ເມືອງວາປີ ໄດ້ຈັດກອງປະຊຸມຜ່ານແຜນການເຄື່ອນໄຫວຂອງພະນັກງານລົງກໍ່ສ້າງຮາກຖານ-ການເມືອງ ໃນຄັ້ງວັນທີ 7 ພະຈິກ 2018.

ໃນຕອນເຊົ້າຂອງວັນທີ 7 ພະຈິກ 2018 ນີ້,ຢູ່ທີ່ສະໂມສອນໃຫ່ຍຂອງເມືອງໄດ້ຈັດກອງປະຊຸມຜ່ານແຜນການເຄື່ອນໄຫວຂອງພະນັກງານລົງກໍ່ສ້າງຮາກຖານ-ການເມືອງ ໂດຍໃຫ້ກຽດການເປັນປະທານຂອງທ່ານ ປອ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງເຈົ້າເມືອງໆວາປີ,ມີຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ,ຮອງຫ້ອງການ,ຄະນະພັກຮາກຖານ,ພະນັກງານເຂົ້າຮ່ວມທັງໝົດ 77 ຄົນ,ຍິງ 09 ຄົນ.

ເພື່ອສ້າງຜົນງານຕິດພັນກັບວຽກງານຕົວຈິງຢູ່ຮາກຖານໃຫ້ເປັນຂະບວນການຟົດຟື້ນ,ສ້າງຄວາມໝັ້ນຄົງ ແລະ ບູລະນະລະບອບປະຊາທິປະໄຕປະຊາຊົນຕາມຈຸດໝາຍກ້າວຂື້ນສັງຄົມນິຍົມ,ໄດ້ຫັນນຳພາພະນັກງານນັກວິຊາການລົງກໍ່ສ້າງຮາກຖານ-ການເມືອງມີຄື: ຍົກຍ້າຍບັນດາສະຫາຍກັບຄືນສູ່ກົມກອງເກົ່າມີ 08 ສະຫາຍ,ລົງກໍ່ສ້າງຮາກຖານ-ການເມືອງປະຈຳຢູ່ກຸມບ້ານມີ 16 ສະຫາຍ,ຍິງ 01 ສະຫາຍ,ຍົກຍ້າຍສັບປ່ຽນບ່ອນປະຈຳການມີ 01 ສະຫາຍ ແລະ ຕ້ອງໄດ້ກຳນົດຈຳນວນພະນັກງານນຳພາ-ຫຼັກແຫຼ່ງຂອງເມືອງໃຫ້ເໝາະສົມ ແລະ ສອດຄ່ອງກັບຕຳແໜ່ງງານທີ່ສຳຄັນ,ໄດ້ຕາມມາດຖານທີ່ວາງໄວ້,ເຮັດໃຫ້ເມືອງວາປີມີບາດກ້າວຂະຫຍາຍຕົວຢ່າງໜັກແໜ້ນ,ໝັ້ນທ່ຽງ,ການເມືອງມີສະຖຽນລະພາບ,ສັງຄົມມີຄວາມສະຫງົບເປັນລະບຽບຮຽບຮ້ອຍ,ຄວາມທຸກຍາກໄດ້ຮັບການແກ້ໄຂໃຫ້ຫຼຸດລົງ,ຄຸນນະພາບຊີວິດການເປັນຢູ່ຂອງຊາວຊົນນະບົດໄດ້ຮັບການປັບປຸງນັບມື້ດີຂື້ນ.

ໃນຕອນທ້າຍນີ້ທ່ານປະທານກໍ່ໄດ້ມີຄຳເຫັນເນັ້ນໃຫ້ບັນດາສະຫາຍທີ່ຖືກແຕ່ງຕັ້ງລົງກໍ່ສ້າງຮາກຖານຕ້ອງໄດ້ເອົາໃຈໃສ່,ມີຄວາມຮັບຜິດຊອບຢ່າງຂາດຕົວຕໍ່ວຽກງານທີ່ໄດ້ມອບໝາຍໃຫ້ເພື່ອສ້າງເມືອງເປັັັນຫົວໜ່ວຍເຂັ້ມແຂງຮອບດ້ານ,ສ້າງບ້ານເປັນຫົວໜ່ວຍພັດທະນາ ແລະ ກອງປະຊຸມກໍ່ໄດ້ປິດລົງເປັນເວລາ 1 ຄາບ.

ອອກ​ຈາກ REPLY ເປັນ

Please enter your comment!
Please enter your name here