ສະມາຊິກພັກ-ພະນັກງານຫຼັກແຫຼ່ງ ເມືອງວາປີ ຮັບຟັງການເຜີຍແຜ່ເຊື່ອມຊືມເອກະສານ ສຶກສາອົບຮົມການເມືອງ-ແນວຄິດເພື່ອກະກຽມດຳເນີນກອງປະຊຸມໃຫ່ຍ 3 ຂັ້ນຂອງພັກ ໃນຄັ້ງວັນທີ 10 ມັງກອນ 2019.

ໃນຕອນເຊົ້າຂອງວັນທີ 10 ມັງກອນ 2019 ນີ້,ຢູ່ທີ່ສະໂມສອນໃຫ່ຍຂອງເມືອງ ຄະນະໂຄສະນາອົບຮົມເມືອງວາປີໄດ້ຈັດກອງປະຊຸມເຜີຍແຜ່ເຊື່ອມຊືມເອກະສານ ສືກສາອົບຮົມການເມືອງ-ແນວຄິດເພື່ອກະກຽມດຳເນີນກອງປະຊຸມໃຫ່ຍ 3 ຂັ້ນຂອງພັກໃຫ້ສະມາຊິກພັກ-ພະນັກງານຫຼັກແຫຼ່ງພາຍໃນເມືອງ ໂດຍໃຫ້ກຽດເຂົ້າຮ່ວມຂອງທ່ານ ກິແກ້ວ ໄຊຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງວາປີ,ມີບັນດາທ່ານໃນຄະນະປະຈຳພັກເມືອງ,ກຳມະການພັກເມືອງ,ເລຂາໜ່ວຍພັກ-ຫົວໜ້າຫ້ອງການ,ຮອງຫ້ອງການ,ເລຂາຄະນະພັກຮາກຖານ ແລະ ພະນັກງານ-ສະມາຊິກພັກພາຍໃນເມືອງ ເຂົ້າຮ່ວມທັງໝົດ 150 ຄົນ,ຍິງ 39 ຄົນ.

        ໃນກອງປະຊຸມທ່ານ ອາດ ບາຈູມມະນີ ຮອງຫົວໜ້າໂຄສະນາອົບຮົມເມືອງວາປີໄດ້ຜ່ານແຈ້ງການແນະນຳຂອງຄະນະໂຄສະນາອົບຮົມແຂວງສາລະວັນ ເລກທີ 45/ຄອຂ,ສວ ກ່ຽວກັບການຈັດຕັ້ງກອງປະຊຸມເຜີຍແຜ່ເຊື່ອມຊືມເອກະສານສຶກສາອົບຮົມການເມືອງ-ແນວຄິດເພື່ອກະກຽມກອງປະຊຸມໃຫ່ຍ 3 ຂັ້ນຂອງພັກໃຫ້ທີ່ປະຊຸມໄດ້ຮັບຟັງ,ຈາກນັ້ນທ່ານ ກິແກ້ວ ໄຊຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ,ທ່ານ ຈັນຫອມ ຈັນທະວິໄລ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ ແລະ ທ່ານ ຄຳສິງ ແກ້ວອຳພອນ ກອງກໍ່ສ້າງຮາກຖານຂັ້ນແຂວງ ປະຈຳເມືອງວາປີ ໄດ້ຜັດປ່ຽນກັນຜ່ານ 3 ເອກະສານຄື:ເອກະສານເສີມຂະຫຍາຍມູນເຊຶ້ອ ແລະ ຄວາມສາມັກຄີເປັນເອກະພາບພາຍໃນພັກ,ເອກະສານຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງພັກ,ເອກະສານຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິວັດ.ເຊີ່ງຈຸດປະສົງກໍ່ເພື່ອໃຫ້ສະມະຊິກພັກ-ພະນັກງານທົ່ວເມືອງວາປີໄດ້ຮັບຮູ້ເຂົ້າໃຈຢ່າງເລິກເຊີ່ງກ່ຽວກັບເນື້ອໃນມະຕິກອງປະຊຸມໃຫ່ຍຄັ້ງທີ 10 ຂອງພັກ ໂດຍສະເພາະແມ່ນການເສີມຂະຫຍາຍມູນເຊື້ອ ແລະ ຄວາມສາມັກຄີເປັນເອກະພາບພາຍໃນພັກ,ຄວາມສາມາດໃນການນໍາພາ,ຄວາມເປັນແບບຢ່າງນຳໜ້າຂອງສະມາຊິກພັກ,ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ-ຄຸນສົມບັດສິນທຳປະຕິວັດ.ພ້ອມນີ້ກໍ່ເພື່ອສ້າງພະນັກງານສະມາຊິກພັກໃຫ້ມີຄຸນທາດການເມືອງໜັກແໜ້ນ,ປະຕິບັດຕາມກົດລະບຽບຂອງພັກ-ກົດໝາຍຂອງລັດ ແລະ 9 ຂໍ້ຫ້າມຂອງສະມາຊິກພັກຢ່າງຕັ້ງໜ້າ,ພ້ອມກັນປັບປຸງກໍ່ສ້າງພັກ ແລະ ຂະຫຍາຍພັກປະຊາຊົນປະຕິວັດລາວໃຫ້ກາຍເປັນພັກທີ່ປອດໃສ,ເຂັ້ມແຂງ ແລະ ໜັກແໜ້ນ.

ອອກ​ຈາກ REPLY ເປັນ

Please enter your comment!
Please enter your name here