ກອງປະຊຸມເຊື່ອມຊືມເຜີຍແຜ່ຜັນຂະຫຍາຍຈັດຕັ້ງປະຕິບັດດຳລັດ 348/ລບ ແລະ ບົດແນະນໍາ 0830 /ກບ ກ່ຽວກັບມາດຕະຖານພົ້ນທຸກ ແລະ ມາດຕະຖານພັດທະນາທີ່ເມືອງ ວາປີ ແລະ ເຮັດທົດລອງຢູ່ບ້ານ ວາປີ ເມືອງ ວາປີ ແຂວງ ສາລະວັນ.

 ໃນວັນທີ 19 ມີຖຸນາ 2019 ຢູ່ທີ່ສະໂມສອນໃຫ່ຍຂອງເມືອງ ວາປີ ໄດ້ຈັດກອງປະຊຸມເຊື່ອມຊືມເຜີຍແຜ່ຜັນຂະຫຍາຍຈັດຕັ້ງປະຕິບັດດຳລັດ348/ລບ ແລະ ບົດແນະນຳ 0830 /ກບ ກ່ຽວກັບມາດຕະຖານພົ້ນທຸກ ແລະ ມາດຕະຖານພັດທະນາ ໂດຍໃຫ້ກຽດເຂົ້າຮ່ວມຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາພັກເມືອງ ເຈົ້າເມືອງໆ ວາປີ, ທ່ານ ອະນຸສັກ ຈຳປາຄຳ ກຳມະການພັກແຂວງ ຫົວໜ້າພະແນກກະສິກຳ ແລະ ປ່າໄມ້ແຂວງ, ມີຄະນະນໍາຂັ້ນເມືອງ, ຫົວໜ້າຫ້ອງການ, ເລຂາຄະນະພັກຮາກຖານກຸ່ມບ້ານ, ພະນັກງານລັດຖະກອນພາຍໃນເມືອງ ແລະ ພະແນກການທີ່ກ່ຽວຂ້ອງເຂົ້າຮ່ວມ.

       ທ່ານ ກິແກ້ວ ໄຊຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ວາປີ ໄດ້ໃຫ້ກຽດຂື້ນເຜີຍແຜ່ດຳລັດຂອງລັດຖະບານເລກທີ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ປະກອບດ້ວຍ 6 ໝວດຄື: ໝວດບັນຍັດທົ່ວໄປ, ໝວດການກຳນົດມາດຕະຖານພົ້ນທຸກ, ການກຳນົດມາດຕະຖານພັດທະນາ, ການປະເມີນການຍັ້ງຢືນ ແລະ ການຮັບຮອງ ໜ້າທີ່ ແລະ ຄວາມຮັບຜິດຊອບຂອງຂະແໜງການຂັ້ນສູນກາງ ແລະ ທ້ອງຖິ່ນ ແລະ ໝວດບັນຍັດສຸດທ້າຍໄດ້ປະກອບມີ 19 ມາດຕາບັງຄັບໃຊ້ ສຳລັບສະບັບນີ້ກໍານົດມາດຕະຖານພົ້ນທຸກ ແລະ ມາດຖານພັດທະນາ ເພື່ອເປັນພື້ນນຖານໃຫ້ແກ່ການກຳນົດເປົ້າໝາຍແກ້ໄຂຄວາມທຸກຍາກແນໃສ່ສ້າງຄອບຄົວບ້ານພັດທະນະ ບ້ານໃຫ່ຍໃຫ້ກາຍເປັນຕົວເມືອງນ້ອຍໃນຊົນນະບົດ ແລະ ເມືອງເຂັ້ມແຂງຮອບດ້ານຕາມມະຕິກອງປະຊຸມໃຫ່ຍຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດໃນແຕ່ລະໄລຍະໃຫ້ປາກົດຜົນເປັນຈິງ. ນອກຈາກນີ້ຜູ້ເຂົ້າຮ່ວມກອງປະຊຸມຍັງໄດ້ຮັບຟັງການຜ່ານບົດແນະນຳເລກທີ 0830/ກປ ກ່ຽວກັບການຈັດຕັ້ງປະຕິບັດດຳລັດ ວ່າດ້ວຍ ມາດຕະຖານພົ້ນທຸກ ແລະ ມາດຕະຖານພັດທະນາ ຂອງກະຊວງກະສິກຳປ່າໄມ້ ການຜ່ານບົດແນະນຳເລກທີ0143/ຈມວປ ກ່ຽວກັບການຈັດຕັ້ງປະຕະບັດດຳລັດຂອງລັດຖະບານເລກທີ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ຢູ່ເມືອງ ວາປີ, ຂໍ້ຕົກລົງ ວ່າດ້ວຍ ການແຕ່ງຕັ້ງຄະນະຮັບຜິດຊອບຊີ້ນຳ ແລະ ກອງເລຂາຂັ້ນເມືອງໃນການສະເໜີວິທີການນຳໃຊ້ແບບຟອມ F1, F2, F3 ແລະ F4 ຕື່ມອີກ. ຈາກນັ້ນໃນວັນທີ 20 ມີຖຸນາ 2019 ທາງທິມງານເຮັດທົດລອງຜັນຂະຫຍາຍຈັດຕັ້ງປະຕິບັດບົດແນະນຳເລກທີ 0830/ກປ ວ່າດ້ວຍ ມາດຕະຖານພົ້ນທຸກ ແລະ ມາດຕະຖານພັດທະນາ ແມ່ນໄດ້ລົງເຮັດການທົດລອງທີກຸ່ມ 3 ວາປີ ຕື່ມອີກ.

ອອກ​ຈາກ REPLY ເປັນ

Please enter your comment!
Please enter your name here