ພິທີຜັນຂະຫຍາຍຜົນຂອງກອງປະຊຸມຮ່ວມນາຍົກລັດຖະມົນຕີ ແລະ ລັດຖະມົນຕີ ລາວ-ໄທ ແບບບໍ່ເປັນທາງການຄັ້ງທີ 3 ທີ່ ສປປ ລາວ.

ໃນຕອນເຊົ້າຂອງວັນທີ 19 ມີນາ 2019 ເມືອງ ວາປີໄດ້ຈັດພິທີຜັນຂະຫຍາຍຜົນຂອງກອງປະຊຸມຮ່ວມນາຍົກລັດຖະມົນຕີ ແລະ ລັດຖະມົນຕີ ລາວ-ໄທ ແບບບໍ່ເປັນທາງການຄັ້ງທີ 3 ທີ່ ສປປ ລາວ ຂື້ນຢູ່ທີ່ສະໂມສອນໃຫ່ຍຂອງເມືອງ, ເຊີ່ງມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫ້ອງການພ້ອມດ້ວຍພະນັກງານລັດຖະກອນ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ ເຂົ້າຮ່ວມທັງໝົດ 162 ທ່ານ, ຍິງ​ 55 ທ່ານ.      

ທ່ານຈັນຫອມ  ຈັນທະວິໄລ ກໍາມະການພັກເມືອງ ຫົວໜ້າຫ້ອງການໂຄສະນາອົບຮົມເມືອງ ວາປີ ໄດ້ໃຫ້ກຽດຂື້ນຜ່ານເອກະສານ  ກອງປະຊຸມຮ່ວມນາຍົກລັດຖະມົນຕີ ແລະ ລັດຖະມົນຕີ ລາວ-ໄທ ແບບບໍ່ເປັນທາງການຄັ້ງທີ 3 ໄດ້ຈັດຂື້ນໃນວັນທີ 14 ທັນວາ 2018 ທີ່ ນະຄອນຫຼວງວຽງຈັນ ( ສປປ ລາວ) ຕາມຄຳເຊີນຂອງ ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພາຍໃຕ້ບັນຍາກາດຄວາມເຂົ້າອົກເຂົ້າໃຈແຫ່ງໄມຕິຈິດມດຕະພາບ ແລະ ການຮ່ວມມືອັນດີທີ່ມີມາແຕ່ດົນນານ ຖານເປັນປະເທດບ້ານໃກ້ເຮືອນຄຽງ ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີແຫ່ງ ສປປ ລາວ ເປັນຫົວໜ້າຄະນະຜູ້ແທນ ແລະ ປະທານຮ່ວມຝ່າຍລາວ ແລະ ພະນະທ່ານ ພົນເອກ ປຣະຢຸດ ຈັນໂອຊາ, ນາຍົກລັດຖະມົນຕີ ແຫ່ງ ຣາຊະອານາຈັກໄທ ເປັນຫົວໜ້າຄະນະຜູ້ແທນ ແລະ ປະທານຮ່ວມຝ່າຍໄທ ລັດຖະບານ ແລະ ປະຊາຊົນແຫ່ງ ສປປ ລາວ ໄດ້ສະແດງຄວາມຂອບໃຈຢ່າງສູງມາຍັງ ສົມເດັດພະເຈົ້າມະຫາຊີວິດ ແລະ ພະບໍລົມວົງສານຸວົງທຸກພະອົງ, ລັດຖະບານ ແລະ ປະຊາຊົນໄທ ທຸກຖ້ວນໜ້າທີ່ໄດ້ໃຫ້ການຊ່ວຍເຫຼືອແກ່ ສປປ ລາວ ໂດຍສະເພາະ ແມ່ນປະຊາຊົນຜູ້ປະສົບໄພພິບັດທີ່ ເມືອງ ສະໜາມໄຊ ແຂວງ ອັດຕະປື ໃນທ້າຍເດືອນ ກໍລະກົດ 2018, ໂດຍປະເທດໄທເປັນປະເທດໜື່ງໃນອັນດັບຕົ້ນໆທີ່ໃຫ້ການຊ່ວຍເຫຼືອ ແລະ ມີສ່ວນສຳຄັນໃນການສ້າງເຮືອນພັກໃຫ້ແກ່ປະຊາຊົນທີ່ໄດ້ຮັບຜົນກະທົບ, ການສ້ອມແປງຂົວ ທີ່ ແຂວງ ອັດຕະປື ແລະ ໃຫ້ການຮ່ວມມືດ້ານນິຕິວິທະຍາສາດ ເພື່ອສັນນະສູດສົບຜູ້ເສຍຊີວິດຈາກເຫດການດັ່ງກ່າວຕາມການສະເໜີຂອງຝ່າຍລາວ. ນາຍົກລັດຖະມົນຕີແຫ່ງ ສປປ ລາວ ແລະ ນາຍົກລັດຖະມົນຕີ ແຫ່ງ ຣາຊະອານາຈັກໄທ ໄດ້ສະແດງຄວາມຍິນດີຕໍ່ ສາຍພົວພັນມິດຕະພາບ ແລະ ການຮ່ວມມື ທີ່ໄດ້ຮັບການເສີມຂະຫຍາຍໃນຫຼາຍໆດ້ານ ແລະ ສະແດງຄວາມເພີ່ງພໍໃຈ ຕໍ່ໝາກຜົນຂອງການຮ່ວມມື ລາວ-ໄທ ໃນໄລຍະຜ່ານມາ ເຊີ່ງມີເອກະລັກພິເສດຖານບ້ານໃກ້ເຮືອນຄຽງ ຜົນຂອງກອງປະຊຸມຮ່ວມນາຍົກລັດຖະມົນຕີ ແລະ ລັດຖະມົນຕີ ແບບບໍ່ເປັນທາງການຄັ້ງນີ້ໄດ້ເພີ່ມທະວີຄວາມເຂົ້າອົກເຂົ້າໃຈ ແລະ ຄວາມໄວ້ເນື້ອເຊື່ອໃຈເຊີ່ງກັນ ແລະ ກັນ, ຊຸກຍູ້ໃຫ້ມີການຮ່ວມມືທີ່ມີປະສິດທິພາບ ແລະ ປະສິດທິຜົນຍິ່ງຂື້ນ ເພື່ອເປັນຖານອັນໜັກແໜ້ນກ້າວໄປສູ່ການຍົກລະດັບການພົວພັນ ລາວ-ໄທ ເປັນຄູ່ຮ່ວມຍຸດທະສາດ ເພື່ອການຈະເລີນເຕີບໂຕອັນສະຫງ່າລາສີ ແລະ ການພັດທະນາແບບຍືນຍົງ ເພື່ອຜົນປະໂຫຍດສູງສຸດຂອງປະຊາຊົນສອງປະເທດ. ເນື່ອງໃນໂອກາດນີ້ທ່ານ ບຸນຍູ້ ຈັນທະລັງສີ ຮອງເລຂາພັກເມືອງ ປະທານກວດກາພັກ-ລັດເມືອງ ວາປີ ໄດ້ໃຫ້ກຽດຂື້ນຜ່ານເອກະສານວັນສ້າງຕັ້ງກວດກາພັກ-ລັດຄົບຮອບ 30 ປີ ແລະ ທ່ານຄຳສິງ ແກ້ວອຳພອນ ຄະນະຮາກຖານຂັ້ນແຂວງປະຈຳເມືອງ ວາປີ ໄດ້ໃຫ້ກຽດຂື້ນຜ່ານເອກະສານ ວັນສ້າງຕັ້ງພັກ ຄົບຮອບ 64 ປີ ຈາກນັ້ນກອງປະຊຸມກໍ່ປິດລົງໃນເວລາ 11:30ນາທີ.

ອອກ​ຈາກ REPLY ເປັນ

Please enter your comment!
Please enter your name here