ກອງປະຊຸມໃຫຍ່ຜູ້ແທນສະຫະພັນກຳມະບານທົ່ວເມືຶອງ ວາປີ ຄັ້ງທີ VII

ໃນຕອນເຊົ້າຂອງວັນທີ 6 ມີນາ 2019 ເມືອງ ວາປີ ໄດ້ຈັດກອງປະຊຸມໃຫຍ່ຜູ້ແທນສະຫະພັນກຳມະບານທົ່ວເມືຶອງ ວາປີ ຄັ້ງທີ VII ຂື້ນຢູ່ທີ່ສະໂມສອນໃຫຍ່ຂອງເມືອງ ວາປີ ໂດຍໃຫ້ກຽດເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ-ເລຂາພັກເມືອງ ເຈົ້າເມືອງໆ ວາປີ ແລະ ໃຫ້ກຽດເຂົ້າຮ່ວມຂອງທ່ານ ສຸລິດ ສີລິມະໂນທຳ ປະທານສະຫາພັນກຳມະບານແຂວງສາລະວັນ, ມີບັນດາການນຳຂັ້ນເມືອງ, ກຳມະການພັກເມືອງ, ແຂກທີ່ມາຈາກຕ່າງເມືອງ, ຮາກຖານກຳມະບານໃນທົ່ວເມືອງເຂົ້າຮ່ວມທັງໝົດ 161 ທ່ານ, ຍິງ 42 ທ່ານ.

       ທ່ານ ນາງ ນວນລະໄມ ສີປະຈັກ ຮອງປະທານສະຫະພັນກຳມະບານເມືອງ ວາປີ ກໍ່ໄດ້ໃຫ້ກຽດຂື້ນສະຫຼຸບຕີລາຄາຜົນການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ VII ເຊີ່ງໃນໄລຍະຜ່ານມາ ຄະນະບໍລິຫານງານສະຫາພັນກຳມະບານເມືອງ ວາປີ ກໍ່ໄດ້ເອົາໃຈໃສ່ເຮັດວຽກການເມືອງ-ແນວຄິດຢ່າງຕໍ່ເນື່ອງ ແລະ ດຳເນີນເປັນປົກກະຕິ ນໍາໃຊ້ເນື້ອໃນຫຼາຍຮູບການ, ຫຼາຍວິການ, ໃນການນຳເອົາແນວທາງນະໂຍບາຍຂອງພັກ,ລະບຽບກົດໝາຍຂອງລັດ, ມະຕິ, ຄຳສັ່ງ, ມູນເຊື້ອຂອງພັກ, ຂອງຊາດ, ຂອງກຳມະບານ, ຂອງປະເທດເພື່ອນມິິດ, ຂອງບັນດາອົງການຈັັດຕັ້ງສາກົນ ແລະ ສະພາບການທີ່ພົ້ນເດັ່ນທີ່ເກີດຂື້ນໃນແຕ່ລະໄລຍະມາສຶກສາອົບຮົມ ແລະ ເຜີຍແຜ່ໃຫ້ພະນັກງານ-ລັດຖະກອນ, ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານລາວບັນດາເຜົ່າຮັບຮູ້ເຊື່ອມຊືມ ແລະ ກຳແໜ້ນຢ່າງທົ່ວເຖິງ.ປະຈຸບັນໜ່ວຍຮາກຖານກຳມະບານມີທັງໝົດ 39 ຮາກຖານ, ທົ່ວເມືອງມີພະນັກງານສະມາຊິກກຳມະບານ 868 ສະຫາຍ, ຍິງ 429 ສະຫາຍ,ທຽບໃສ່ກອງປະຊຸມໃຫ່ຍ ຄັ້ງທີ VI ເພີ່ມຂື້ນ 256 ສະຫາຍ, ສະມາຊິກກໍາມະບານທີ່່ເສຍເງິນບໍາລຸງ 5.000 ກີບ ມີ 758 ສະຫາຍ, ເສຍເງິນບຳລຸງ 1.000 ກີບ ມີ 67 ສະຫາຍ:ໃນນີ້ເປັນສະມາຊິກພັກ 433 ສະຫາຍ, ຍິງ 276 ສະຫາຍ, ເປັນຊາວໜຸ່ມ 681 ສະຫາຍ, ຍິງ 276 ສະຫາຍ, ແມ່ຍິງ 423 ສະຫາຍ: ມີຄະນະບໍລິຫານງານທັງໝົດ 15 ສະຫາຍ, ຍິງ 2 ສະຫາຍ, ມີພະນັກງານກຳມະບານອາຊີບ 6 ສະຫາຍ, ຍິງ 2 ສະຫາຍ, ພະນັກງານອາສາສະໝັກ 2 ສະຫາຍ.

     ຈາກນັ້ນໃນພິທີກໍ່ໄດ້ປ່ອນບັດຄັດເລືອກເອົາຄະນະປະທານ ແລະ ຄະນະບໍລິຫານງານຊຸດໃໝ່ເຊີ່ງມີຜູ້ສະໝັກທັງໝົດ  21 ສະຫາຍ, ເລືອກເອົາ 19 ສະຫາຍ, ຜ່ານການປ່ອນບັດຄັດເລືອກ ແລະ ໄດ້ແຕ່ງຕັ້ງສະຫາຍ ຄຳຟອງ ຈັນທະຈອນ ເປັນປະທານສະຫະພັນກຳມະບານຊຸດໃໝ່, ສະຫາຍ ນ ນວນລະໄມ ສີປາສັກ ແລະ ສະຫາຍ ພູວັນ ປັນຍານະສີ ເປັນຮອງປະທານສະຫາະພັນກຳມະບານຊຸດໃໝ່ຂອງເມືອງ.

ອອກ​ຈາກ REPLY ເປັນ

Please enter your comment!
Please enter your name here