ເມືອງວາປີ ໄດ້ຈັດພິທີປະຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ(20/1/1949-20/1/2019)ໃນຄັ້ງວັນທີ 4/1/2019.

ໃນຕອນເຊົ້າຂອງວັນທີ  4  ມັງກອນ 2019 ນີ້,ຢູ່ທີ່ສະໂມສອນໃຫ່ຍຂອງເມືອງໄດ້ຈັດພິທີປະຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ(20/1/1949-20/1/2019),ໂດຍການເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາພັກເມືອງ-ເຈົ້າເມືອງໆວາປີ,ໃຫ້ກຽດເຂົ້າຮ່ວມມີທ່ານຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ,ຮອງຫ້ອງການ,ຄະນະພັກຮາກຖານ,ພະນັກງານ,ນາຍພົນທະຫານ,ຕຳຫຼວດ ແລະ ນ້ອງນັກຮຽນເຂົ້າຮ່ວມທັງໝົດ 346  ຄົນ,ຍິງ 167 ຄົນ.

         ທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາພັກເມືອງ-ເຈົ້າເມືອງໆວາປີໄດ້ເລົ່າຄືນວັນສ້າງຕັ້ງກອງທັບປະຊາຊົນລາວຕະຫຼອດໄລຍະ 70 ປີທີ່ຜ່ານມາ,ເຊີ່ງຈຸດປະສົງກໍ່ເພື່ອຫວນຄືນເຖີງມູນເຊຶ້ອການກຳເນິດຂອງກອງທັບປະຊາຊົນລາວພາຍຫຼັງທີ່ໄດ້ຮັບການປະກາດສ້າງຕັ້ງຂື້ນໃນວັນທີ 20 ມັງກອນ 1949 ໂດຍແມ່ນທ່ານ ປະທານ ໄກສອນ ພົມວິຫານ ເປັນຜູ້ປະກາດສ້າງຕັ້ງຂື້ນ ແລະ ບັນຊາໂດຍກົງເພື່ອນຳພາຕໍ່ສູ້ກອບກູ້ເອົາປະເທດຊາດອອກຈາກການຮຸກຮານ ແລະ ຍຶດຄອງຂອງພວກຈັກກະພັດລ່າເມືອງຂື້ນຈົນຍາດໄດ້ໄຊຊະນະອັນຫຍີ່ງໃຫ່ຍໃນປະຫວັດສາດຂອງຊາດລາວ ແລະ ເພື່ອໃຫ້ສະມາຊິກພັກ-ພະນັກງານ-ລັດຖະກອນ,ນາຍ ແລະ ພົນທະຫານ,ຕຳຫຼວດທົ່ວກອງກຳລັງປະກອບອາວຸດຕະຫຼອດຮອດນັກຮຽນຮູ້ປັນຍາຊົນ ແລະ ພໍ່ແມ່ປະຊາຊົນຊາວເມືອງວາປີໄດ້ຮັບຮູ້ເຂົ້າໃຈເຖີງຄວາມເກັ່ງກ້າສາມາດ,ຍອມເສຍສະຫຼະຊິວິດເລືອດເນື້ອເພື່ອປະເທດຊາດ ແລະ ປະຊາຊົນບັນດາເຜົ່າຂອງອ້າຍນ້ອງທະຫານກໍ່ຄືບັນດານັກຮົບປະຕິວັດໃນແຕ່ລະໄລຍະທີ່ໄດ້ຕໍ່ສູ້ກັບສັດຕູໂດຍບໍ່ຍອມເປັນຂ້ອຍຂ້າ,ເປັນລູກແຫຼ່ງຕີນມືໃຫ້ແກ່ສັດຕູ,ພ້ອມນີ້ກໍ່ເປັນການປູກຈິດສຳນຶກໃຫ້ບັນດາຄົນລຸ້ນຫຼັງກໍ່ຄືລູກຫຼານໃນໄລຍະໃໝ່ໄດ້ຮັບຮູ້ ແລະ ຈາລຶກບຸນຄຸນຂອງອ້າຍນ້ອງທະຫານ,ນັກຮົບປະຕິວັດທີ່ໄດ້ຕໍ່ສູ້ກັບບັນດາພວກຈັກກະພັດຕ່າງດ້າວທັງເກົ່າ ແລະ ໃໝ່ຈົນຍາດໄດ້ເອກະລາດ,ອະທິປະໄຕ,ຜືນແຜນດິນອັນຄົບຖ້ວນ ແລະ ຄວາມຢູ່ເຢັນເປັນສຸກມາສູ່ປະຊາຊົນລາວບັນດາເຜົ່າ,ກາຍເປັນປະເທດທີ່ມີສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ.ພາຍຫຼັງການເລົ່າມູນເຊື້ອວັນສ້າງຕັ້ງກອງທັບປະຊາຊົນລາວຄົບຮອບ 70 ປີແລ້ວ ທ່ານ ພັທ ບົດ ບາຈູມມະນີ ປະທານສະຫະພັນນັກຮົບເກົ່າເມືອງ ກໍ່ໄດ້ສຶບຕໍ່ເລົ່າຄືນເຖີງຜົນງານການຕໍ່ສູ້ຂອງກອງບັນຊາການທະຫານແຂວງສາລະວັນຕື່ມອີກ ແລະ ພິທີກໍ່ໄດ້ສີ້ນສຸດລົງໃນວັນດຽວກັນ.

ອອກ​ຈາກ REPLY ເປັນ

Please enter your comment!
Please enter your name here