ກອງປະຊຸມໃຫ່ຍຜູ້ແທນສະຫະພັນແມ່ຍິງ ຄັ້ງທີ VI ທົ່ວເມືອງ ວາປີ

ໃນວັນທີ 24 ພຶດສະພາ 2019 ເມືອງ ວາປີ ໄດ້ຈັດກອງປະຊຸມໃຫ່ຍຜູ້ແທນສະຫະພັນແມ່ຍິງທົ່ວເມືອງ ວາປີ ຂື້ນຢູ່ທີ່ສະໂມສອນໃຫ່ຍຂອງເມືອງ ໂດຍເປັນປະທານຂອງທ່ານ ນາງ ຕຽງຄຳ ສິດທິຈັກ, ມີຄະນະປະຈຳພັກເມືອງ ປະທານສະຫະພັນແມ່ຍິງເມືອງ ຜູ້ຊີ້ນຳວຽກງານການຈັດຕັ້ງມະຫາຊົນ, ເປັນກຽດເຂົ້າຮ່ວມຂອງທ່ານ ພັທ ລັງສີ ຈັນທະລັງສີ ກຳມະການພັກແຂວງ ຄະນະບໍລິຫານງານພັກເມືອງ ເຈົ້າເມືອງໆ ວາປີ ແລະ ທ່ານ ນາງ ດວງມາລາ ສີສະໜຸດ ຮອງປະທານຄະນະບໍລິຫານງານສະຫະພັນແມ່ຍິງແຂວງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການພ້ອມດ້ວຍແຂກທີ່ຖືກເຊີນຈາກສະຫະພັນແມ່ຍິງ 5 ຕົວເມືອງ ແລະ ສະມາຊິກສະຫະພັນແມ່ຍິງເຂົ້າຮ່ວມທັງໝົດ 134 ສະຫາຍ,ຍິງ  125  ສະຫາຍ.

