ເມືອງວາປີ ໄດ້ຈັດພິທີປ່ອຍປາ ເນື່ອງໃນວັນທີ 13 ກໍລະກົດ

ໃນຕອນເຊົ້າຂອງວັນທີ 13 ກໍລະກົດ 2018 ນີ້,ເມືຶອງວາປີໄດ້ ຈັດພິທີສະເຫຼີມສະຫຼອງວັນປ່ອຍປາ,ວັນອະນຸລັກສັດນ້ຳ ແລະ ສັດປ່າແຫ່ງຊາດຂື້ນ ທີ່ວັງສະຫງວນແກ້ງກຸ-ປາກເສັດ,ເມືອງວາປີ ໂດຍໃຫ້ກຽດເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆວາປີ,ທ່ານ ສຸກສາຄອນ ລາດຊະພົນ ກຳມະການພັກເມືອງ ຫົວໜ້າຫ້ອງການກະສິກຳ-ປ່າໄມ້ເມືອງ ,ມີຄະນະປະຈຳພັກ
ເມືອງ,ກຳມະການພັກເມືອງ,ຫົວໜ້າຫ້ອງການ,ພະນັກງານ,ລັດວິສາຫະກິດ,ຕະຫຼອດຮອດພໍ່ແມ່ປະຊາຊົນເຂົ້າຮ່ວມທັງໝົດ 75 ຄົນ,ຍິງ 21 ຄົນ, ເຊີ່ງໃນພິທີທ່ານເຈົ້າເມືອງໄດ້ຍົກໃຫ້ເຫັນຕະຫຼອດໄລຍະຜ່ານມາພັກ ແລະ ລັດຖະບານພວກເຮົາໄດ້ໃຫ້ຄວາມສຳຄັນຕໍ່ການອະນຸລັກສັດນ້ຳ-ສັດປ່າຢູ່ໃນລາວໂດຍມີນະໂຍບາຍອອກມະຕິຄຳສັ່ງ,ລະບຽບ,ກົດໝາຍຕ່າງໆ ເພື່ອຄຸ້ມຄອງຢ່າງເຂັ້ມງວດສຸມທຶນຮອນຢ່າງມະຫາສານເຂົ້າໃນການປົກປັກຮັກສາ ແລະ ພັດທະນາຊັບພະຍາກອນປ່າໄມ້ເພື່ອຮັກສາຄວາມສົມດູນຂອງລະບົບນິເວດວິທະຍາເຮັດໃຫ້ແຫຼ່ງນ້ຳບໍ່ບົກແຫ້ງ, ສ້າງວັງສະຫງວນ, ວັງອະນຸລັກ ເພື່ອເປັນບ່ອນຂະຫຍາຍພັນສັດນ້ຳໃຫ້ເພີ່ມປະລິມານຂື້ນເລື້ອຍໆ. ຫຼັງຈາກນັ້ນທ່ານປະທານ ແລະ ພ້ອມດ້ວຍແຂກໝົດທຸກຄົນກໍ່ໄດ້ປ່ອຍປ່າລົງສູ່ວັງສະຫງວນແກ້ງກຸ-ປາກເສັດ ປະມານ 300.000 ກວ່າໂຕ ແລະ ໃນຕອນທ້າຍນີ້ທ່ານຍັງໄດ້ຮຽກຮ້ອງໃຫ້ປະຊາຊົນຈົ່ງພ້ອມກັນເປັນເຈົ້າການ,ໃນການຄຸ້ມຄອງແລະປົກປັກຮັກສາສັດນ້ຳ-ສັດປ່າທີ່ໃກ້ຈະສູນພັນຄົງຕົວຢູ່ຄູ່ກັບທຳມະຊາດແລະມີປະລິມານເພີ່ມຂື້ນໄປເລື້ອຍໆຫຼັງຈາກນັ້ນພິທີກໍ່ໄດ້ປິດລົງໃນວັນດຽວກັນ.

ອອກ​ຈາກ REPLY ເປັນ

Please enter your comment!
Please enter your name here