ພິທີປະກາດຮັບຮອງກຳມະບານຮາກຖານ ຫ້ອງວ່າການ, ຈັດຕັ້ງ, ກວດກາ, ຖວທ, ການເງິນ, ການຄ້າ, ສາທາ, ປທສ ເປັນກຳມະບານຮາກຖານ 5 ເປັນເຈົ້າ ໄລຍະ 3 ປີ ( 2017-2019 ).

ໃນຕອນເຊົ້າຂອງວັນທີ 12 ມິຖຸນາ 2019 ຫ້ອງວ່າການ ເມືອງ ວາປີ ໄດ້ຈັດກອງປະຊຸມປະກາດຮັບຮອງກຳມະບານຮາກຖານ ຫ້ອງວ່າການ, ຈັດຕັ້ງ, ກວດກາ, ຖວທ, ການເງິນ, ການຄ້າ, ສາທາ, ປທສ ເປັນກໍາມະບານຮາກຖານ 5 ເປັນເຈົ້າ ໄລຍະ 3 ປີຂື້ນຢູ່ທີ່ຫ້ອງປະຊຸມຂອງຕົນ ໂດຍການເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາພັກເມືອງ ເຈົ້າເມືອງໆ ວາປີ, ໃຫ້ກຽດເຂົ້າຮ່ວມຂອງນາງ ຕຽງຄຳສິດທິຈັກ ຄະນະປະຈຳພັກເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນ ພ້ອມດ້ວຍແຂກຖືກເຊີນແລະ ສະມາຊິກກຳມະບານເຂົ້າຮ່ວມ.      ທ່ານ ນັດສະກອນ ວົງສາລາດ ປະທານກຳມະບານຮາກຖານ ຫ້ອງວ່າການ ໄດ້ລາຍງານເຖິງຜົນສໍາເລັດໃນການຈັດຕັ້ງປະຕິບັດເນື້ອໃນແຂ່ງຂັນ 5 ເປັນເຈົ້າໃນໄລຍະ 3 ປີຜ່ານມາເຊີ່ງມີຜົນສຳເລັດຫຼາຍດ້ານໂດຍສະເພາະໃນການເປັນເຈົ້າໂຄສະນາສຶກສາອົບຮົມດ້ານການເມືອງ-ແນວຄິດ, ເປັນເຈົ້າໃນການປັບປຸງໃນການນຳພາ ແລະ ຂະຫຍາຍການຈັດຕັ້ງກຳມະບານ, ເປັນເຈົ້າໃນການປົກປ້ອງສິດ ແລະ ຜົນປະໂຫຍດອັນຊອບທຳຂອງພະນັກງານສະມາຊິກກຳມະບານ,ກຳມະກອນ ແລະ ຊາວຜູ້ອອກແຮງງານ ເປັນເຈົ້າໃນການເຂົ້າຮ່ວມຕິດຕາມກວດກາການຄຸ້ມຄອງລັດ ເສດຖະກິດ,ວັດທະນະທຳ-ສັງຄົມ ແລະ ເປັນເຈົ້າເຂົ້າຮ່ວມໃນການປະຕິບັດແນວທາງການຕ່າງປະເທດຂອງພັກ-ລະບຽບກົດໝາຍຂອງລັດ ໃນນີ້ໄດ້ຈັດຕັ້ງເຄື່ອນໄຫວພາລະບົດບາດສິດ ແລະ ໜ້າທີ່ຂອງຕົນຢ່າງເປັນປົກກະຕິ, ເອົາໃຈໃສ່ໃນການສິກສາອົບຮົມການເມືອງນຳພາແນວຄິດ, ຈັດຕັ້ງເຊື່ອມຊືມຮ່ຳງຮຽນເອກະສານວັນສຳຄັນຕ່າງໆຂອງພັກ, ຂອງຊາດໄດ້ 21 ຄັ້ງມີຜູ້ເຂົ້າຮ່ວມ 7 ຮ້ອຍກ່ວາເທືອຄົນ, ເຂົ້າຮ່ວມເຜີຍແຜ່ເຊື່ອມຊືມກົດໝາຍ ວ່າດ້ວຍກຳມະບານລາວ ທີ່ສະຫະພັນກຳມະບານເມືອງຈັດຂື້ນໄດ້ 5 ຄັ້ງມີຜູ້ເຂົ້າຮ່ວມ 1 ຮ້ອຍກ່ວາເທ່ືອຄົນ,ໄດ້ເອົາໃຈໃສ່, ປັບປຸງແບບແຜນການນຳພາ ແລະ ຂະຫຍາຍການຈັດຕັ້ງກຳມະບານຂັ້ນຂອງຕົນໃຫ້ມີຄວາມໜັກແໜ້ນເຂັ້ມແຂງໃນດ້ານປະລິມານ ແລະ ຄຸນນະພາບ, ໄດ້ສ່າງຄວາມສາມັກຄີ ພາຍໃນຮາກຖານໜັກແໜ້ນ ພາຍນອກກ້ວາງຂວາງ ສ້າງສາຍພົວພນກັບບັນດາເພື່ອນມິດສະຫາຍ ເພື່ອແລກປ່ຽນບົດຮຽນ ໃນການປະຕິບັດໜ້າທີ່ວຽກງານຍົກສູງະຕິລະວັງຕົວເພື່ອ ຕອບຕ້ານທຸກກົນອຸບາຍຂອງສັດຕູ ສະມາຊິກກຳມະບານຮາກຖານຫ້ອງວ່າການສາມາດຈຳແນກໄດ້ມິດ ແລະ ສັດຕູຢ່າງຈະແຈ້ງ. ໂດຍຕີລາຄາຜົນໄດ້ຮັບໃນຂໍ້ແຂ່ງຂັນນີ້ບັນລຸໄດ້ 90 ກ່ວາສ່ວນຮ້ອຍຂື້ນໄປ ດັ່ງນັ້ນ ຈື່ງໄດ້ປະກາດຮັບຮອງເປັນກຳມະບານຮາກຖານ 5 ເປັນເຈົ້າ 3 ປີຕໍ່ເນື່ອງ. ຈາກນັ້ນກໍ່ໄດ້ມອບໃບຍັ້ງຢືນ 5 ເປັນເຈົ້າ ແລະ ຍ້ອງຍໍໃຫ້ຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າປະເພດ I ໄດ້ 13 ສະຫາຍ, ຍິງ 11 ສະຫາຍ, ປະເພດ II ມີ 3 ສະຫາຍ, ຍິງ 0 ສະຫາຍ, ພ້ອມທັງຈັບມືເປີດຂະບວນການແຂ່ງຂັນໃນປີຕໍ່ໜ້າຕື່ມອີກ.

ອອກ​ຈາກ REPLY ເປັນ

Please enter your comment!
Please enter your name here