ພິທີສະເຫຼີມສະຫຼອງວັນແມ່ຍິງສາກົນ ວັນທີ 8 ມີນາ 2019 ຄົບຮອບ 109 ປີ

ໃນຕອນເຊົ້າຂອງວັນທີ 14/3/2019 ເມືອງວາປີໄດ້ຈັດພິທີປາຖະກະຖາ ວັນແມ່ຍິງສາກົນ ວັນທີ 8 ມີນາ ຄົບຮອບ 109 ປີ ຂື້ນຢູ່ທີ່ສະໂມສອນໃຫ່ຍຂອງເມືອງ, ເຊີ່ງໃຫ້ກຽດເຂົ້າຮ່ວມຂອງທ່ານພັທ ລັງສີ ຈັນທະມາລີ ກຳມະການພັກແຂວງ-ເລຂາພັກເມືອງ ເຈົ້າເມືອງໆ ວາປີ, ຕະນະປະຈຳ, ກຳມະການພັກເມືອງ, ຫົວໜ້າຫ້ອງການ ພ້ອມດ້ວຍສະມາຊິກຊາວໜຸ່ມ ໃນທົ່ວເມືອງເຂົ້າຮ່ວມທັງໝົດ 152 ຄົນ,ຍິງ 127 ຄົນ.

      ທ່ານ ນາງ ພູວັນ ພູມອຸທອນ ຮອງປະທານສະຫະພັນແມ່ຍິງເມືອງ ໄດ້ໃຫ້ກຽດຂື້ນຜ່ານປະຫວັດຄວາມເປັນມາຂອງວັນແມ່ຍິງ ສາກົນ ເຊີງທ່ານໄດ້ໃຫ້ຮູ້ວ່າວັນແມ່ຍິງ ສາກົນ ໄດ້ກຳເນີດເກີດຂື້ນ ໃນທ່າມກາງສະພາບເສດຖະກິດຂອງພວກສັກດິນາ ແລະ ນາຍທຶນຊະຫຍາຍຕົວ ມັນໄດ້ສ້າງຄວາມຮັ່ງມີໃຫ້ແກ່ພວກນາຍທຶນ, ແຕ່ຊຳພັດເພີ່ມຄວາມທຸກຍາກລຳບາກໃຫ້ແກ່ຊາວຜູ້ອອກແຮງງານ ໂດຍສະເພາະແມ່ນກຳມະກອນແມ່ຍິງ, ຢູ່ພາຍໃຕ້ລະບອບສັກດິນາ, ນາຍທຶນ, ແມ່ຍິງຖືກກົດຂີ່ຂູດຮີດຢ່າງໜັກໜ່ວງ, ເຮັດວຽກຫຼາຍຊົ່ວໂມງ ແຕ່ໄດ້ຮັບຄ່າຈ້າງແຮງງານດ້ວຍລາຄາຖືກ, ເຮັດວຽກບໍ່ມີການຮັບປະກັນ, ບໍ່ມີລະບອບປົກປັກຮັກສາສຸຂະພາບຂອງແມ່ຍິງ ແລະ ເດັກນ້ອຍ. ນອກຈາກນັ້ນແມ່ຍິງຍັງຖືກດູໜິ່ນປະໝາດ, ຖືກໄລ່ອອກຈາກວຽກ. ໃນເວລາຖືພາ, ເວລາເກີດລູກ ຫຼື ເວລາເຈັບເປັນ ບໍ່ໄດ້ຮັບການປິ່ນປົວ ຈາກການທໍລະມານດັ່ງກ່າວ ກຳມະກອນແມ່ຍິງຮູ້ສຶກຄຽດແຄ້ນ, ຈື່ງໄດ້ສາມັກຄີກັນລຸກຂື້ນຕໍ່ສູ້, ທວງໃຫ້ພວກນາຍທຶນ,ຢູ່ໂຮງຈັກ, ໂຮງງານຕ່າງໆຕ້ອງແກ້ໄຂຊີວິດການເປັນຢູ່ໃຫ້ເຂົາເຈົ້າ.

