ພິທີໂຄສະນາເຜີຍແຜ່ຜົນສຳເລັດກອງປະຊຸມໃຫ່ຍສາມັນເທື່ອທີ V ຂອງສະພາແຫ່ງຊາດຊຸດທີ VIII ແລະສະພາປະຊາຊົນແຂວງ ສາລະວັນຊຸດທີ I ທີ່ເມືອງວາປີ ໃນວັນທີ 19 ກັນຍາ 2018.

ໃນຕອນເຊົ້າຄັ້ງວັນທີ 19 ກັນຍາ 2018 ເມືອງວາປີໄດ້ເປີດພິທີໂຄສະນາເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ່ V ຂອງສະພາແຫ່ງຊາດຊຸດທີ Vlll  ແລະ ສະພາປະຊາຊົນແຂວງ ສາລະວັນຊຸດທີ l.ໂດຍພາຍໃຕ້ການເປັນປະທານຂອງສະມາຊິກສະພາແຫ່ງຊາດຊຸດທີ Vlll ແລະ ສະມາຊິກສະພາປະຊາຊົນແຂວງສາລະວັນ ຊຸດທີ l ມີ 4 ທ່ານຄື:

  1. ທ່ານ ທອງດີ ຈັນທະວົງ ຮອງປະທານສະມາຊິກພາແຫ່ງຊາດປະຈຳເຂດເລືອກຕັ້ງທີ14.
  2. ທ່ານ ປອ ໂພສີ ແກ້ວສີພັນດອນ ສະມາຊິກສະພາປະຊາຊົນແຂວງ ສາລະວັນ.
  3. ທ່ານ ພັທ ນາງ ທອງເຫຼືອງ ໂຄດປັນຍາ ສະມາຊິກສະພາປະຊາຊົນແຂວງ ສາລະວັນ.
  4. ທ່ານ ກິແກ້ວ ໄຊຍະລາດ ສະມາຊິກສະພາປະຊາຊົນແຂວງ ສາລະວັນ ປະຈຳເມືອງວາປີ.

ເຊີ່ງມີບັນດາຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ,ພະນັກງານບຳນານ,ລັດວິສາຫະກິດ,ພະນັກງານອ້ອມຂ້າງເມືອງ,ພ້ອມດ້ວຍນ້ອງນ້ອຍນັກຮຽນຕະຫຼອດຮອດພໍ່ແມ່ປະຊາຊົນເຂົ້າຮ່ວມທັງໝົດ  180 ຄົນ,ຍິງ   ຄົນ.

ຈຸດປະສົງແມ່ນເພື່ອ ເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ V ຂອງສະພາແຫ່ງຊາດຊຸດທີ VIII ແລະ ສະພາປະຊາຊົນແຂວງສາລະວັນຊຸດທີ I,ເຊີ່ງແມ່ນໃນການລົງມາຂອງທ່ານຜູ້ແທນໃນຄັ້ງນີ້ແມ່ນທາງພໍ່ແມ່ປະຊາຊົນໄດ້ໃຫ້ຄວາມສົນໃຈຫລາຍເພື່ອສະເໜີວຽກງານທີ່ຄົງຄ້າງ ແລະ ບັນຫາທີ່ຂ້ອງຄາໃຈເພື່ອນຳສະເໜີທ່ານຜູ້ແທນ ແລະ ການມາໃນຄັ້ງນີ້ສະມາຊິກສະພາກໍ່ໄດ້ລົງໂຄສະນາເຜີຍແຜ່ຜົນສຳເລັດກອງປະຊຸມໃຫ່ຍສາມັນເທື່ອທີ V ຂອງສະພາແຫ່ງຊາດຊຸດທີ VIII ແລະ ສະພາປະຊາຊົນແຂວງ ສາລະວັນຊຸດທີ I,ລົງຕາມບ້ານເປົ້າໝາຍເພື່ອເຜີຍແຜ່ໃຫ້ພໍ່ແມ່ປະຊາຊົນເຂົ້າໃຈເຊີ່ງມີເປົ້າຫມາຍດັ່ງນີ້:

  • ໃນຕອນເຊົ້າຂອງວັນທີ 17 ກັນຍາ 2018 ແມ່ນຢູ່ຈຸດບ້ານສະພາດ(ກຸ່ມທີບ້ານພັດທະນາ 2).
  • ໃນຕອນບ່າຍຂອງວັນທີ 17 ກັນຍາ 2018 ແມ່ນຢູ່ຈຸດບ້ານວາປີ(ກຸ່ມບ້ານພັດທະນາທີ 3).
  • ໃນຕອນເຊົ້າຂອງວັນທີ 18 ກັນຍາ 2018 ແມ່ນຢູ່ຈຸດບ້ານທົ່ງຂຽນ(ກຸ່ມບ້ານພັດທະນາທີ 5).
  • ໃນຕອນບ່າຍຂອງວັນທີ18 ກັນຍາ 2018 ແມ່ນຢູ່ຈຸດບ້ານດອນຂ່າ(ກຸ່ມບ້ານພັດທະນາທີ4).

ກໍ່ໄດ້ມີສະມຊິກພັກ ແລະ ອຳນາດການປົກຄອງຂັ້ນກຸ່ມ,ຂັ້ນບ້ານ,ຕະຫຼອດຮອດພໍ່ແມ່ປະຊາຊົນເຂົ້າຮ່ວມແລກປ່ຽນຄຳຄິດຄຳເຫັນເປັນຈຳນວນຫລາຍ ແລະ ທ່ານສະມຊິກສະພາກໍ່ໄດ້ຮັບເອົາຄຳສະເໜີຂອງປະຊາຊົນໄປສະເໜີຕໍ່ພາກສ່ວນທີ່ກ່ຽວຂ້ອງເພື່ອນຳມາແກ້ໄຂໃຫ້ທັນການ.ມາຮອດເວລາ 12:00ໂມງ,ກອງປະຊຸມກໍ່ໄດ້ປິດລົງໃນວັນດຽວກັນ.

ອອກ​ຈາກ REPLY ເປັນ

Please enter your comment!
Please enter your name here