ກອງປະຊຸມເປີດກ້ວາງຄົບຄະນະບໍລິຫານງານພັກເມືອງວາປີຄັ້ງທີ 15 ສະໃໝທີ VII ໃນຄັ້ງວັນທີ 17-18/1/2019.

      ໃນຕອນເຊົ້າຂອງວັນທີ 17 ມັງກອນ 2019ນີ້,ຢູ່ທີ່ສະໂມສອນໃຫ່ຍຂອງເມືອງໄດ້ເປີດກອງປະຊຸມຄົບຄະນະບໍລິຫານງານພັກເມືອງເປີດກ້ວາງຄັ້ງທີ 15 ສະໃໝທີ VII ໄດ້ໄຂຂື້ນຢ່າງເປັນທາງການໃນວັນທີ 17-18 ມັງກອນ 2019,ໂດຍໃຫ້ກຽດເປັນປະທານຂອງທ່ານ ພັທ ລັງສີ ຈັນທະມາລີ ກໍາມະການພັກແຂວງ ເລຂາພັກເມືອງ-ເຈົ້າເມືອງໆວາປີ,ໃຫ້ກຽດເຂົ້າຮ່ວມມີທ່ານຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ,ຮອງຫ້ອງການ,ຄະນະພັກຮາກຖານ,ເລຂາພັກບ້ານ-ນາຍບ້ານເຂົ້າຮ່ວມທັງໝົດ 96 ຄົນ,ຍິງ 4 ຄົນ.

    ທ່ານ ກິແກ້ວ ໄຊຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ກໍ່ໄດ້ຂື້ນຜ່ານບົດຕີລາຄາການນຳພາຮອບດ້ານຂອງຄະນະບໍລິຫານງານພັກເມືອງປະຈຳປີ 2018 ແລະ ທິດທາງແຜນການປີ 2019 ເຫັນວ່າສະພາບການພາຍໃນປະເທດຂອງພວກເຮົາຍັງມີທັງຂໍ້ສະດວກ ແລະ ຂໍ້ຫຍຸ້ງຍາກຫຼາຍດ້ານເປັນຕົ້ນແມ່ນຜົນກະທົບຈາກໄພທຳມະຊາດ,ໄພນຳ້ຖ້ວມ,ໄພແຫ້ງແລ້ງ.ສຳລັບເມືອງວາປີຂອງພວກເຮົາກໍ່ໄດ້ຮັບຜົນກະທົບບໍ່ໜ້ອຍແຕ່ຍ້ອນການຊີ້ນຳ-ນຳພາຂອງພັກແຕ່ລະຂັ້ນ,ຄວາມຕື່ນຕົວຂອງພະນັກງານ,ສະມາຊິກພັກໄດ້ເອົາໃຈໃສນຳພາຈັດຕັ້ງຜັນຂະຫຍາຍ ແລະ ແກ້ໄຂບັນຫາທີ່ເກີດຂື້ນໂດຍມີການຮັບຜິດຊອບຢ່າງຂາດຕົວໃນໝູ່ຄະນະເຮັດໃຫ້ສັງຄົມມີຄວາມເປັນລະບຽບຮຽບຮ້ອຍມີຄວາມສະຫງົບ,ລະບົບການເມືອງກໍ່ໄດ້ມີການປັບປຸງຢ່າງຕັ້ງໜ້າ,ດ້ານເສດຖະກິດກໍ່ໄດ້ມີການຂະຫຍາຍຕົວຢ່າງຕໍ່ເນື່ອງເຊີ່ງມັນສະແດງອອກໃນການເກັບລາຍຮັບເຂົ້າງົບປະມານໄດ້ 4,111 ຕື້ກວ່າກີບ ລື່ນແຜນທີ່ສະພາຮັບຮອງ 3%,ພື້ນຖານໂຄງລ່າງກໍ່ໄດ້ຮັບການບູລະນະສອ້ມແປງ,ການຜະລິດກະສິກຳກໍ່ໄດ້ມີການຂະຫຍາຍຕົວຂື້໊ນເລື້ອຍໆ.ພ້ອມດຽວກັນນັ້ນຜູ້ແທນເຂົ້າຮ່ວມກອງປະຊຸມກໍ່ຍັງໄດ້ມີການປະກອບຄຳຄິດ,ຄຳເຫັນໃສ່ຮ່າງບົດລາຍງານຕ່າງໆເພື່ອເຮັດໃຫ້ບົດລາຍງານມີເນຶ້ອໃນໜັກແໜ້ນໃນການຈັດຕັ້ງປະຕິບັດໃນຕໍ່ໜ້າ ແລະ ສອດຄອງຕາມແນວທາງຂອງພັກເຊີ່ງກອງປະຊຸມໃນຄັ້ງນີ້ໄດ້ດຳເນີນໄປເປັນເວລາ 2 ວັນຈື່ງສຳເລັດລົງ.

ອອກ​ຈາກ REPLY ເປັນ

Please enter your comment!
Please enter your name here