ຫ້ອງວ່າການປົກຄອງເມືອງ ວາປີ ຈັດກອງປະຊຸມສະຫຼຸບວຽກງານປະຈຳປີ 2018 ແລະ ທິດທາງແຜນການປີ 2019 ຂອງຫ້ອງວ່າການປົກຄອງເມືອງ ວາປີ ຄັ້ງວັນທີ 30 ມັງກອນ ປີ 2019.

ໃນຕອນເຊົ້າຂອງວັນທີ 30 ມັງກອນ ປີ 2019 ຫ້ອງວ່າການປົກຄອງເມືອງ ວາປີ ໄດ້ຈັດກອງປະຊຸມສະຫຼຸບວຽກງານປະຈຳປີ 2018 ແລະ ທິດທາງແຜນການປີ 2019 ຂອງຫ້ອງວ່າການປົກຄອງເມືອງ ວາປີ ໂດຍໃຫ້ກຽດເປັນປະທານຂອງທ່ານ ດົມວິໄລ ທອງສະຫວັນ ກຳມະການພັກເມືອງ ຫົວໜ້າຫ້ອງວ່າການປົກຄອງ ເມືອງ ວາປີ, ເປັນກຽດເຂົ້າຮ່ວມຂອງທ່ານ ບຸນທົງ ວົງຈັນ ຄະນະປະຈະພັກເມືອງ ຮອງເຈົ້າເມືອງໆ ວາປີ, ຕາງໜ້າຈາກຫ້ອງວ່າການປົກຄອງ ແຂວງ ສາລະວັນ, ຫົວໜ້າຮາກຖານຂັ້ນແຂວງ ປະຈຳເມືອງວາປີ, ກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ ແລະ ພະນັກງານຫ້ອງວ່າການປົກຄອງເມືອງ ເຂົ້າຮ່ວມທັງໝົດ 44 ທ່ານ, ຍິງ 9 ທ່ານ.

       ທ່ານ ພູວັນ ນະວົງຄຳ ຮອງຫົວໜ້າຫ້ອງວ່າການປົກຄອງເມືອງ ວາປີ ກໍ່ໄດ້ຂື້ນຜ່ານບົດສະຫຼຸບຕີລາຄາການຈັດຕັ້ງປະຕິບັດວຽກງານຂອງຫ້ອງວ່າການໃນໄລຍະ 1 ປີຜ່ານມາ ເຊີ່ງໄດ້ຕີລາຄາໂດຍລວມການຈັດຕັ້ງປະຕິບັດ 3 ພາລະບົດບາດຄື: ເປັນເສນາທິການ ພົວພັນປະສານງານ ແລະ ບໍລິຫານຮັບໃຊ້ ຮັບປະກັນດ້ານວັດຖຸ ພາຫະນະໃຫ້ແກ່ການເຄື່ອນໄຫວເຮັດວຽກຂອງການນຳ ການພົວພັນປະສານງານ, ການຈໍລະຈອນເອກະສານ ໃຫ້ມີຜົນສຳເລັດ ຍາມໃດຄະນະພັກ ຄະນະຫ້ອງການກໍ່ໄດ້ຖືເອົາ ການສຶກສາອົບຮົມການເມືອງແນວຄິດໃຫ້ຖັນແຖວສະມາຊິກພັກ ພະນັກງານລັດຖະກອນ ໃນຂອບເຂດຄວາມຮັບຜິດຊອບ . ຈາກນັ້ນ ທ່ານ ດົມວິໄລ ທອງສະຫວັນ ກຳມະການພັກເມືອງ ຫົວໜ້າຫ້ອງວ່າການປົກຄອງເມືອງ ວາປີ ຂື້ນຜ່ານຂໍ້ຕົກລົງຂອງທ່ານເຈົ້າເມືອງໆ ວາປີ ວ່າດ້ວຍ: ການຈັດຕັ້ງ ແລະ ການເຄື່ອນໄຫວຂອງຫ້ອງວ່າການ ປົກຄອງ ເມືອງ ວາປີ, ທ່ານຄຳພອງ ຈັນທະຈອນ ກຳມະການພັກເມືອງ ຫົວໜ້າຫ້ອງການພາຍໃນເມືອງ ວາປີ ຂື້ນຜ່ານຂໍ້ຕົກລົງຂອງທ່ານເຈົ້າເມືອງໆ ວາປີ ເລກທີ 34/ຈມ,ວປ ລົງວັນທີ 25/1/2019 ວ່າດ້ວຍ: ການອະນຸມັດສ້າງຕັ້ງໜ່ວຍງານຂອງຫ້ອງວ່າການປົກຄອງເມືອງ ວາປີ ມີລາຍລະອຽດດັ່ງນີ້:

1 ໜ່ວຍງານຄົ້ນຄ້ວາ-ສັງລວມ

2 ໜ່ວຍງານຄຸ້ມຄອງບໍລິຫານ, ພິທີການ ແລະ ການເງິນ

3 ໜ່ວຍງານຈັດຕັ້ງ ແລະ ກວດກາ

4 ໜ່ວຍງານຄຸ້ມຄອງ ແລະ ບໍລິຫານຕົວເມືອງ

5 ໜ່ວຍງານກໍ່ສ້າງຮາກຖານການເມືອງ

     ທ່ານຫຼຽນໄຊ ແສນທະວີສຸກ ຄະນະຈັດຕັ້ງເມືອງ ວາປີ ໄດ້ຂື້ນຜ່ານຂໍ້ຕົກລົງຂອງທ່ານເຈົ້າເມືອງໆ ວາປີ ເລກທີ 36/ຈມ,ວປ ລົງວັນທີ 29/1/2019 ວ່າດ້ວຍ: ການອະນຸມັດແຕ່ງຕັ້ງ ຫົວໜ້າໜ່ວຍງານ, ຮອງໜ່ວຍງານ ເຊີ່ງມີລາຍລະອຽດ ດັ່ງນີ້:

1. ທ່ານ ນາງ ລິດສະໄໝ ຈັນດາວົງ ຈາກຫົວໜ້າໜ່ວຍງານຄົ້ນຄວ້າ-ສັງລວມວຽກລັດ ມາເປັນ ຫົວໜ້າ ໜ່ວຍງານ ຄົ້ນຄວ້າສັງລວມ.