      ໃນວັນທີ 8 ມີນາ 1908, ແມ່ຍິງຈຳນວນ 15,000 ຄົນ ໄດ້ເດີນຂະບວນຢູ່ເມືອງ ນິວຢອກ ເພື່ອທວງໃຫ້ນາຍທືນ ຫຼຸດຜ່ອນຊົ່ວໂມງເຮັດວຽກ, ຢຸດເຊົາການກົດຂີ່ຂູດຮີດຮງງານເດັກ ແລະ ທວງໃຫ້ແມ່ຍິງ ໄດ້ມີສິດໃນການອອກສຽງເລືອກຕັ້ງ ແລະການຮັບສະໝັກເລືອກຕັ້ງ. ທ່ານນາງ ພູວັນ ພູມອຸທອນ ຮອງປະທານສະຫະພັນແມ່ຍິງເມືອງ ຍັງໃຫ້ຮູ້ຕື່ມອີກວ່າມາຮອດປີ 1910 ຂະບວນການຕໍ່ສູ້ຂອງແມ່ຍິງ ກອງປະຊຸມກ່ຽວກັບບັນຫາແມ່ຍິງ ຄັ້ງທໍາອິດໄດ້ຈັດຂື້ນ ຢູ່ໂກເປນຮານະຄອນຫຼວງຂອງປະເທດ ແດນໝາກ, ມີຜູ້ແທນ100ກ່ວາຄົນຈາກ 17 ປະເທດເຂົ້າຮ່ວມ, ກອງປະຊຸມດັ່ງກ່າວ ໄດ້ຮັບຮອງແລະຕົກລົງເອົາ ວັນທີ 8 ມີນາ ຂອງທຸກໆປີ ເປັນວັນແມ່ຍິງ ສາກົນ. ວັນທີ8ມີນາ ແມ່ນເຫດການ-ການເມືອງທີ່ສຳຄັນ, ເປັນຂີດໝາຍແຫ່ງໄຊຊະນະອັນຟື້ນຖານຂອງຂະບວນການແມ່ຍິງສາກົນ ໃນການຕໍ່ສູ້ທວງເອົາສິດຜົນປະໂຫຍດອັນເປັນທຳ ໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ເປັນວັນລະນຶກເຖິງການຕໍ່ສູ້ຂອງແມ່ຍິງ ເພື່ອປົດປ່ອຍຕົນເອງ ແລະ ທວງໃຫ້ມີສິດສະເໝີພາບປະຊາທິປະໄຕຄືກັບຜູ້ຊາຍ, ທວງໃຫ້ພວກນາຍທຶນແກ້ໄຂຊີວິດການເປັນຢູ່ພາຍໄຕ້ຄຳຂັວນ” ຜູ້ໜື່ງເຮັດວຽກວັນລະ 8 ຊົ່ວໂມງ, ແມ່ຍິງ ແລະ ເຮັດວຽກຄືກັນຕ້ອງໄດ້ຮັບເງິນເດືອນເທົ່າກັນ, ຕ້ອງມີລະບົບປ້ອງກັນສຸຂະພາບແມ່ຍິງ ແລະ ເດັກນ້ອຍ ຕ້ານສົງຄາມຮຸກຮານ, ປົກປັກຮັກສາສັນຕິພາບຂອງໂລກ” ປີຕໍ່ມາ ໃນວັນທີ 19 ມີນາ 1911 ວັນແມ່ຍິງສາກົນໄດ້ຮັບການສະເຫຼີມສະຫຼອງໂດຍມີປະຊາຊົນເຂົ້າຮ່ວມເປັນລ້ານໆຄົນຢູ່ໃນປະເດເອີຣົບເຊັ່ນ: ປະເທດໂອຕິດ, ແດນມາກ, ເຢຍລະມັນ, ສະວິດເຊີແລນ. ນັບແຕ່ມື້ນັ້ນມາ ວັນທີ 8 ມີນາ ຈື່ງເປັນ” ວັນແມ່ຍິງສາກັນ” ( International Women’s Day) ໄດ້ຮັບການສະເຫຼີມສະຫຼອງຢູ່ໃນປະເທດທົ່ວໂລກ ແລະ ໄດ້ຖືເອົາການສະເຫຼີມສະຫຼອງໃນປີ 1911 ນີ້ເປັນປີທຳອິດ.

ອອກ​ຈາກ REPLY ເປັນ

Please enter your comment!
Please enter your name here