ພິທີປະກາດບ້ານ ໜັກແໜ້ນ-ເຂັ້ມແຂງ ຈຳນວນ 10 ບ້ານ.

ໃນຕອນເຊົ້າຂອງວັນທີ 31​ ພຶດສະພາ 2019 ຢູ່ທີ່ບ້ານ ວາປີ ເມືອງ ວາປີ ແຂວງສາລະວັນ ໄດ້ຈັດພິທີປະກາດບ້ານ ໜັກແໜ້ນ-ເຂັ້ມແຂງ ຈຳນວນ 10 ບ້ານຄື: ບ້ານ ວາປີ, ບ້ານ ພູມສະຫວັນ, ບ້ານ ໜອງໂພ, ບ້ານ ສະເໝັຍ, ບ້ານ ເລົ້າ, ບ້ານ ສຸທິ, ບ້ານ ຫ້ວຍໂຄນ, ບ້ານ ໜອງໂງ້ງ, ບ້ານ ຄອນສາຍ, ບ້ານ ນາສຽດ. ໂດຍເປັນປະທານຂອງທ່ານ ພັທ ລັງສີ ຈັນທະມາລີ ກໍາມະການພັກແຂວງ-ເລຂາພັກເມືອງ ເຈົ້າເມືອງໆ ວາປີ, ມີຄະນະປະຈຳພັກເມືອງ, ກໍຳມະການພັກເມືອງ, ຫົວໜ້າຫ້ອງການ, ທິມງານກໍ່ສ້າງຮາກຖານຂັ້ນແຂວງ, ນາຍບ້ານ ແລະ ພໍ່ແມ່ປະຊາຊົນໃນບ້ານ ວາປີ ເຂົ້າຮ່ວມ.

       ໃນພິທີ ທ່ານຄໍາຟອງ ຈັນທະຈອນ ກໍາມະການພັກເມືອງ ຫົວໜ້າຫ້ອງການພາຍໃນເມືອງ ໄດ້ຜ່ານບັນດາຂໍ້ຕົກລົງຕ່າງໆ ວ່າດ້ວຍ: ການອະນຸມັດຮັບຮອງເອົາຄອບຄົວ ແລະ ບ້ານ ຈຳນວນ 10 ບ້ານ ເປັນຄອບຄົວ ແລະ ບ້ານໜັກແໜ້ນ-ເຂັ້ມແຂງ ຈາກນັ້ນ ທ່ານ ຄຳໄພ ນະໄພວົງ ນາຍບ້ານໆ ວາປີ  ໄດ້ຕາງໜ້າໃຫ້ບັນດາບ້ານທີ່ໄດ້ຮັບນາມມະຍົດ ຂື້ນຜ່ານບົດສະຫຼຸບການຈັດຕັ້ງປະຕິບັດ ແລະ ການປະເມີນບ້ານໜັກແໜ້ນ-ເຂັ້ມແຂງໃນໄລຍະຜ່ານມາ. ເຊີ່ງທ່ານໄດ້ໃຫ້ຮູ້ວ່າໃນຈຳນວນ 10 ບ້ານດັ່ງກ່າວມີຈຳນວນຫຼັງຄາເຮືອນທັງໝົດ 2 ພັນ 1 ຮ້ອຍກ່ວາຫຼັງຄາ, 2 ພັນ 8 ຮ້ອຍກ່ວາຄອບຄົວ, ມີພົນລະເມືອງທັງໜົດ12 ພັນ 3 ຮ້ອຍກ່ວາຄົນ, ຍິງ 6 ພັນ 2 ຮ້ອຍກ່ວາຄົນ. ພາຍຫຼັງທີ່ວຽກງານການສ້າງບ້ານໜັກແໜ້ນ-ເຂັ້ມແຂງໄດ້ຖືກຈັດຕັ້ງປະຕິບັດໃນບັນດາບ້ານຕ່າງໆ ໃນທົ່ວເມືອງ ວາປີ ເຫັນວ່າອຳນາດການປົກຄອງໃນແຕ່ລະບ້ານເວົາລວມ ເວົ້າສະເພາະກໍ່ແມ່ນ 10 ບ້ານເປົ້າໝາຍທີ່ສ້າງເປັນບ້ານ ໜັກແໜ້ນ-ເຂັ້ມແຂງ ໃນປີ 2018 ແມ່ນສາມາດປະຕິບັດໄດ້ຕາມ 10 ມາດຖານເງື່ອນໄຂ ທີ່ວາງອອກເປັນຕົ້ນ ອົງການປົກຄອງບ້ານມີຄົບ 5 ໜ່ວຍງານຊ່ວຍວຽກ, ການປະກອບບຸກຄະລາກອນເຂົ້າໃນອົງການປົກຄອງບ້ານມີຄົບ 15 ໜ່ວຍງານຊ່ວຍວຽກບ້ານ, ບ້ານມີລະບຽບໃນການຄຸ້ມຄອງບໍລິຫານບ້ານ, ບ້ານມີຫ້ອງການບ້ານເປັນປົກກະຕິ, ບ້ານມີການຈັດຕັ້ງເຊື່ອມຊືມເຜິີຍແຜ່ແນວທາງນະໂຍບາຍຂອງພັກ-ລັດ ລະບຽບກົດໝາຍບ້ານ ເມືອງ ແລະ ບັນດາມາດຖານອື່ນກໍ່ປະຕິບັດຢ່າງມີຜົນສຳເລັດ. ພາຍຫຼັງການຜ່ານບົດສະຫຼຸບສຳເລັດແລ້ວ ໃນພິທີຍັງໄດ້ສືບຕໍ່ມອບໃບຢັ້ງຢືນໃຫ້ບັນດາບ້ານທີ່ໄດ້ຮັບນາມມະຍົດເປັນບ້ານ ໜັກແໜ້ນ-ເຂັ້ມແຂງ. ເຊີ່ງໃຫ້ກຽດຂື້ນມອບຂອງ ທ່ານ ຄໍາຟອງ ຈັນທະຈອນ ກະມະການພັກເມືອງ ຫົວໜ້າຫ້ອງການພາຍໃນເມືອງ ວາປີ. ຈາກນັ້ນບັນດາທ່ານທີ່ເຂົ້າຮ່ວມພິທີປະກາດຮັບຮອງບ້ານໜັກແໜ້ນ-ເຂັ້ມແຂງໃນຄັ້ງນີ້ ກໍ່ຍັງໄດ້ຮ່ວມກັນເປີດປ້າຍລັ່ນຄ້ອງ 9 ບາດເພື່ອເປັນສັກຂີພະຍານໃນງານຄັ້ງນີ້ນຳອີກ ແລະ ໃນຕອນທ້າຍ ບັນດາແຂກທີ່ເຂົ້າຮ່ວມໃນງານກໍ່ໄດ້ຮ່ວມກັນປູກຕົ້ນໄມ້ ເນື່ອງໃນວັນ 1 ມີຖຸນາ ( ວັນເດັກນ້ອຍສາກົນ-ວັນປູກຕົ້ນໄມ້ແຫ່ງຊາດ ).

ອອກ​ຈາກ REPLY ເປັນ

Please enter your comment!
Please enter your name here