ກອງປະຊຸມຄົບຄະນະບໍລິຫານງານພັກເມືອງ ວາປີ ຄັ້ງທີ XIII ( ສະໃໝທີ VII )ຄັ້ງວັນທີ 25-26/7/2018.

ກອງປະຊຸມຄົບຄະນະບໍລິຫານງານພັກເມືອງວາປີ ຄັ້ງທີ 13 (ສະໃໝທີ VII )ໄດ້ດຳເນີນເປັນເວລາ 2 ວັນ,ແຕ່ວັນທີ25 ເຖີງວັນທີ 26/7/2018 ຢູ່ທີ່ສະໂມສອນໃຫ່ຍຂອງເມືອງວາປີ ໂດຍໃຫ້ກຽດເປັນປະທານຂອງສະຫາຍ ພັທ ລັງສີ ຈັນທະມາລີ ກຳມະການພັກແຂວງ,ເລຂາຄະນະບໍລິຫານງານພັກເມືອງ-ເຈົ້າເມືອງໆວາປີ,ເຊີ່ງມີບັນດາສະຫາຍຄະນະປະຈຳພັກເມືອງ,ກຳມະການພັກເມືອງ,ລັດວິສາຫະກິດ,ເລຂາພັກບ້ານ,ນາຍບ້ານ ເຂົ້າຮ່ວມທັງໝົດ 88 ສະຫາຍ ,ຍິງ  6  ສະຫາຍ.ພາຍຫຼັງທີ່ປະທານກອງປະຊຸມໃຫ້ຄຳເຫັນຊີ້ນຳຕໍ່ກອງປະຊຸມ ແລະ ກ່າວເປີດຢ່າງເປັນທາງການແລ້ວ ກອງປະຊຸມກໍ່ໄດ້ຮັບຟັງການຜ່ານບົດສະຫຼຸບຕີລາຄາການນຳພາຮອບດ້ານ ຂອງຄະນະບໍລິຫານງານພັກເມືອງ ໃນໄລຍະ 6 ເດືອນຕົ້ນປີ 2018 ແລະທິດທາງແຜນການ 6 ເດືອນທ້າຍປີ 2018,ເຊີ່ງໃນໄລຍະ 6 ເດືອນຜ່ານມາ ເມືອງວາປີ ຍັງສຶບຕໍ່ມີສະຖຽນລະພາບທາງດ້ານການເມືອງ,ສັງຄົມມີຄວາມສະຫງົບຕັ້ງໝ້າໃນການຈັດຕັ້ງປະຕິບັດມະຕິ X ຂອງພັກ,ມະຕິ VIII ຂອງອົງຄະນະພັກແຂວງ ແລະ ມະຕິ VII ຂອງອົງຄະນະພັກເມືອງ,ຈາກນັ້ນຜູ້ແທນກອງປະຊຸມໄດ້ພ້ອມກັນຄົ້ນຄ້ວາ ແລະ ປະກອບຄຳເຫັນຢ່າງກ້ວາງຂວາງ,ມີຄວາມຮັບຜິດຊອບສູງ ໃນກອງປະຊຸມໄດ້ຕີລາຄາໂດຍລວມໃນ 6 ເດືອນຜ່ານມາແມ່ນປະຕິບັດໄດ້ທົ່ວເມືອງຍັງມີຄວາມສະຫງົບ ແລະ ສັງຄົມມີຄວາມເປັນລະບຽບຮຽບຮ້ອຍດີ,ລະບົບການເມືອງກໍ່ໄດ້ມີການປັບປຸງຢ່າງຕັ້ງໝ້າ,ດ້ານເສດຖະກິດກໍ່ຍັງໄດ້ຂະຫຍາຍຕົວຢ່າງຕໍ່ເນື່ອງເຊີ່ງມັນສະແດງອອກໃນການເກັບລາຍຮັບເຂົ້າງົບປະມານ 2.102.628.971 ກີບ= 57,73%ຂອງແຜນການ,ນອກນັ້ນທາງດ້ານກະສິກຳປະຊາຊົນຍັງໄດ້ຫ້າວຫັ້ນໃນການຜະລິດເຂົ້າ-ພືດເພື່ອເປັນສິນຄ້າໃຫ້ເປັນຂະບວນກ້ວາງຂວາງ,ພື້ນຖານໂຄງລ່າງກໍ່ໄດ້ຮັບການກໍ່ສ້າງແລະສ້ອມແປງໂດຍສະເພາະແມ່ນກໍ່ສ້າງທາງບ້ານພູມສະຫວັນ-ນາຕານດົງ ເມືອງຄົງເຊໂດນ, ສ້ອມແປງທາງຫຼວງແຫ່ງຊາດ,ກໍ່ສ້າງຕະຫຼາດຊຸມຊົນ ແມ່ນໄດ້ ສຳເລັດ 100%,ສ່ວນວຽກງານວັດທະນະທຳ-ສັງຄົມເຫັນວ່າຂະບວນການຮຽນ-ການສອນແມ່ນມີການຈັດຕັ້ງເຄື່ອນໄຫວຢ່າງເປັນລະບົບຕໍ່ເນື່ອງ ແລະ ການສອບເສັງນັກຮຽນບຳລຸງວັດທະນະທຳຊັ້ນປະຖົມ ແມ່ນໄດ້ສຳເລັດ,ຂະບວນການແຂ່ງຂັນກິລາກໍ່ແມ່ນເປັນຂະບວນຟົດຟື້ນ,ການລົງຊຸກຍູ້ບ້ານທີ່ຈະປະກາດເປັນບ້ານ ຊຈສ ກໍ່ແມ່ນໄດ້ສຳເລັດ,ຄະນະພັກອຳນາດການປົກຄອງກໍ່ໄດ້ເອົາໃຈໃສ່ວຽກງານສຶກສາອົບຮົມການເມືອງແນວຄິດໃຫ້ແກ່ສະມາຊິກພັກ ພະນັກງານລັດຖະກອນຕະຫຼອດຮອດພໍ່ແມ່ປະຊາຊົນໄດ້ຮັບຮູ້ເຊື່ອມຊືມຕໍ່ແນວທາງນະໂຍບາຍຂອງພັກລັດ,ຈາກນັ້ນກອງປະຊຸມຍັງໄດ້ມອບຄວາມຮັບຜິດຊອບບັນດາໜ້າວຽກໃຫ້ແຕ່ລະຂົງເຂດແລະພ້ອມກັນຈັດຕັ້ງປະຕິບັດທິດທາງແຜນການ 6 ເດືອນທ້າຍປີ 2018ໃຫ້ສັງຄົມມີຄວາມສະຫງົບ,ແກ້ໄຂປະກົດການຫຍໍ້ທໍ້ຕ່າງໆໃນສັງຄົມໃຫ້ຫຼຸດລົງ,ແກ້ໄຂຄວາມທຸກຍາກຂອງປະຊາຊົນໃຫ້ດີຂື້ນເປັນກ້າວໆ,ເກັບລາຍຮັບເຂົ້າງົບປະມານໃຫ້ໄດ້ຕາມຄາດໝາຍເຮັດໃຫ້ເສດຖະກິດມີການຂະຫຍາຍຕົວຂື້ນເລື້ອຍໆ,ສຶບຕໍ່ສ້າງບ້ານໃຫ່ຍໃຫ້ກາຍເປັນຕົວເມືອງໃນຊົນນະບົດ.

