ພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ( 20 ມັງກອນ 1945-20 ມັງກອນ 2019)

ໃນຕອນເຊົ້າຂອງວັນທີ 7 ກຸມພາ 2019 ເມືອງ ວາປີ ໄດ້ຈັດພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ທີ່ເດີ່ນສະໂມສອນຂອງເມືອງ ໂດຍໃຫ້ກຽດເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ-ເລຂາພັກເມືອງ ເຈົ້າເມືອງໆ ວາປີ ແລະ ໃຫ້ກຽດເຂົ້າຮ່ວມຂອງທ່ານ ຄຳຈັນ ແຈ່ມສະໝອນ ຄະນະປະຈຳພັກແຂວງ ປະທານກວດກາແຂວງ ສາລະວັນ, ມີບັນດາການນຳຂັ້ນເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ, ພະນັກງານບຳນານ ອາວຸໂສ, ອົງການຈັດຕັ້ງມະຫາຊົນ, ນາຍ ແລະ ພົນທະຫານ ພ້ອມດ້ວຍພະນັກງານອ້ອມຂ້າງເມືອງ ຕະຫຼອດຮອດນ້ອງນ້ອຍນັກຮຽນ ແລະ ພໍ່ ແມ່ປະຊາຊົນເຂົ້າຮ່ວມ.

      ທ່ານ ພັທ ລັງສີ ຈັນທະມາລີ ກຳມະການພັກແຂວງ-ເລຂາພັກເມືອງ ເຈົ້າເມືອງໆ ວາປີ ໄດ້ຂື້ນກ່າວຄຳປາໃສເຊີ່ງໄດ້ຍົກໃຫ້ເຫັນຄວາມໝາຍຄວາມສຳຄັນ ຜົນງານ ແລະ ມູນເຊື້ອຂອງກອງທັບປະຊາຊົນລາວ ນັບແຕ່ສ້າງຕັ້ງຂື້ນເປັນກອງລາດສະວົງ ໃນວັນທີ 20 ມັງກອນ 1949 ພາຍໃຕ້ການຊີ້ນຳ-ນຳພາອັນປີຊາສາມາດ ແລະ ສະຫຼາດສ່ອງໃສຂອພັກປະຊາຊົນປະຕິວັດລາວ, ເຮັດໃຫ້ກອງທັບໄດ້ເຕີບໃຫ່ຍຂະຫຍາຍຕົວ ແລະ ເຂັ້ມແຂງຢ່າງຕໍ່ເນື່ອງໂດຍການຝຶກຜົນຫຼໍ່ຫຼອມ ແລະ ທົດສອບໃນແປວໄຟຂອງສົງຄາມ ກອງທັບປະຊາຊົນລາວໄດ້ສ້າງວິລະກຳອັນລ້ຳເລີດ ໄດ້ສ້າງປະຫວັດສາດໃນຍຸກໃໝ່ ແລະ ມູນເຊື້ອວີລະຊົນຢ່າງສະຫງ່າງາມ

ໃນໄລຍະ 70 ປີ ຜ່ານມາ ກອງທັບປະຊາຊົນລາວໄດ້ປະຕິບັດພາລະກິດປົດປ່ອຍຊາດ ກໍ່ຕືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຜ່ານແປວໄຟແຫ່ງສົງຄາມຕໍ່ສູ້ເພື່ອປົດປ່ອຍປະເທດຊາດຢ່າງລະອິດລະອ້ຽວ, ຕາມຄຳຮຽກຮ້ອງຂອງສູນກາງພັກ ຂະບວນການລຸກຮື້ຂື້ນຢຶດອຳນາດການປົກຄອງເຂດເປັນກາງ ແລະ ຄວບຄຸມຊົ່ວຄາວຂອງຜ່າຍວຽງຈັນ, ກອງທັບປະຊາຊົນລາວໄດ້ບຸກໂຈມຕີ ດ້ວຍ 3 ບາດຄ້ອນຍຸດທະສາດ ດ້ວຍບາດກ້າວການຂະຫຍາຍຕົວຢ່າງແຂງແຮງ, ສາມາດຍຶດອຳນາດແຕ່ລະທ້ອງຖິ່ນໃນທົ່ວປະເທດ ໃນວັນທີ 23 ສິງຫາ 1975 ຜ່ານຂະບວນການຍຶດອໍຳນາດ ປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກ ຂອງປວງຊົນລາວທັງຊາດໄດ້ຕີລາຄາການຍຶດອຳນາດຂອງກອງທັບ ແລະ ປະຊາຊົນລາວວ່າ: ບົວບໍ່ຊ້ຳ ນ້ຳບໍ່ຂຸ້ນ ແຕ່ຈົບປາໄດ້ທັງໝົດ ຜົນສຳເລັດດັ່ງກ່າວ ໄດ້ກາຍເປັນເງື່ອນໄຂ ໃຫ້ແກການສະຖາປະນາ ສປປລາວ ຂື້ນຢ່າງສະຫງ່າຜ່າເຜີຍ ໃນວັນທີ 2ທັນວາ 1975

ອອກ​ຈາກ REPLY ເປັນ

Please enter your comment!
Please enter your name here