ກອງປະຊຸມປະຈຳເດືອນຂອງອົງການປົກຄອງເມືອງ ວາປີ ຄັ້ງວັນທີ 31 ມັງກອນ 2019

ໃນຕອນເຊົ້າຂອງວັນທີ31 ມັງກອນ 2019 ນີ້, ເມືອງວາປີໄດ້ຈັດກອງປະຊຸມປະຈຳເດືອນຂອງອົງການປົກຄອງເມືອງ ຂື້ນ ຢູ່ທີຫ້ອງວ່າການເມືອງວາປີ ໂດຍໃຫ້ກຽດເປັນປະທານຂອງທ່ານ ບຸນທົງ ວົງຈັນ ຄະນະປະຈຳພັກເມືອງ ຮອງເຈົ້າເມືອງໆວາປີ, ມີທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ, ຄະນະພັກຮາກຖານກຸ່ມບ້ານພັດທະນາ ແລະ ວິຊາການທີ່ກ່ຽວຂ້ອງເຂົ້າຮ່ວມທັງໝົດ 40 ຄົນ, ຍິງ 6 ຄົນ.

      ທ່ານ ດົມວິໄລ ທອງສະຫວັນ ກຳມະການພັກເມືອງ ຫົວໜ້າຫ້ອງວ່າການເມືອງ ວາປີ ກໍ່ໄດ້ຂື້ນຜ່ານບົດສະຫຼຸບການຈັດຕັ້ງປະຕິບັດວຽກງານໃນໜື່ງເດືອນຜ່ານມາເຊີ່ງມີທັງຂໍ້ສະດວກ ແລະ ຂໍ້ຫຍຸ້ງຍາກຂອງວຽກງານໃນແຕ່ລະຂົງເຂດ ຄະນະພັກເມືອງກໍ່ໄດເອົາໃຈໃສ່ໃນການຊີ້ນຳ-ນຳພາ, ເຊີ່ງມັນໄດ້ສະແດງອອກໃນການເກັບລາຍຮັບເຂົ້າງົບປະມານໄດ້ທັງໝົດ 292,779,866 ກີບ, ສ່ວນວຽກງານກະສິກຳກໍ່ໄດ້ທຳການຜະຫຼິດເຂົ້ານາແຊງໄດ້ 2,312 ຮຕ, ເທົ່າກັບ 96% ຂອງແຜນ ປັກດຳສຳເລັດແລ້ວ 2.262 ຮຕ, ການປູກພືດລະດູແລ້ງປະຕິບັດໄດ້ 845 ຮຕ ລື່ນແຜນ 13% ຂອງແຜນການ, ເກັບກູ້ສຳເລັດ 165 ຮຕ ຜົນຜະລິດ 231 ໂຕນ, ເກັບກູ້ມັນຕົ້ນໄດ້ 2.219 ຮຕ ເທົ່າກັບ 82 % ຂອງເນື້ອທີ່ ຜົນຜະລິດຄິດເປັນມັນດິບປະມານ 49.375 ໂຕນ, ວຽກງານອຸດສາຫະກຳ ແລະ ການຄ້າ ແມ່ນໄດ້ລົງເຄື່ອນໄຫວຕໍ່ອະນຸຍາດດຳເນີນທຸລະກິດຊົ່ວຄາວໃຫ້ຊາວຕ່າງດ້າວທີ່ມາເຄື່ອນໄຫວຢູ່ເມືອງວາປີໄດ້ 25 ຫົວໜ່ວຍຄື: ຈີນ 10 ຫົວໜ່ວຍ, ຫວຽດນາມ 15 ຫົວໜ່ວຍ, ລົງກວດກາຢັ້ງຢືນມັນຕົ້ນແຫ້ງ ແລະ ດິບ ເພື່ອສົ່ງອອກຕ່າງປະເທດ ຈຳນວນ 6.500 ໂຕນ ໃນນັ້ນມັນແຫ້ງ 6000 ໂຕນ ຄິດເປັນມູນຄ່າ 9 ຕື້ກ່ວາກີບ. ວຽກງານສາທາລະນະສຸກ ສຳເລັດການປະກາດບ້ານ ສຈຊ ທັງໝົດ 25 ບ້ານ, ໃນການສັກຢາຮອບປົກກະຕິໃຫ້ເດັກລຸ່ມ 1 ປີໃນທົ່ວເມືອງໄດ້ສໍຳເລັດ.        

ຈາກນັ້ນແຂກເຂົ້າຮ່ວມກອງປະຊຸມກໍ່ໄດ້ປະກອບຄຳຄິດຄຳເຫັນແລກປ່ຽນເຊີ່ງກັນ ແລະ ກັນ ລາຍງານຜົນສຳເລັດ, ຈຸດດີ ແລະ ຈຸດອ່ອນ ໃນການເຄື່ອນໄຫວຈັດຕັ້ງປະຕິບັດວຽກງານໃນຂົງເຂດຮັບຜິດຊອບ, ຄົ້ນຄ້ວາຢ່າງກົງໄປກົງມາ ແລະ ມີຄວາມເຫັນດີເປັນເອກະພາບຕໍ່ກອງປະຊຸມ, ຫຼັງຈາກນັ້ນທ່ານປະທານກອງປະຊຸມກໍ່ໄດ້ມອບໃຫ້ພາກສ່ວນທີ່ກ່ຽວຂ້ອງພ້ອມກັນນຳເອົາເນື້ອໃນຈິດໃຈຂອງກອງປະຊຸມຄັ້ງນີ້ໄປຈັດຕັ້ງປະຕິບັດ ແລະ ຜັນຂະຫຍາຍໃຫ້ມີຜົນສຳເລັດສູງ.

ອອກ​ຈາກ REPLY ເປັນ

Please enter your comment!
Please enter your name here