ທ່ານຮອງເຈົ້າແຂວງໆສາລະວັນ ຜູ້ຊີ້ນໍາວຽກງານເສດຖະກິດໄດ້ລົງຊຸກຍູ້ຈັດເກັບລາຍຮັບປະຈໍາປີ 2018 ທີ່ເມືອງວາປີໃນຄັ້ງວັນທີ 23 ຕຸລາ 2018.

ໃນຕອນເຊົ້າຂອງວັນທີ 23 ຕຸລາ 2018 ນີ້,ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງ ໄດ້ຈັດກອງປະຊຸມຊຸກຍູ້ເກັບລາຍຮັບປະຈຳປີ 2018 ທີ່ເມືອງວາປີ,ໂດຍໃຫ້ກຽດເປັນປະທານຂອງທ່ານ ວິຊຽນ ນະວິກຸນ ຄະນະປະຈຳພັກແຂວງ,ຮອງເຈົ້າແຂວງຜູ້ຊີ້ນຳຂົງເຂດເສດຖະກິດ,ເປັນກຽດເຂົ້າຮ່ວມຂອງທ່ານ ປອ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງເຈົ້າເມືອງໆວາປີ,ມີຄະນະປະຈຳພັກເມືອງ,ກຳມະການພັກເມືອງ,ຫົວໜ້າພະແນກການເງີນແຂວງ(ພ້ອມດວ້ຍວິຊາການ),ຫົວໜ້າຫ້ອງການ,ຮອງຫ້ອງການ,ຄະນະພັກຮາກຖານເຂົ້າຮ່ວມທັງໝົດ 44 ຄົນ,ຍິງ 3 ຄົນ.

ໃນກອງປະຊຸມຄັ້ງນີ້ກໍ່ໄດ້ມີການປຶກສາຫາລືຊອກຫາຂໍ້ຄົງຄ້າງ ແລະ ແລກປ່ຽນຄຳຄິດຄຳເຫັນໃນແຕ່ລະຂົງເຂດວຽກງານ, ໂດຍລວມແລ້ວເມືອງວາປີກໍ່ເປັນເມືອງໜື່ງທີ່ມີເສດຖະກິດຂະຫຍາຍຕົວດີພໍສົມຄວນເຊີ່ງສາມາດເກັບລາຍຮັບເຂົ້າງົບປະມານພາຍໃນ 10 ເດືອນຕົ້ນປີໄດ້ 3,020,949,121 ກີບ,ທຽບໃສ່ແຜນປີເທົ່າກັບ 82,94%,ແຕ່ຖ້າທຽບໃສ່ເມືອກ່ອນແມ່ນມີລັກສະນະພົ້ນເດັ່ນ ເຊີ່ງມັນສະແດງອອກທາງດ້ານກະສິກໍາມາຮອດປັດຈຸບັນແມ່ນລະດູເກັບກ່ຽວເຊີ່ງມີຂະບວນຟົດຟຶ້ນ,ແຕ່ຍ້ອນສະພາບດິນຟ້າອາກາດບໍ່ເອື້ອອຳນວຍເຮັດໃຫ້ເຂົ້າເກີດເປັນພະຍາດບົ່ວເຮັດໃຫ້ສະມັດຕະພາບຫຼຸດລົງ 70-80%ຂອງແຜນ,ສ່ວນການຄຸ້ມຄອງປ່າໄມ້ກໍ່ໄດ້ມີການສົ່ງເສີມໃຫ້ໂຮງງານຖ່ານຂາວປູກໄມ້ຕີ້ວເພີ່ມອີກທັງໃນປ່າຜະລິດ ແລະ ປ່າພື້ນຟູ.ພາຍຫຼັງທີ່ໄດ້ຮັບຟັງການລາຍງານວຽກງານໃນແຕ່ລະຂົງເຂດແລ້ວທ່ານປະທານກໍ່ໄດ້ມີຄຳເຫັນຕໍ່ກອງປະຊຸມໂດຍມອບໃຫ້ພາກສ່ວນທີ່ກ່ຽວຂ້ອງຈົ່ງພ້ອມກັນຈັດຕັ້ງປະຕິບັດ ພ້ອມທັງຊອກຫາວິທີແກ້ໄຂບັນຫາຕ່າງໆທີ່ເກີດຂື້ນກັບວຽກງານໃນແຕ່ລະດ້ານ ແລະ ສູ້ຊົນປະຕິບັດແຜນຄາດຄະເນ 2 ເດືອນທ້າຍປີ 2018 ໃຫ້ໄດ້ຕາມຄາດໝາຍທີ່ວາງອອກ ແລະ ກອງປະຊຸມກໍ່ໄດ້ປິດລົງໃນວັນດຽວກັນ.

 

ອອກ​ຈາກ REPLY ເປັນ

Please enter your comment!
Please enter your name here