ເມືອງວາປີ ໄດ້ຈັດພິທີປະຖະກະຖາວັນຊາດ ທີ 2 ທັນວາ ຄົບຮອບ 43 ປີ ( 2 ທັນວາ 1975-2 ທັນວາ 2018) ແລະ ວັນຄ້າຍວັນເກີດຂອງປະທານ ໄກສອນ ພົມວິຫານຄົບຮອບ 98 ປີ ( 13 ທັນວາ ປີ1920-13 ທັນວາ 2018)

       ໃນຕອນເຊົ້າຂອງວັນທີ 11 ທັນວາ 2018​ ນີ້ ເມືອງວາປີ ໄດ້ຈັດພິທີປາຖະກະຖາຫວນຄືນວັນຊາດທີ 2 ທັນວາຄົບຮອບ 43 ​​ປີ ( 2 ທັນວາ 1975-2​ ທັນວາ 2018) ແລະ ລະນຶກເຖີງວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 98​ ປີ ( 13 ​ທັນວາ ປີ1920-13 ທັນວາ 2018). ຢູ່ທີະສະໂມສອນຂອງເມືອງ ໂດຍໃຫ້ກຽດເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະະບໍລິຫານງານພັກເມືອງ-ເຈົ້າເມືອງໆວາປີ,ເຊີ່ງມີບັນດາສະຫາຍຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ, ລັດວິສາຫະກິດ, ພະນັກງານຫ້ອງການອ້ອມຂ້າງ, ຄູອາ-ຈານ,ພ້ອມດ້ວຍນ້ອງນັກຮຽນເຂົ້າຮ່ວມ ທັງໝົດ 351 ​ຄົນ,ຍິງ 136​ ຄົນ.

ຈາກນັ້ນກໍ່ໄດ້ຮ່ວມວາງກະຕ່າດອກໄມ້ທີ່ອະນຸສອນສະຖານປະທານໄກສອນ ພົມວິຫານເນື່ອງໃນໂອກາດວັນຄ້າຍວັນເກີດຄົບຮອບ 98​ ປີ ແລະ ວັນຊາດທີ 2 ທັນວາ ຄົບຮອບ 43 ປີ.ຈາກນັ້ນທ່ານ ກິແກ້ວ ໄຊຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງກໍ່ໄດ້ຂື້ນກ່າວປະຫວັດຄວາມເປັນມາຂອງ 2 ວັນ ດັ່ງກ່າວທີ່ມີຄວາມໝາຍຄວາມສຳຄັນໃນທົ່ວພັກ,ທົ່ວລັດ ແລະ ທົ່ວປວງຊົນລາວທັງຊາດ,ເປັນວັນແຫ່ງໄຊຊະນະອັນຫຍິງໃຫ່ຍໃນປະຫວັດສາດແຫ່ງການຕໍ່ສູ້ອັນຍືດເຍື້ອຍາວນານຂອງຊາດລາວເຮົາ,ເປັນວັນທີ່ປະຊາຊົນບັນດາເຜົ່າໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຊາດຢ່າງແທ້ຈີງ,ມີອຳນາດອະທິປະໄຕອັນຄົບຖ້ວນ,ມີທີ່ຕັ້ງອັນສົມກຽດພາຍຫຼັງທີ່ໄດ້ຮັບຟັງການເລົ່າມູນເຊື້ອວັນຊາດທີ 2 ທັນວາ ແລ້ວ ທ່ານກິແກ້ວ ໄຊຍະລາດ ຮອງເລຂາພັເມືອງ ຫົວໜ້າຄະນະຈັດຕັ້ງເມືອງ ຍັງໄດ້ສຶບຕໍ່ປະຖະກະຖາວັນເກີດຂອງ ປະທານໄກສອນ ພົມວິຫານເພື່ອສະແດງເຖີງຄວາມຮູ້ບຸນຄຸນຂອງທ່ານຜູ້ນຳທີ່ໄດ້ເສຍສະຫຼະເລືອດເນຶ້ອ,ເຫື່ອແຮງ ແລະ ອຸທິດຕົນເຂົ້າໃນພາລະກິດຕໍ່ສູ້ປົກປັກຮັກສາ ແລະ ປົດປ່ອຍປະເທດຊາດຍາມໃດກໍ່ມີນ້ຳໃຈເດັດດ່ຽວກ້າຫານ,ດຸໝັ່ນຂະຫຍັນພຽນ,ມີທັດສະນະມະຫາຊົນສະເໝີຕົ້ນ ສະເໝີປາຍ,ທັງນຳໜ້າດ້ານທິດສະດີ ແລະ ເປັນແບບຢ່າງໃນພາກປະຕິບັດຕົວຈິງ,ທັງເປັນນັກວິທະຍາສາດທີ່ມີວິໄສທັດກວ້າງໄກ,ສາມາດຕີລາຄາສັ່ງຊາສະພາບການທັງພາຍໃນ ແລະ ສາກົນເປັນຢ່າງດີ ແລະ ສາມາດສວຍໃຊ້ສະພາບການໃຫ້ເປັນໂອກາດອຳນວຍໃຫ້ແກ່ການປະຕິວັດຊາດກໍ່ຄືສະໄໝສ້າງສາພັດທະນາປະເທດຊາດໄດ້ຢ່າງຄ່ອງແຄ້ວ,ສະຫຼຽວສະຫຼາດ ແລະມີປະສິດທິຜົນສູງ.ຍ້ອນແນວນັ້ນປະທານ ໄກສອນ ພົມວິຫານ ຈື່ງໄດ້ກາຍເປັນຜູ້ນຳທີ່ດີເດັ່ນ ແລະ ເປັນວິລະບູລຸດຂອງຊາດທີ່ໄດ້ນຳພາປວງຊົນລາວທັງຊາດຍາດໄດ້ໄຊຊະນະ ແລະ ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວຂື້ນໃນວັນທີ 2 ທັນວາ 1975 . ວິລະກຳອັນລ້ຳເລີດ ແລະ ແສນປະເສີດທີ່ສຸດຂອງປະທານໄກສອນ ທີ່ກ່າວມານັ້ນພວກເຮົາຕ້ອງໄດ້ຮ່ຳຮຽນ ແລະ ຈື່ຈຳໄປຕະຫຼອດກາລະນານ.

ອອກ​ຈາກ REPLY ເປັນ

Please enter your comment!
Please enter your name here