2. ທ່ານ ເກລາວັນ ວົງສາລາດ ຈາກຮອງຫົວໜ້າໜ່ວຍງານເລຂາການນໍາ ມາເປັນ ຮອງຫົວໜ້າໜ່ວຍງານຄົ້ນຄວ້າ-ສັງລວມ.

3. ທ່ານ ຄໍາສິງ ຈອມລາສີ ຈາກຮັກສາການຫົົວໜ້າໜ່ວຍງານຄົ້ນຄວ້າ-ສັງລວມວຽກພັກ ມາເປັນ ຫົວໜ້າໜ່ວຍງານ  ຄຸ້ມຄອງບໍລິຫານ, ພິທີການແລະການເງິນ

4. ທ່ານ ນັດສະກອນ ວົງສາລາດ ຈາກຮອງຫົວໜ້າໜ່ວຍງານຄົ້ນຄວ້າ-ສັງລວມວຽກລັດ ມາເປັນ ຮອງຫົວໜ້າໜ່ວຍງານຄຸ້ມຄອງບໍລິຫານ, ພິທີການແລະການເງິນ.

5. ທ່ານ ບຸນຫຼາຍ ຊາວເມືອງໂຂງ ຈາກຫົວໜ້າໜ່ວຍງານບໍລິຫານ ມາເປັນ ຫົວໜ້າໜ່ວຍງານຄຸ້ມຄອງ ແລະ ບໍລິຫານ ຕົວເມືອງ.

6. ທ່ານ ນາງ ບັບພາວະດີ ສີຊ່ອງເຕໂຊ ຈາກຫົວໜ້າໜ່ວຍງານເລຂາການນໍາ ມາເປັນ ຫົວໜ້າໜ່ວຍງານ ຈັດຕັ້ງ-ກວດກາ.

7. ທ່ານ ນາງ ໜູລ້ຽມ ພົມມະລືຊາ ຈາກຮອງຫົວໜ້າໜ່ວຍງານບໍລິຫານ ມາເປັນ ຮອງຫົວໜ້າໜ່ວຍງານ ຈັດຕັ້ງ- ກວດກາ.

8. ທ່ານ ນາງ ວຽງຄອນ ໄຊຍະສານ ຮອງຫົວໜ້າໜ່ວຍງານເຕັກໂນໂລຊີ ມາຮັກສາການແທນ ຫົວໜ້າໜ່ວຍງານ ເຕັກ ໂນໂລຊີ.

      ຈາກນັ້ນ ຜູ້ແທນ ກອງປະຊຸມໄດ້ມີການແລກປ່ຽນຄໍາຄິດຄໍາເຫັນໃສ່ຕໍ່ບາງບັນຫາເພື່ອປັບປຸງ ວຽກງານຂອງຫ້ອງວ່າການເປັນຕົ້ນ ວຽກງານຄົ້ນຄວ້າສັງລວມ,ວຽກງານ ເລຂານຸການ, ວຽກງານກໍ່ສ້າງຮາກຖານ, ວຽກງານບໍລິຫານ ຈັດຕັ້ງການເງິນ, ວຽກງານພະນັກງານ ແລະ ອົງການຈັດຕັ້ງມະຫາຊົນ ສືບຕໍ່ສຶກສາອົບຮົມການເມືອງແນວຄິດໃຫ້ພະນັກງານຫ້ອງວ່າການໃຫ້ມີຄວາມສາມັກຄີ ແລະ ເຊື່ອໜັ້ນການນໍາພາຂອງຄະນະຫ້ອງວ່າການ, ປັບປຸງຄຸນນະພາບເປັນເສນາທິການໃຫ້ຄະນະພັກຂັ້ນເທິງ ການບໍລິຫານຮັບໃຊ້ຄົ້ນຄວ້ານິຕິກຳຄຸນນະພາບ.

    ໃນຕອນທ້າຍກໍ່ໄດ້ຮັບຟັງການໂອ້ລົມຂອງທ່ານບຸນທົງວັງຈັນ ຄະນະປະຈໍາພັກເມືອງ ຮອງເຈົ້າເມືອງໆ ວາປີ ທ່ານກໍ່ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ພົ້ນເດັ່ນຂອງຫ້ອງວ່າການເມືອງ ຍາດມາໄດ້ໃນໄລຍະ1ປີຜ່ານມາຢ່າງສຸດໃຈ ທ່ານຍັງໄດ້ເນັ້ນໜັກບາງບັນຫາທີ່ສຳຄັນ ເປັນຕົ້ນແມ່ນ ວຽກງານຫ້ອງວ່າການ ຕ້ອງໄດ້ເພີ່ມທະວີວຽກງານວິຊາສະເພາະຕາມການມອບໝາຍໃຫ້ມີປະສິດທິພາບສູງ.

ອອກ​ຈາກ REPLY ເປັນ

Please enter your comment!
Please enter your name here