ຄະນະນຳເມືອງ ວາປີ ພົບປະພໍ່ແມ່ປະຊາຊົນເຂດກຸ່ມທີ 6 ຂອງເມືອງ ວາປີ ມີຈຳນວນວນ 3 ບ້ານ: ບ້ານນາລັນ, ບ້ານກອງລຶ ແລະ ບ້ານນາຕະປຽນ

ໃນມື້ວັນທີ 27 ມິຖຸນາ 2019 ທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາພັກເມືອງ ເຈົ້າເມືອງໆ ວາປີ ພ້ອມດ້ວຍຄະນະ ແລະ ທິມງານກໍ່ສ້າງຮາກຖານຂັ້ນແຂວງ ໄດ້ລົງຢ້ຽມຢາມ ແລະ ພົບປະໂອ້ລົມ ພໍ່ແມ່ປະຊົນ ຢູ່ເຂດກຸ່ມ 6 ຂອງເມືອງ ວາປີ. ທັງໄດ້ຢື້ຢາມຖາມຂ່າວເຖິງຊີວິດການເປັນຢູ່ຂອງພໍ່ແມ່ປະຊາຊົນໃນດ້ານຂໍ້ສະດວກ, ຂໍ້ຫຍຸ້ງຍາກ, ປາກົດການຫຍໍ້ທໍ້ຕ່າງໆ. ເຊີ່ງທ່ານໄດ້ເນັ້ນໜັກຕໍ່ກັບອຳນາດການປົກຄອງຂັ້ນບ້ານ ແລະ ພໍ່ແມ່ປະຊາຊົນເອົາໃຈໃສ່ໃນການປະຕິບັດລະບຽບກົດໝາຍບ້ານເມືອງ, ສຶກສາອົບຮົມແນວຄິດ, ກຳແໜ້ນແນວທາງນະໂຍບາຍຂອງພັດ-ລັດ, ເຕົ້າໂຮມຄວາມສາມັກຄີປອງດອງຂອງປະຊາຊົນໃຫ້ເປັນປຶກແຜ່ນແໜ້ນໜາ ແລະ ມີສ່ວນຮ່ວມຕໍ່ກັບວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ເຂັ້ມແຂງ, ເອົາໃຈໃສ່ສະກັດກັ້ນ ແລະ ແກ້ໄຂປາກົດການຫຍໍ້ທໍ້ຕ່າງໆທີ່ເກີດຂື້ນໃນສັງຄົມເຊັ່ນ: ບັນຫາຢາເສບຕິດ ແລະ ອື່ນໆ ໃຫ້ຫຼຸດໜ້ອຍຖອຍລົງເທື່ອລະກ້າວ ແນໃສ່ຄອບຄົວເປັນເຈົ້າການ ສຶກສາອົບຮົມລູກຫຼານໃຫ້ເລິກເຊີ່ງທົ່ວເຖິງ  ແລະ ເປັນເຈົ້າການໃນການໃນການປົກປັກຮັກສາຊັບພະຍາກອນທຳມະຊາດໃຫ້ຢືນຍົງ, ມີສ່ວນຮ່ວມໃນການສອດແນມເບີ່ງກຸ່ມຄົນທີ່ບໍ່ຫວັງດີ ລັກລອບຕັດໄມ້ທຳລາຍປ່າ ໃຫ້ໝົດໄປ ແນໃສ່ເຮັດໃຫ້ສັງຄົມມີຄວາມສະຫງົບ ແລະ ປອດໄພ. ໃນຕອນທ້າຍກໍ່ໄດ້ມີການມອບເຄື່ອງນຸ່ງຮົ່ມໃຫ້ແກ່ຄອບຄົວທຸກຍາກ ແລະ ມອບອຸປະກອນກິລາໃຫ້ໂຮງຮຽນນຳອີກ.                       

ອອກ​ຈາກ REPLY ເປັນ

Please enter your comment!
Please enter your name here