      ກອງປະຊຸມໃນຄັ້ງນີ້ ໄດ້ຮັບຮອງເອົາ ຮ່າງບົດລາຍງານການເມືອງຂອງຄະນະບໍລິຫານງານສະຫະພັນແມ່ຍິງເມືອງ ສະຫຼຸບຕີລາຄາຢ່າງພາວະວິໃສຕໍ່ຜົນງານການເຄື່ອນໄຫວຂອງສະຫະພັນແມ່ຍິງ ແລະ ສະມາຊິກແມ່ຍິງ ໃນການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງທີ VI, ໃນ 7 ແຜນງານ, 20 ໂຄງການ ໃນການພັດທະນາແມ່ຍິງ. ນອກນັ້ນກອງປະຊຸມຍັງໄດ້ເປັນເອກະພາບຮັບຮອງເອົາວຽກງານຂອງສະຫະພັນແມ່ຍິງເມືອງ ວາປີ ໃນ 5 ປີຕໍ່ໜ້າ ເຊີ່ງຈະໄດ້ສຸມໃສ່ໃນການສູ້ຊົນຈັດຕັ້ງປະຕິບັດໃນຫຼາຍດ້ານເປັນຕົ້ນ ຊຸກຍູ້ອ້າຍນ້ອງແມ່ຍິງ, ສະມາຊິກແມ່ຍິງ ຄົ້ນຄ້ວາເຊື່ອມຊຶມແນວທາງຂອງພັກ, ນະໂຍບາຍຂອງລັດ, ລັດຖະທຳມະນູນ, ລະບຽບກົດໝາຍ, ແຜນພັດທະນາເສດຖະກິດ-ສັງຄົມ ກວມເອົາ 80 ກ່ວາສ່ວຍຮ້ອຍຂື້ນໄປ ປຸກລະດົມເອື້ອຍນ້ອງແມ່ຍິງໃຫ້ເຂົ້າເຖິງຂໍ້ມູນຂ່າວສານທີ່ເປັນປະໂຫຍດຕໍ່ການພັດທະນາແມ່ຍິງ ແລະ ຄອບຄົວໃຫ້ກວມເອົາ 80 ກ່ວາສ່ວຍຮ້ອຍຂື້ນໄປ ປັບປຸງການຈັດຕັ້ງແມ່ຍິງ ໃຫ້ໜັກແໜ້ນ-ເຂັ້ມແຂງ ຂະຫຍາຍການຈັດຕັ້ງ ແລະ ສະມາຊິກສະຫະພັນແມ່ຍິງ ໃຫ້ໄດ້ 95 ກ່ວາສ່ວນຮ້ອຍ ໃນທຸກຂົງເຂດວຽກງານ ປຸກລະດົມເອື້ອຍນ້ອງແມ່ຍິງໃຫ້ເອົາໃຈໃສ່ອະນຸລັກ ແລະ ເສີມຂະຫຍາຍລັກສະນະທີ່ເປັນມູນເຊື້ອ ແລະ ວັດທະນະທຳອັນດີງາມຂອງຊາດ ປະຕິບັດຄຳຂວັນ ແລະ ຂໍ້ແຂ່ງຂັນຂອງສະຫະພັນແມ່ຍິງລາວຕິດພັນກັບວຽກງານ 3 ສ້າງໃຫ້ກວມເອົາ 80 ສ່ວນຮ້ອຍຂື້ນໄປ ສົ່ງເສີມການຮ່ວມມືກັບອົງການຈັດຕັ້ງສະຫະພັນແມ່ຍິງພາກພື້ນ ການຈັດຕັ້ງຜັນຂະຫຍາຍແນວທາງຂອງພັກນະໂຍບາຍຂອງລັດ, ລັດຖະທຳມະນູນ, ລະບຽບກົດໝາຍ, ແຜນພັດທະນາເສດຖະກິດ-ສັງຄົມ ຂອງເມືອງໃຫ້ກ້ວາງຂວາງ ແລະ ດ້ານອື່ນໆອີກ ຈາກນັ້ນກອງປະຊຸມກໍ່ໄດ້ຮັບຟັງບົດລາຍງານຂອງສະຫະພັນແມ່ຍິງເມືອງ ສາລະວັນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ, ຮັບຟັງຄຳຄິດເຫັນຂອງສະຫະພັນແມ່ຍິງປ້ອງກັນຊາດ-ປ້ອງກັນຄວາມສະຫງົບເມືອງ ໃນການເຂົ້າເຖິງການບໍລິການຂອງເອື້ອຍນ້ອງແມ່ຍິງກ່ຽວກັບການຄຸ້ມຄອງກົດໝາຍ, ຮັບຟັງການລາຍງານການສ້າງເສດຖະກິດຄອບຄົວຂອງສະຫະພັນແມ່ຍິງບ້ານ ເຊີ່ງແມ່ນຕົວແບບໃນການຕ່ຳແຜ່ນ.

      ຈາກນັ້ນໃນກອງປະຊຸມກໍ່ໄດ້ພ້ອມກັນນຳໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະປະທານ ແລະ ຄະນະບໍລິຫານງານຊຸດໃໝ່ເຊີ່ງມີຜູ້ສະໝັກທັງໝົດ 25 ທ່ານ, ເລືອກເອົາ 21 ທ່ານ ເພື່ອສືບຕໍ່ຊີ້ນຳນຳພາວຽກງານສະຫະພັນແມ່ຍິງໃນ 5 ປີຕໍ່ໜ້າຜ່ານການບ່ອນບັດຄັດເລືອກ ແລະ ໄດ້ແຕ່ງຕັ້ງ ສະຫາຍ ນາງ ວິໄລພອນ ໄຊຍະເສນ ເປັນປະທານສະຫະພັນແມ່ຍິງຊຸດໃໝ່, ສະຫາຍ ນາງ ພູວັນ ພູມອຸທອນ ແລະ ສະຫາຍ ນາງ ທ່ອນຄຳ ນະວົງຄຳ ເປັນຮອງປະທານສະຫະພັນແມ່ຍິງຊຸດໃໝ່ ໃນຕອນທ້າຍຂອງກອງປະຊຸມກໍ່ໄດ້ມີການມອບໃບຍ້ອງຍໍ ແລະ ໄດ້ຮັບຟັງຄຳໂອ້ລົມຕື່ມອີກ.

ອອກ​ຈາກ REPLY ເປັນ

Please enter your comment!
Please enter your name here