ກອງປະຊຸມເປີດກ້ວາງຄົບຄະນະບໍລິຫານງານພັກເມືອງ ວາປີ ຄັ້ງທີ 17 ສະໄໝທີ VII

ໃນຕອນເຊົ້າຂອງວັນທີ 18-19 ມິຖຸນາ 2019 ຢູ່ທີ່ສະໂມສອນໃຫ່ຍຂອງເມືອງ ວາປີ ໄດ້ຈັດກອງປະຊຸມເປີດກ້ວາງຄົບຄະນະບໍລິຫານງານພັກເມືອງ ວາປີ ຄັ້ງທີ 17 ສະໄໝທີ VII ຂື້ນ ໂດຍໃຫ້ກຽດເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາພັກເມືອງ ເຈົ້າເມືອງໆ ວາປີ, ໃຫ້ກຽດເຂົ້າຮ່ວມຂອງທ່ານ ຂັນໄຊ ລັດຖະເຮົ້າ ກຳມະການພັກແຂວງ ຫົວໜ້າພະແນກ ປທສ, ມີຄະນະປະຈຳພັກເມືອງ, ກຳມະການພັກເມືອງ, ຄະນະທິມງານກໍ່ສ້າງຮາກຖານຂັ້ນແຂວງ, ເລຂາພັກ-ນາຍບ້ານ ເຂົ້າຮ່ວມທັງໝົດ 107 ສະຫາຍ, ຍິງ 6 ສະຫາຍ.

      ທ່ານ ກິແກ້ວໄຊ ຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ໄດ້ຂື້ນຜ່ານບົດຕີລາຄາການນໍາພາຮອບດ້ານຂອງຄະນະບໍລິຫານງານພັກເມືອງ 6 ເດືອນ ແລະ ທິດທາງແຜນການ 6 ເດືອນຕໍ່ໜ້າ ໃນໄລຍະ 6 ເດືອນຜ່ານມາຄະນະບໍລິຫານງານພັກເມືອງ ວາປີ ຍັງສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບໂດຍພື້ນຖານ, ປະຊາຊົນມີຄວາມຕື່ນຕົວໃນການຜະລິດສິນຄ້າ ໂດຍສະເພາະ ແມ່ນ ເຂົ້າ, ມັນຕົ້ນ ແລະ ສົ່ງເສີມການປູກຜັງລ້ຽງສັດຂອງພໍ່ແມ່ປະຊາຊົນໃຫ້ນັບມື້ນັບຫຼາຍ, ການກໍ່ສ້າງຖະໜົນຫົນທາງ ແລະ ສ້ອມແປງເຮັດໃຫ້ການສົນຈອນໄປມາມີຄວາມສະດວກ ວ່ອງໄວ ແລະ ການເຂົ້າເຖິງການບໍລິການໄດ້ສະດວກຂື້ນ, ການເກັບລາຍຮັບ-ຄຸ້ມຄອງລາຍຈ່າຍໄດ້ມີການເຂັ້ມງວດສາມາດເກັບລາຍຮັບເຂົ້າງົບປະມານໄດ້ 2,293 ຕື້ກ່ວາກີບ, ດ້ານການສຶກສາເຫັນວ່າມີຄຸນນະພາບສູງຂື້ນ, ຂະບວນການສັກຢາກັນພະຍາດກໍ່ເຫັນວ່າເປັນຂະບວນຟົດຟື້ນ. ການສຶກສາອົບຮົມ ການເມືອງແນວຄິດ ໃຫ້ແກ່ພະນັກງານ-ສະມາຊິກພັກ ແລະ ປະຊາຊົນບັນດາເຜົ່າໄດ້ເຮັດຢ່າງກ້ວາງຂວາງ ແລະ ຕໍ່ເນື່ອງ ພ້ອມນັ້ນກໍ່ໄດ້ເອົາໃຈໃສ່ກໍ່ສ້າງ ແລະ ຂະຫຍາຍພັກທັງຈຳນວນ ແລະ ຄຸນນະພາບ, ອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນກໍ່ໄດ້ສຸມໃສ່ການຈັດຕັ້ງປະຕິບັດຂໍ້ແຂ່ງຂັນ ແລະ ສ້າງຂະບວນການກິລາ ເພື່ອຕ້ອນຮັບວັນສຳຄັນຕ່າງໆ ແລະ ໄດ້ເປີດກອງປະຊຸມໃຫ່ຍຂອງຕົນຢ່າງເປັນຂະບວນຟົດຟື້ນ, ເຊີ່ງເຮັດໃຫ້ອົງການຈັດຕັ້ງດັ່ງກ່າວໄດ້ກາຍເປັນກຳລັງແຮງ ໃຫ້ແກ່ຄະນະພັກໃນການຊຸກຍູ້ການຈັດຕັ້ງປະຕິບັດແນວທາງຂອງພັກ, ແຜນພັດທະນາເສດຖະກິດ-ສັງຄົມຂອງລັດ ໃຫ້ນັບມື້ນັບດີຂື້ນ. ພ້ອມດຽວກັນນັ້ນຜູ້ແທນເຂົ້າຮ່ວມກອງປະຊຸມກໍ່ຍັງໄດ້ມີການປະກອບຄຳຄິດ, ຄຳເຫັນໃສ່ຮ່າງບົດລາຍງານເພື່ອເຮັດໃຫ້ບົດລາຍງານມີເນື້ອໃນໜັກແໜ້ນໃນການຈັດຕັ້ງປະຕິບັດໃນຕໍ່ໜ້າ ແລະ ມອບໃຫ້ຜູ້ຊີ້ນໍາວຽກງານແຕ່ລະຂົງເຂດລົງເລິກຊີ້ນຳ, ຊຸກຍູ້ຜູ້ຕິດຕາມວຽກໃນຂົງເຂດທີ່ຕົນຮບຜິດຊອບ ເພື່ອຈັດຕັ້ງປະຕິບັດໃຫ້ສຳເລັດຕາມຄາດໝາຍ ແລະ ພ້ອມກັນນຳເອົາເນື້ອໃນມະຕິກອງປະຊຸມໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງທີ່ຕົນຮັບຜິດຊອບໃຫ້ປາກົດຜົນເປັນຈິງ.

ອອກ​ຈາກ REPLY ເປັນ

Please enter your comment!
Please enter your name here