ບ້ານພູມສະຫວັນ ເມືອງວາປີ ແຂວງສາລະວັນ ເລືອກຕັ້ງນາຍບ້ານຊຸດໃໝ່.

       ໃນຕອນເຊົ້າຂອງວັນທີ 12 ທັນວາ 2018 ນີ້,ທີ່ບ້ານພູມສະຫວັນ ເມືອງວາປີ ໄດ້ຈັດກອງປະຊຸມເພຶ່ອເລືອກຕັ້ງນາຍບ້ານຊຸດໃໝ່ຂື້ນຢູ່ທີ່ສະໂມສອນບ້ານພູມສະຫວັນ ເມືອງວາປີ ແຂວງສາລະວັນ,ໂດຍໃຫ້ກຽດເປັນປະທານຂອງທ່ານ ສີດາ ພານຸວົງ ນາຍບ້ານໆ ພູມສະຫວັນ,ໃຫ້ກຽດເຂົ້າຮ່ວມຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງ-ເຈົ້າເມືອງໆວາປີ,ທ່ານ ຄຳຟອງ ຈັນທະຈອນ ຫົວໜ້າຫ້ອງການພາຍໃນເມືອງ ແລະ ທ່ານ ດາລາ ພົມມະລືຊາ ປະທານກຸ່ມບ້ານພັດທະນາທີ1,ພ້ອມດ້ວຍແຂກຖືກເຊີນ,ຕະຫຼອດຮອດອົງການຈັດຕັ້ງບ້ານ,ນາຍບ້ານອ້ອມຂ້າງ,ພ້ອມດ້ວຍພໍ່ແມ່ປະຊາຊົນເຂົ້າຮ່ວມເປັນຈໍານວນຫຼວງຫຼາຍເຊີ່ງມີຈໍານວນຄົນເຂົ້າຮ່ວມທັງໝົດ 285 ຄົນ, ຍິງ 86 ຄົນ.

ໃນກອງປະຊຸມທ່ານ ຄຳຟອງ ຈັນທະຈອນ ຫົວໜ້າຫ້ອງການພາຍໃນເມືອງວາປີໄດ້ຜ່ານຂໍ້ຕົກລົງຂອງທ່ານເຈົ້າເມືອງໆວາປີສະບັບເລກທີ 279/ຈມ.ວປ ວ່າດ້ວຍ:ການອະນຸມັດໃຫ້ບ້ານທີ່ຄົບວາລະສະໄໝເປີດກອງປະຊຸມເລືອກຕັ້ງນາຍບ້ານຂື້ນຢ່າງເປັນທາງການ.ຈາກນັ້ນທ່ານນາຍບ້ານກໍ່ໄດ້ຂື້ນຜ່ານບົດສະຫຼຸບການຈັດຕັ້ງປະຕິບັດໃນ 3 ປີຜ່ານມາ(2014-2017)ແລະທິດທາງແຜນການ 5 ປີໃນຕໍ່ໜ້າ(2018-2023),ເຊີ່ງໄດ້ຍົກໃຫ້ເຫັນຜົນງານດີເດັ່ນໃນຫຼາຍດ້ານ ແລະ ວຽກງານທີ່ຄົງຄ້າງຈະຕ້ອງໄດ້ປັບປຸງແກ້ໄຂໃນຕໍ່ໜ້າ,ໂດຍສ້າງບ້ານໃຫ້ກາຍເປັນບ້ານທີ່ມີຄວາມເຂັ້ມແຂງ,ສຳລັບທຸກໜ້າທີ່ວຽກງານການຈັດຕັ້ງມອບໝາຍ,ຮັບປະກັນສະຖຽນລະພາບທາງດ້ານການເມືອງ,ມີຄວາມສະຫງົບທາງດ້ານສັງຄົມ,ເອົາໃຈໃສ່ອະນຸລັກຮັກສາຮິດຄອງປະເພນີອັນດີງາມຂອງຊາດກໍ່ຄືຂອງທ້ອງຖີ່ນໄວ້ໃຫ້ໝັັັັັ້ນຄົງ,ເດັກນ້ອຍໃນເກນອາຍຸໃຫ້ເຂົ້າຮຽນ 100%,ປະຊາຊົນພາຍໃນບ້ານຈົບມັດທະຍົມຂື້ນໄປ,ຊຸກຍູ້ການປະຕິບັດຫຼັກການສຸຂະອະນາໄມ 3 ສະອາດ,ຈັດຕັ້ງປ້ອງກັນສະກັດກັ້ນ ແລະ ປິ່ນປົວສັກຢາປ້ອງກັນພະຍາດລະບາດຕ່າງໆໃຫ້ຄົບຖ້ວນທົ່ວເຖີງ,ເຮັດໃຫ້ການພັດທະນາເສດຖະກິດ-ສັງຄົມຂອງບ້ານມີຈັ່ງຫວະເຕີບໂຕເປັນກ້າວໆ.ຈາກນັ້ນກອງປະຊຸມກໍ່ໄດ້ສຶບຕໍ່ຄັດເລືອກເອົາຄະນະບ້ານຊຸດໃໝ່ເຊີ່ງມີຜູ້ສະໝັກຮັບເລືອກຕັ້ງມີ 7 ສະຫາຍ ເຊີ່ງໄດ້ເລືອກເອົາ 5 ສະຫາຍໃນນັ້ນເລືອກໄດ້ ສະຫາຍ ທະວີພອນ ແກ້ວບົວໃສ ເປັນນາຍບ້ານຊີ້ນຳລວມ,ສະຫາຍ ນາງ ມະນີວອນ ອິນທະເສນ ເປັນຮອງຜູ້ທີໜື່ງ ຊີ້ນຳວຽກງານພັກ ແລະ ອົງການຈັດຕັ້ງມະຫາຊົນ,ສະຫາຍ ສົມສະໜຸກ ເປັນຮອງຜູ້ທີສອງ ຊີ້ນຳວຽກງານເສດຖະກິດ,ສະຫາຍ ເລັນ ແສງເດືອນ ເປັນຮອງຜູ້ທີ່ສາມຊີ້ນຳວຽກງານ ປົກຄອງ,ສະຫາຍ ສາລີ ທຳມະວົງສາ ຊີ້ນຳວຽກງານວັດທະນະທຳສັງຄົມ.

     ຈາກການລາຍງານ ຜົນການຕົກລົງເປັນເອກະພາບຂອງກອງປະຊຸມແລ້ວ ທ່ານນາຍບ້ານພ້ອມດ້ວຍຄະນະຊຸດໃໝ່ກໍ່ໄດ້ຂື້ນຜ່ານບົດກ່າວຮັບໜ້າທີ່ ແລະ ກ່າວປະຕິຍານຕົນຕໍ່ກອງປະຊຸມໃນຄັ້ງນີ້ໂດຍຈະເອົາໃຈໃສ່ດຳເນີນຊີວິດການເມືອງໃຫ້ເປັນປົກກະຕິ,ຈະພ້ອມກັນສົ່ງເສີມອັນດີ ແລະ ແກ້ໄຂດ້ານອ່ອນໃຫ້ທັນກັບເວລາ,ຈະປັບປຸງແກ້ໄຂປະກົດການຫຍໍ້ທໍ້ທີ່ເກີດຂື້ນໃນບ້ານໃຫ້ຫຼຸດນ້ອຍຖອຍລົງ ແລະ ກອງປະຊຸມກໍ່ໄດ້ປິດລົງໃນເວລາ 12:30 ນາທີ ຂອງວັນດຽວກັນ.

ອອກ​ຈາກ REPLY ເປັນ

Please enter your comment!
Please enter your name here