ກອງປະຊຸມຊຸດຝຶກອົບຮົມຜູ້ເຮັດວຽກໂຄສະນາອົບຮົມຢູ່ການຈັດຕັ້ງຮາກຖານພັກ ຄັ້ງທີ II ທີ່ເມືອງ ວາປີ

ໃນຄັ້ງວັນທີ 16 ພຶດສະພາ 2019 ຫ້ອງການໂຄສະນາອົບຮົມ ເມືອງ ວປີ ໄດ້ເປີດຊຸດຝຶກອົບຮົມຜູ້ເຮັດວຽກໂຄສະນາອົບຮົມ ເຊີ່ງໃຫ້ກຽດເປັນປະທານຂອງທ່ານ ສົມສັກ ໄຊຍະຈັກ ຮອງຫົວໜ້າໂຄສະນາອົບຮມແຂວງ ແລະ ໃຫ້ກຽດເຂົ້າຮ່ວມ ຂອງທ່ານ ກິແກ້ວ ໄຊຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ເຊີ່ງມີກຳມະການພັກເມືອງ, ເລຂາຄະນະພັກຮາກຖານ, ຫົວໜ້າຫ້ອງການ, ຄະນະກໍ່ສ້າງຮາກຖານຈາກແຂວງ, ເລຂາພັກບ້ານ, ນາຍບ້ານໆອ້ອມຂ້າງ ເຂົ້າຮ່ວມທັງໝົດ 91 ສະຫາຍ, ຍິງ 6 ສະຫາຍ.

      ຈຸດປະສົງໃນການຝຶກອົບຮົມຄັ້ງນີ້ ເພື່ອເຮັດໃຫ້ຜູ້ທີ່ເຂົ້າຮ່ວມຝຶກອົບຮົມມີຄວາມຮັບຮູ້ ແລະ ເຂົ້າໃຈກ່ຽວກັບຂໍ້ກຳນົດວ່າດ້ວຍພາລະບົດບາດຂອງຜູ້ຮັບຜິດຊອບວຽກງານໂຄສະນາອົບຮົມຢູ່ການຈັດຕັ້ງຮາກຖານ ໂດຍສະເພາະແມ່ນຫຼັກການ ແລະ ທິດຊີ້ນຳ ຄວາມໝາຍ-ຄວາມສຳຄັນ ບົດທີ່ເອົາມາຝຶກອົບຮົມໃນຄັ້ງນີ້ມີຢູ່ 6 ບົດຄື: 1 ຂໍ້ກຳນົດວ່າດ້ວຍພາລະບົດບາດຂອງຜູ້ຮັບຜິດຊອບວຽກງານໂຄສະນາອົບຮົມຢູ່ການຈັດຕັ້ງຮາກຖານ, 2 ວຽກງານໂຄສະນາ-ປຸກລະດົມ ຫຼື ວຽກງານໂຄສະນາ-ປາຖະກະຖາ, 3 ວຽກງານສຶກສາອົບຮົມການເມືອງ-ແນວຄິດ, ອົບຮົມເປົ້າໝາຍເຂົ້າພັກໃຫ້ສະມາຊິກພັກ, ພະນັກງານ ແລະ ປະຊາຊົນ, 4 ບັນຫາພື້ນຖານກ່ຽວກັບວຽກງານຫາງສຽງສັງຄົມ, 5 ການນຳໃຊ້ສື່ສັງຄົມອອນລາຍ ຢ່າງຖືກຕ້ອງ, 6 ວຽກງານເປັນເສນາທິການຮັບໃຊ້ຂັ້ນເທິງ. ໃນຕອນທ້າຍທ່ານ ສົມສັກ ໄຊຍະຈັກ ຮອງຫົວໜ້າໂຄສະນາອົບຮມແຂວງ ໄດ້ມອບໃບຍັ້ງຢືນໃຫ້ນັກສຳມະນາກອນຈຳນວນ 91 ສະຫາຍ, ຍິງ 6 ສະຫາຍ.

ອອກ​ຈາກ REPLY ເປັນ

Please enter your comment!
Please enter your name here