ໃນຕອນເຊົ້າຂອງວັນທີ 5 ທັນວາ 2018 ນີ້,ເມືອງວາປີ ໄດ້ຈັດພິທີປະຖະກະຖາວັນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ຢູ່ທີ່ສະໂມສອນໃຫຍ່ຂອງເມືອງ ໂດຍໃຫ້ກຽດເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ,ເລຂາຄະນະບໍລິຫານງານພັກເມືອງ-ເຈົ້າເມືອງໆວາປີ,ເຊີ່ງມີບັນດາສະຫາຍຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ,ພະນັກງານຫ້ອງການອ້ອມຂ້າງ,ສະຫະພັນແມ່ຍິງບ້ານ,ເຂົ້າຮ່ວມທັງໝົດ 112 ຄົນ ຍິງ 69 ຄົນ.

ເຊິ່ງໃນພິທີ ທ່ານ ນາງ ຕຽງຄຳ ສິດທິຈັກ ຄະນະປະຈຳພັກເມືອງ ປະທານສະຫະພັນແມ່ຍິງເມືອງ ກໍ່ໄດ້ຍົກໃຫ້ເຫັນປະຫວັດຄວາມເປັນມາຂອງວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ໃນໂລກ ແລະສະພາບຄວາມຮຸນແຮງທາງດ້ານເພດ, ທາງດ້ານຮ່າງກາຍ,ທາງດ້ານຈິດໃຈ ແລະການລະເລີຍ, ນອກຈາກນັ້ນກໍ່ແມ່ນການຈຳແນກເຊື້ອຊາດ, ສາດສະໜາ, ວັດທະນະທຳຮີດຄອງປະເພນີ-ສັງຄົມ, ຊຸມຊົນ-ຄອບຄົວ,ລະດັບການສຶກສາ ແລະ ການອອກແຮງງານອື່ນໆ ດັ່ງນັ້ນພັກ ແລະ ລັດຖະບານແຫ່ງ ສປປລາວ ຈື່ງເຫັນໄດ້ເຖິງພາລະບົດບາດຄວາມສຳຄັນຂອງແມ່ຍິງບໍ່ວ່າຈະຢູ່ໃນຂະບວນການໃດໆກໍາຕາມເອື້ອຍນ້ອງຍິງບັນດາເຜົ່າກໍ່ໄດ້ປະກອບສ່ວນເປັນຕົ້ນ: ຂະບວນການຕໍ່ສູ້ປົດປ່ອຍຊາດໃນເມື່ອກ່ອນ, ການປົກປັກຮັກສາ ແລະ ກາສ້າງສາພັດທະນາປະເທດຊາດກໍ່ໄດ້ຄຽງບ່າຄຽງໄລ່ກັບເພດຊາຍຢ່າງສະເໝີຕົ້ນສະເໝີປາຍ, ຍ້ອນເຫັນໄດ້ບົດບາດຄວາມສຳຄັນຄືແນວນັ້ນພັກ-ລັດຖະບານຈື່ງໄດ້ເອົາໃຈໃສ່ສຶກສາອົບຮົມພະນັກງານເພດຍິງໃຫ້ມີຄຸນສົມບັດ, ຄວາມຮູ້ຄວາມສາມາດຮອບດ້ານໃນທຸກວຽກງານຂອງຊາດໂດຍແນໃສ່ສົ່ງເສີມຄວາມກ້າວໜ້າຂອງແມ່ຍິງລວມທັງຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ.

ອອກ​ຈາກ REPLY ເປັນ

Please enter your comment!
Please enter your name here