ກອງປະຊຸມສະຫຼຸບວຽກງານກໍ່ສ້າງຮາກຖານ-ພັດທະນາຊົນນະບົດຮອບດ້ານ 6 ເດືອນຕົ້ນປີ ແລະ ວາງທິດ ທາງແຜນການ 6 ເດືອນທ້າຍປີ 2018 ທີ່ຫ້ອງວ່າການປົກຄອງເມືອງວາປີ.

ໃນຕອນເຊົ້າວັນທີ 21 ສິງຫາ 2018 ນີ້ເມືອງວາປີໄດ້ຈັດກອງປະຊຸມສະຫຼຸບວຽກງານກໍ່ສ້າງຮາກຖານ-ພັດທະນາຊົນນະບົດຮອບດ້ານ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2018 ທີ່ຫ້ອງວ່າການປົກຄອງເມືອງວາປີໂດຍໃຫ້ກຽດເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆວາປີ ມີຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ,ຮອງຫ້ອງການ,ຄະນະພັກຮາກຖານ ແລະ ວິຊາການທີ່ກ່ຽວຂ້ອງເຂົ້າຮ່ວມທັງໝົດ 34 ຄົນ,ຍິງ 4 ຄົນ ຈາກນັ້ນກອງປະຊຸມກໍ່ໄດ້ຜ່ານສະພາບການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ-ພັດທະນາຊົນນະບົດຮອບດ້ານໃນໄລຍະ 6 ເດືອນຕົ້ນປີ 2018 ເຊີ່ງການປະຕິບັດວຽກງານໃນໄລຍະຜ່ານມາແມ່ນມີທັງຂໍ້ສະດວກ ແລະ ຂໍ້ຫຍຸ້ງຍາກຂອງວຽກໃນແຕ່ລະຂົງເຂດແຕ່ຄະນະພັກເມືອງກໍ່ໄດ້ເອົາໃຈໃສ່ໃນການຊີ້ນຳ-ນຳພາ,ສຸມທຸກກຳລັງພະນັກງານເຂົ້າໃນວຽກງານກໍ່ສ້າງຮາກຖານ-ພັດທະນາຊົນນະບົດຮອບດ້ານ ແລະ ລຶບລ້າງຄວາມທຸກຍາກຢ່າງເປັນຂະບວນ ແລະ ຕັ້ງໜ້າດ້ວຍຄວາມຮັບຜິດຊອບສູງ ແລະ ໄດ້ມີຜົນສຳເລັດທີ່ພົ້ນເດັ່ນໃນຫຼາຍດ້ານເຊີ່ງມັນສະແດງອອກໃນຫຼາຍດ້ານເຊັ່ນ: ການເກັບລາຍຮັບເຂົ້າງົບປະມານແມ່ນປະຕີບັດໄດ້ 2.102.628.971 ກີບ=57,73%ຂອງແຜນການ,ສ່ວນວຽກງານພັດທະນາຊົນນະບົດລຶບລ້າງຄວາມທຸກຍາກຢູ່ຮາກຖານມາຮອດປັດຈຸບັນມີບ້ານພັດທະນາ 27 ບ້ານ=49,09%ຂອງຈຳນວນບ້ານທັງໝົດ,ລຶບລ້າງບ້ານທຸກຍາກໄດ້ 100%,ຍັງມີຄອບຄົວທຸກຍາກ 24 ຄອບຄົວ=0,31%ຂອງຈຳນວນຄອບຄົວທັງໝົດຫຼັງຈາກນັ້ນປະທານກອງປະຊຸມກໍ່ໄດ້ປະກອບຄຳເຫັນຊີ້ນຳໃຫ້ວຽກງານແຕ່ລະຂົງເຂດປະຕິບັດໃຫ້ຖືກຕ້ອງ,ສອດຄ່ອງກັບຈຸດພິເສດ,ເງື່ອນໄຂທ່າແຮງ,ຄວາມສາມາດຂອງທ້ອງຖີ່ນ ແລະ ກົມກອງຂອງຕົນ.ແລະ ກອງປະຊຸມກໍ່ໄດ້ປິດລົງໃນວັນດຽວກັນ.

ອອກ​ຈາກ REPLY ເປັນ

Please enter your comment!
Please enter your name here