ຫ້ອງວ່າການປົກຄອງເມືອງວາປີໄດ້ຈັດກອງປະຊຸມດຳເນີນການກວດກາຂະບວນການສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານປີ 2018 ແລະ ທິດທາງແຜນການສ້າງໜ່ວຍພັກປອດໃສເຂັ້ມແຂງໜັກແໜ້ນປີ 2019 ໃນຄັ້ງວັນທີ 26 ທັນວາ 2018.

ໃນຕອນເຊົ້າຂອງວັນທີ 26 ທັນວາ 2018 ເວລາ 8:00 ໂມງນີ້,ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງວາປີໄດ້ມີການຈັດກອງປະຊຸມດຳເນີນການກວດກາປະເມີນຜົນ,ການຈັດຕັ້ງປະຕິບັດແຜນການສ້າງໜ່ວຍພັກເຂັ້ມແຂງຮອບດ້ານຂອງໜ່ວຍພັກຫ້ອງວ່າການ,ໂດຍພາຍໃຕ້ການເປັນປະທານຂອງ ທ່ານ ດົມວິໄລ ທອງສະຫວັນ ກຳມະການພັກເມືອງ ຫົວໜ້າຫ້ອງວ່າການປົກຄອງເມືອງວາປີ,ໃຫ້ກຽດເຂົ້າຮ່ວມຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງ-ເຈົ້າເມືອງໆວາປີ,ມີຫົວໜ້າຮາກຖານຂັ້ນແຂວງ,ຄະນະກຳມະການຂັ້ນເມືອງ,ສະມາຊິກພາຍໃນໜ່ວຍ,ພ້ອມດ້ວຍພະນັກງານຂອງຫ້ອງວ່າການປົກຄອງເມືອງເຂົ້າຮ່ວມທັງໝົດ 19 ສະຫາຍ,ຍິງ 9 ສະຫາຍ.

    ເບຶ້ອງຕົ້ນກອງປະຊຸມໄດ້ຮັບຟັງການຜ່ານມະຕິຂອງຄະນະໜ່ວຍພັກ ແລະ ເຊື່ອມຊືມເອກະສານ:

  1. ຜ່ານມະຕິຕົກລົງຂອງໜ່ວຍພັກ ວ່າດ້ວຍ: ການອະນຸມັດໃຫ້ດຳເນີນການກວດກາຂະບວນການສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ.
  2. ຜ່ານມະຕິຕົກລົງຂອງໜ່ວຍພັກ ວ່າດ້ວຍ: ການແຕ່ງຕັ້ງຄະນະກວດກາໜ່ວຍເພື່ອດຳເນີນການກວດກາ.
  3. ເຊື່ອມຊືມເອກະສານຂໍ້ກໍານົດເລກທີ 03/ກມສພ,ວ່າດ້ວຍ: ມາດຖານການກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ.
  4. ເຊື່ອມຊືມເອກະສານຄຳສັງເລກທີ 01/ກມສພ,ວ່າດ້ວຍ:ການເພີ່ມທະວີການກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນ.
  5. ຜ່ານບົດສຳຫຼວດບຸກຄົນສະມາຊິກພັກແຕ່ລະສະຫາຍໃນການປະຕິບັດວຽກງານ ແລະ ເປັນແບບຢ່າງນຳໜ້າຂອງສະມາຊິກພັກ ແລະ ສະເໜີຕົນເອງວ່າຄວນຢູ່ໃນປະເພດໃດ.

        ທ່ານ ດົມວິໄລ ທອງສະຫວັນ ເລຂາໜ່ວຍພັກ ກໍາມະການພັກເມືອງ ຫົວໜ້າຫ້ອງວ່າການປົກຄອງເມືອງວາປີ ໄດ້ຜ່ານບົດສະຫຼຸບຕິລາຄາການຈັດຕັ້ງປະຕິບັດແຜນການສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານປີ 2018 ແລະ ວາງທິດທາງແຜນການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນປີ 2019 ຂອງໜ່ວຍພັກ,ຈາກນັ້ນຄະນະໜ່ວຍພັກ,ສະມາຊິກພັກພ້ອມດ້ວຍພະນັກງານລັດຖະກອນໄດ້ພ້ອມກັນຄົ້ນຄ້ວາປະກອບຄຳຄິດຄຳເຫັນຕໍ່ການນຳພາລວມຂອງໜ່ວຍພັກ,ຕໍ່ຄະນະໜ່ວຍພັກ ແລະ ສະມາຊິກພັກແຕ່ລະສະຫາຍ,ພ້ອມກັນນັ້ນສະມາຊິກພັກແຕ່ລະສະຫາຍຍັງໄດ້ພ້ອມກັນໃຫ້ຄະແນນໜ່ວຍພັກ ແລະ ສະມາຊິກພັກແຕ່ລະສະຫາຍ,ພ້ອມກັນນັ້ນຄະນະກຳມະການຂັ້ນແຂວງ ແລະ ທ່ານຫົວໜ້າຄະນະຮາກຖານກໍ່ໄດ້ປະກອບຄຳຄິດຄຳເຫັນຊີ້ແຈງກ່ຽວກັບມາດຖານ 4 ແຂງ 5 ຮູ້ເຊີ່ງ ສະມາຊິກພັກທັງໝົດ 21 ສະຫາຍ,ຍິງ 8 ສະຫາຍ ແລະ ໄດ້ປະເພດແຂງຮອບດ້ານມີ 18 ສະຫາຍ,ຍິງ 8 ສະຫາຍ,ປະເພດແຂງ 3 ສະຫາຍ,ຍິງ 0 ສະຫາຍ.ຈາກນັ້ນກອງປະຊຸມກໍ່ປິດລົງໃນວັນດຽວກັນ.

ອອກ​ຈາກ REPLY ເປັນ

Please enter your comment!
Please enter your name here