ໃນຕອນທ້າຍກອງປະຊຸມ ສະຫາຍ ພັທ ລັງສີ ຈັນທະມາລີ ໃນນາມປະທານກອງປະຊຸມໄດ້ມີຄໍາເຫັນເພື່ອເຮັດໃຫ້ກອງປະຊຸມໃນຄັ້ງນີ້ມີຄວາມໜັກແໜ້ນຂື້ນຕື່ມ ທ່ານໄດ້ຊີ້ນຳວຽກງານແຕ່ລະຂົງເຂດມອບໃຫ້ບັນດາສະຫາຍຄະນະປະຈຳພັກເມືອງ,ຫົວໜ້າຫ້ອງການ,ເລຂາພັກບ້ານຕ,ຈົ່ງໄດ້ນຳເອົາມະຕິກອງປະຊຸມຄົບຄະນະບໍລິຫານງານພັກເມືອງຄັ້ງທີ 13 ກໍ່ຄືມະຕິກອງປະຊຸມໃນຄັ້ງນີ້ໄປຈັດຕັ້ງປະຕິບັດ ແລະ ຜັນຂະຫຍາຍໃນຕໍ່ໜ້າໃຫ້ປາກົດຜົນເປັນຈິງ,ມາຮອດເວລາ 16:30 ໂມງ,ຂອງວັນທີ 26 ກໍລະກົດ 2018,ກອງປະຊຸມກໍ່ໄດ້ປິດລົງຢ່າງເປັນທາງການ.

ອອກ​ຈາກ REPLY ເປັນ

Please enter your comment!
Please enter your name here