ອອກແຮງງານລວມກໍ່ສ້າງທາງຄອນກຣີດເຂົ້າຫ້ອງວ່າການປົກຄອງເມືອງ ວາປີ

ໃນຕອນເຊົ້າຂອງວັນທີ 25 ມັງກອນ ປີ 2019 ເມືອງ ວາປີ ໄດ້ສ້າງຂະບວນການອອກແຮງງານລວມກໍ່ສ້າງທາງຄອນກຣີດເຂົ້າຫ້ອງການປົກຄອງເມືອງ ວາປີ ເພື່ອເປັນການຄໍານັບຮັບຕ້ອນກອງປະຊຸມໃຫຍ່ຄັ້ງທີ VIII ຂອງອົງຄະນະພັກເມືອງວາປີທີ່ຈະໄດ້ຈັດຂື້ນໃນໝໍ່ໆນີ້ ແລະ ຕ້ອນຮັບວັນສໍາຄັນຕ່າງໆຂອງຊາດ.ເພື່ອເຮັດໃຫ້ສໍານັກງານມີຄວາມສວຍງາມ ແລະ ມີສີສັນ ທັງເປັນການຢັ້ງຢືນເຖິງການພັດທະນາດ້ານເສດຖະກິດ-ວັດທະນະທຳສັງຄົມຂອງເມືອງ ເຊີ່ງນຳພາໂດຍ ທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆ ວາປີ, ຄະນະປະຈຳ,ກຳມະການພັກເມືອງ,ບັນດາຫ້ອງການຕ່າງໆ ໃນທົ່ວເມືອງວາປີເຂົ້າຮ່ວມທັງໝົດ 300 ຍິງ 111 ຄົນ.

     ໃນການກໍ່ສ້າງທາງຄອນກຣີດ ເຊີ່ງມີຄວາມຍາວ 200 ແມັດ,ຄວາມກວ້າງ 4 ແມັດ ແລະ ໜາ 10 ຊັງຕີແມັດ ເຊີ່ງມີມູນຄ່າທັງໝົດ 108.312.960 ກີບ. ໂດຍໄດ້ຮັບການອຸປະຖຳ ແລະ ສະໜັບສະໜູນຈາກບັນດາອົງການ, ລັດວິສາຫະກິດ, ນັກທຸລະກິດພາຍໃນເມືອງ ແລະ ຕ່າງເມືອງ, ບໍລິສັດ ແລະ ຫ້າງຮ້ານໃນທົ່ວເມືອງ ວາປີ. ປະຈຸບັນໄດ້ສ້າງສຳເລັດປະມານ80%

ອອກ​ຈາກ REPLY ເປັນ

Please enter your comment!
Please enter your name here