ເມືອງວາປີ ໄດ້ຈັດກອງປະຊຸມອົງການປົກຄອງເມືອງ ຄັ້ງທີ I ສະໄໝທີ VIII.

       ໃນຕອນເຊົ້າຂອງວັນທີ 4 ມີນາ 2020 ເມືອງ ວາປີ ໄດ້ຈັດກອງປະຊຸມ ອົງການປົກຄອງເມືອງ ວາປີ ຄັ້ງທີ I ສະໄໝທີ VIII. ຂື້ນຢູ່ທີ່ສະໂມສອນໃຫ່ຍຂອງເມືອງ ໂດຍໃຫ້ກຽດເປັນປະທານຂອງທ່ານ ບຸນຍູ້ ຈັນທະລັງສີ ເລຂາພັກເມືອງ ເຈົ້າເມືອງໆ ວາປີ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ອົງການທຽບເທົ່າ ແລະ ບັນດາເລຂາໜ່ວຍພັກ-ນາຍບ້ານ, ການເງິນບ້ານໃນທົ່ວເເມືອງ ເຂົ້າຮ່ວມທັງໜົດ 87 ທ່ານ, ຍິງ 4 ທ່ານ.

       ໃນກອງປະຊຸມທ່ານ ທ່ານ ພົມວິຊາ ຂຸນວິໃສ ກຳມະການພັກເມືອງ ຫົວໜ້າຫ້ອງການແຜນການ ແລະ ການລົງທືນ ເມືອງ ວາປີ ໄດ້ຂື້ນຜ່ານບົດລາຍງານແຜນພັດທະນາເສດຖະກິດ-ສັງຄົມປະຈຳປີ 2020. ເຊີ່ງການປະຕິບັດວຽກງານໃນໄລຍະຜ່ານມາມີທັງຂໍ້ສະດວກ ແລະ ຂໍ້ຫຍຸ້ງຍາກ ຂອງວຽກງາານໃນແຕ່ລະຂົງເຂດແຕ່ຄະນະພັກເມືອງກໍ່ໄດ້ເອົາໃຈໃສ່ໃນການຊີ້ນຳ-ນຳພາ, ສຸມທຸກກຳລັງພະນັກງານເຂົ້າໃນວຽກງານພັດທະນາເສດຖະກິດ-ສັງຄົມ ເຊີ່ງໄດ້ມີຜົນສຳເລັດທີ່ພົ້ນເດັ່ນຫຼາຍດ້ານ ດ້ວຍຈິດໃຈສູ້ຊົນບຸກທະລຸ ເຮັດໃຫ້ເມືອງສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບໂດຍພື້ນຖານ ແລະ ສັງຄົມ ມີຄວາມເປັນລະບຽບຮຽບຮ້ອຍ,ເສດຖະກິດ ຍັງສືບຕໍ່ຂະຫຍາຍຕົວຕໍ່ເນື່ອງ. ປະຊາຊົນໄດ້ຕື່ນຕົວໃນການຜະລິດເຂົ້າ ແລະ ມັນຕົ້ນ ເປັນສິນຄ້າ ເປັນຈຳນວນຫຼວງຫຼາຍ, ຖະໜົນຫົນທາງກໍ່ໄດ້ມີການກໍ່ສ້າງ ແລະ ປັບປຸງ ເຮັດໃຫ້ການໄປມາຫາສູ່ສະຫວ່າງບ້ານຕໍ່ບ້ານ ມີຄວາມສະດວກ, ການເກັບລາຍຮັບເຂົ້າງົບປະມານປະຕິບັດໄດ້ 3,462,630,595 ກີບ.ອົງການປົກຄອງແຕ່ລະຂັ້ນໄດ້ເອົາໃຈໃສ່ເຮັດວຽກງານ ສຶກສາອົບຮົມການເມືອງແນວຄິດໃຫ້ແກ່ສະມາຊິກພັກ, ພະນັກງານລັດຖະກອນ, ຕະຫຼອດຮອດພໍ່ແມ່ປະຊາຊົນຢ່າງຕັ້ງໜ້າ.

      ໃນຕອນທ້າຍກໍ່ໄດ້ຮັບຟັງການໂອ້ລົມຂອງທ່ານ ບຸນຍູ້ ຈັນທະລັງສີ ເລຂາພັກເມືອງ ເຈົ້າເມືອງໆ ວາປີ ປະກອບຄຳເຫັນຕໍ່ກອງປະຊຸມ ໂດຍມອບໃຫ້ພາກສ່ວນທີ່ກ່ຽວຂ້ອງຈົ່ງພ້ອມກັນຈັດຕັ້ງປະຕິບັດພ້ອມທັງຊອກຫາວິທີແກ້ໄຂບັນຫາຕ່າງໆທີ່ເກີດຂື້ນກັບວຽກງານໃນແຕ່ລະດ້ານ.

ອອກ​ຈາກ REPLY ເປັນ

Please enter your comment!
Please enter your name here