແກ້ວ ໄຊຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ໄດ້ຂື້ນຜ່ານບົດຕີລາຄາການນຳພາຮອບດ້ານຂອງຄະນະບໍລິຫານງານພັກເມືອງ 3 ເດືອນ ແລະ ທິດທາງແຜນການ 3 ເດືອນຕໍ່ໜ້າ ໃນໄລຍະ 3 ເດືອນຜ່ານມາ ເມືອງ ວາປີ ຍັງສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບໂດຍພື້ນຖານ, ສັງຄົມມີຄວາມເປັນລະບຽບຮຽບຮ້ອຍດີ, ປະຊາຊົນໄດ້ຕື່ນຕົວໃນການຜະລິດສິນຄ້າໂດຍສະເພາະແມ່ນເຂົ້າ, ມັນຕົ້ນ ແລະ ປູກເຫັດ, ຖະໜົນຫົນທາງກໍ່ໄດ້ມີການກໍ່ສ້າງ ແລະ ສ້ອມແປງ ເຮັດໃຫ້ການສັນຈອນໄປມາພາຍໃນບ້ານ ແລະ ລະຫວ່າງບ້ານຕໍ່ບ້ານມີຄວາມສະດວກ, ການເກັບລາຍຮັບ-ການຄຸ້ມຄອງລາຍຈ່າຍກໍ່ມີຄວາມເຂັ້ມງວດ ລາຍຮັບກໍ່ໄດ້ປະຕິບັດຕາມແຜນການທີ່ວາງໄວ້ ແລະ ມີຫຼາຍບ້ານ ໄດ້ມອບລາຍຮັບທັນກັບກຳນົດເວລາເຊີ່ງມັນສະແດງອອກໃນການເກັບລາຍຮັບເຂົ້າງົບປະມານໄດ້ 1,319,331,912 ກີບ ເທົ່າກັບ 33,05% ຂອງແຜນການ. ດ້ານການສຶກສາເຫັນວ່າມີຄຸນນະພາບສູງຂື້ນ, ຂະບວນການສ້າງຄອບຄົວບ້ານ ສຈຊ ແລະ ຂະບວນການສັກຢາກັນພະຍາດກໍ່ເຫັນວ່າເປັນຂະບວນຟົດຟື້ນ. ການສຶກສາອົບຮົມ ການເມືອງແນວຄິດ ໃຫ້ແກ່ພະນັກງານ-ສະມາຊິກພັກ ແລະ ປະຊາຊົນບັນດາເຜົ່າໄດ້ເຮັດຢ່າງກ້ວາງຂວາງ ແລະ ຕໍ່ເນື່ອງ ພ້ອມນັ້ນກໍ່ໄດ້ເອົາໃຈໃສ່ກໍ່ສ້າງ ແລະ ຂະຫຍາຍພັກທັງຈຳນວນ ແລະ ຄຸນນະພາບ, ອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນກໍ່ໄດ້ສຸມໃສ່ການຈັດຕັ້ງປະຕິບັດຂໍ້ແຂ່ງຂັນ ແລະ ສ້າງຂະບວນການກິລາ ເພື່ອຕ້ອນຮັບວັນສຳຄັນຕ່າງໆ ແລະ ກອງປະຊຸມໃຫ່ຍຂອງຕົນຢ່າງເປັນຂະບວນ, ເຊີ່ງເຮັດໃຫ້ອົງການຈັດຕັ້ງດັ່ງກ່າວໄດ້ກາຍເປັນກຳລັງແຮງ ໃຫ້ແກ່ຄະນະພັກໃນການຊຸກຍູ້ການຈັດຕັ້ງປະຕິບັດແນວທາງຂອງພັກ, ແຜນພັດທະນາເສດຖະກິດ-ສັງຄົມຂອງລັດ ໃຫ້ນັບມື້ນັບດີຂື້ນ. ພ້ອມດຽວກັນນັ້ນຜູ້ແທນເຂົ້າຮ່ວມກອງປະຊຸມກໍ່ຍັງໄດ້ມີການປະກອບຄຳຄິດ, ຄຳເຫັນໃສ່ຮ່າງບົດລາຍງານເພື່ອເຮັດໃຫ້ບົດລາຍງານມີເນື້ອໃນໜັກແໜ້ນໃນການຈັດຕັ້ງປະຕິບັດໃນຕໍ່ໜ້າ ແລະ ມອບໃຫ້ຜູ້ຊີ້ນໍາວຽກງານແຕ່ລະຂົງເຂດລົງເລິກຊີ້ນຳ, ຊຸກຍູ້ຜູ້ຕິດຕາມວຽກໃນຂົງເຂດທີ່ຕົນຮບຜິດຊອບ ເພື່ອຈັດຕັ້ງປະຕິບັດໃຫ້ສຳເລັດຕາມຄາດໝາຍ ແລະ ພ້ອມກັນນຳເອົາເນື້ອໃນມະຕິກອງປະຊຸມໄປຈັດຕັ້ງຜັນຂະຫຍາຍເຂັ້າໃນວຽກງານຕົວຈິງທີ່ຕົນຮັບຜິດຊອບໃຫ້ປາກົດຜົນເປັນຈິງ.

ອອກ​ຈາກ REPLY ເປັນ

Please enter your comment!
Please enter your name here