ພິທີເປີດຕະຫຼາດຊຸມຊົນບ້ານວາປີ ແລະ ຂົວຫ້ວຍຮອງບ້ານແມດ(ໃນໂຄງການພັດທະນາຊຸມຊົນແບບມີສ່ວນຮ່ວມ ແລະ ຍືນຍົງ)ໃນຄັ້ງວັນທີ 4 ຕຸລາ 2018ທີ່ ບ້ານວາປີ ເມືອງວາປີ ແຂວງສາລະວັນ.

ໃນຕອນເຊົ້າຂອງວັນທີ 4 ຕຸລາ 2018 ນີ້ຢູ່ທີ່ ບ້ານວາປີ ເມືອງວາປີ ແຂວງສາລະວັນ ໄດ້ຈັດພີທີເປີດຕະຫຼາດຊຸມຊົນແຫ່ງໃໝ່ຂື້ນພາຍໃຕ້ພາຍໃຕ້ການຮ່ວມມືລະຫວ່າງ ສູນກາງສະຫະພັນແມ່ຍິງລາວ ແລະ ອົງການສະຫະປະຊາຊາດເພື່ອການພັດທະນາປະຈຳສປປ ລາວ,ໂດຍການເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງເຈົ້າເມືອງໆວາປີ,ເປັນກຽດເຂົ້າຮ່ວມຂອງທ່ານນາງ ບົວຈັນ ສີຫານາດ ຄະນະພັກ ສສຍລ ຮອງປະທານຄະນະບໍລິຫານງານ ສສຍລ,ທ່ານນາງ ບຸນທະວີ ດວງລາສີ ຄະນະປະຈຳພັກແຂວງ ຄະນະບໍລິຫານງານ ສສຍລ ປະທານສະຫະພັນແມ່ຍິງແຂວງ,ທ່ານ ເຈໂຣມ ດູບິດສ໌ ເມີເຊັນສ໌(Mr Jerome DuBoios)ຫົວໜ້າໜ່ວຍງານປົກຄອງ ແລະ ຫຼຸດຜ່ອນຄວາມທຸກຍາກອົງການສະຫະປະຊາຊາດ,ທ່ານ ມໍລະກົດ ວົງໄຊ ຕາງໜ້າຈາກກະຊວງແຜນການ ແລະ ການລົງທຶນ,ທ່ານນາງ ກຸແກ້ວ ທອງມະນີລາ ຮອງຫົວໜ້າອຸດສາຫະກຳ ແລະ ການຄ້າແຂວງ,ມີບັນດາແຂກຖຶກເຊີນຈາກ 7 ຕົວເມືອງ,ພະແນກການອ້ອມຂ້າງແຂວງ,ຫ້ອງການອ້ອມຂ້າງເມືອງ,ພ້ອມດ້ວຍປະຊາຊົນເຂົ້າຮ່ວມທັງໝົດ 205 ຄົນ,ຍິງ 113 ຄົນ.

ຕະຫຼາດຊຸມຊົນຫັດຖະກຳ ແລະ ພືດຜັກສະອາດທີ່ເປີດຂຶ້ນນີ້ກໍ່ເປັນກິດຈະກຳໜື່ງຂອງໂຄງການພັດທະນາຊຸມຊົນແບບມີສ່ວນຮ່ວມ ແລະ ຍືນຍົງ ທີ່ໄດ້ຮັບທືນສະໜັບສະໜູນຈາກລັດຖະບານ ສ ເກົາຫຼີ ໂດຍຜ່ານອົງການສະຫະປະຊາຊາດເພື່ອການພັດທະນາ ແລະ ສູນກາງສະຫະພັນແມ່ຍິງລາວເຊີ່ງໄດ້ຈັດຕັ້ງປະຕິບັດໂຄງການຢູ່ໃນ 10 ບ້ານຂອງ 3 ຕົວເມືອງພາຍໃນແຂວງສາລະວັນ,ເມືອງວາປີກໍ່ເປັນເມືອງໜື່ງທີ່ໄດ້ຮັບທືນໃນ 2 ບ້ານ(ຄື:ບ້ານວາປີ ແລະ ບ້ານແມດ),ກິດຈະກໍາດັ່ງກ່າວນີ້ມີຄວາມສຳຄັນຫຼາຍຕໍ່ການຜະລິດກະສິກຳ,ຫັດຖະກຳ  ແລະ ການດຳລົງຊີວິດຂອງປະຊາຊົນພາຍໃນແຂວງສາລະວັນເວົ້າສະເພາະເມືອງວາປີໄດ້ເຮັດໃຫ້ພວກເຮົາມີໂສມໜ້າໃໝ່ທີ່ໜ້າພາກພູມໃຈ,ໄດ້ມີຕະຫຼາດເພື່ອຈຳໜ່າຍຜະລິດຕະພັນຂອງຊຸມຊົນ,ໄດ້ມີຂົວຂ້າມແມ່ນໍ້າທີ່ແໜ້ນໜາຖາວອນເຮັດໃຫ້ປະຊາຊົນຊາວບ້ານແມດ ແລະ ບ້ານໃກ້ຄຽງໄດ້ໄປມາຫາສູ່ກັນສະດວກສະບາຍ.ນອກຈາກນີ້ທາງໂຄງການຍັງໄດ້ສະໜອງອຸປະກອນຕ່າງໆເພື່ອນຳໃຊ້ເຂົ້າໃນການປູກຝັງ,ລ້ຽງສັດ ແລະ ຍັງໄດ້ສະໜອງທືນຮອນດ້ານການຝືກອົບຮົມວິຊາຊີບຕ່າງໆທັງໄປທັດສະນະແລກປ່ຽນບົດຮຽນຢູ່ພາຍໃນ ແລະ ຕ່າງປະເທດໃຫ້ແກ່ບ້ານເປົ້າໝາຍຂອງໂຄງການ,ໂດຍການຜ່ານຈິດສຳນຶກໃຫ້ຊຸມຊົນ,ການມີສ່ວນຮ່ວມຂອງແມ່ຍິງໃຫ້ມີປະສິດທິຜົນສູງ,ຊຸກຍູ້ຊຸມຊົນໃຫ້ກຸ່ມຕົນເອງ ແລະ ຊ່ວຍເຫຼືອຕົນເອງ,ສ້າງຄວາມເຂັ້ມແຂງໃຫ້ແກ່ຊຸມຊົນ,ໂດຍສະເພາະແມ່ນແມ່ຍິງເພື່ອໃຫ້ເຂົາເຈົ້າເຂົ້າໃຈ ແລະ ມີສ່ວນຮ່ວມຫຼາຍຂື້ນ,ເຮັດໃຫ້ກິດຈະກຳຂອງໂຄງການມີຄວາມຍືນຍົງ ແລະ ສ້າງມູນຄ່າ,ສ້າງລາຍຮັບໃຫ້ແກ່ແມ່ຍິງ ແລະ ກຸ່ມບ້ານເພື່ອຕອບສະໜອງດ້ານໂພສະນາການທີ່ດີ,ຈາກນັ້ນກໍ່ໄດ້ຮ່ວມກັນຕັດແຖບຜ້າເປີດແຜ່ນປ້າຍ ແລະ ລັ່ນຄ້ອງ 9 ບາດເພື່ອເປັນການເປີດນຳໃຊ້ຕະຫຼາດ ແລະ ຂົວດັ່ງກ່າວ,ຈາກນັ້ນພິທີກໍ່ໄດ້ປິດລົງໃນວັນດຽວກັນ.

ອອກ​ຈາກ REPLY ເປັນ

Please enter your comment!
Please enter your name here