ເມືອງວາປີ ໄດ້ຈັດພິທີສະຫຼຸບປີດກອງປະຊຸມຝຶກອົບຮົມທິດສະດີການເມືອງ-ການປົກຄອງລະບົບ 10 ວັນສໍາລັບຄະນະພັກບ້ານ-ນາຍບ້ານຢູ່ເມືອງວາປີ ແຂວງສາລະວັນ ໃນຄັ້ງວັນທີ 20 ສິງຫາ-04 ກັນຍາ 2018.

ໃນຕອນເຊົ້າຂອງວັນທີ 04 ກັນຍາ 2018 ທີ່ຜ່ານມານີ້,ຢູ່ທີ່ສະໂມສອນໃຫ່ຍຂອງເມືອງໄດ້ຈັດພິທີສະຫຼຸບປີດກອງປະຊຸມຝຶກອົບຮົມທິດສະດີການເມືອງ-ການປົກຄອງລະບົບ 10 ວັນສຳລັບຄະນະພັກບ້ານ-ນາຍບ້ານຢູ່ເມືອງວາປີ ແຂວງສາລະວັນ ໃນຄັ້ງວັນທີ 20 ສິງຫາ-04 ກັນຍາ 2018,ໂດຍໃຫ້ກຽດເປັນປະທານຂອງທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງເຈົ້າເມືອງໆວາປີ,ມີຄະນະປະຈຳພັກເມືອງ,ກຳມະການພັກເມືອງ,ພະແນກການອ້ອມຂ້າງເມືອງ ແລະ ແຂວງ,ຫົວໜ້າຫ້ອງການ,ຄະນະພັກຮາກຖານ,ຄະນະພັກບ້ານ-ນາຍບ້ານເຂົ້າຮ່ວມທັງໝົດ 77 ຄົນ,ຍິງ 12 ຄົນ.

ເພື່ອເຮັດໃຫ້ອົງການປົກຄອງຢູ່ຮາກຖານຂັ້ນບ້ານມີຄວາມເຂັ້ມແຂງທາງດ້ານການຊີ້ນຳ-ນຳພາໃນທຸກໆຂົງເຂດວຽກງານຂອງຂັ້ນບ້ານຄະນະໂຄສະນາອົບຮົມເມືອງວາປີຮ່ວມກັບໂຮງຮຽນການເມືອງ-ການປົກຄອງກໍ່ໄດ້ເປີດການຝຶກອົບຮົມໄລຍະ 10 ວັນຂື້ນເຊີ່ງການຝຶກອົບຮົມໃນຊຸດນີ້ແມ່ນໄດ້ຮັບການອະນຸມັດຈາກຄະນະປະຈຳພັກເມືອງມີຈຳນວນທັງໝົດ 57 ສະຫາຍ,ຍິງ 3 ສະຫາຍ,ເຂົ້າຮ່ວມຕົວຈິງ 53 ສະຫາຍ,ຍິງ 3 ສະຫາຍ,ໃຊ້ເວລາຮຽນມີ 19 ບົດ,67 ຊົ່ວໂມງ ແລະ ໄດ້ມີການກະກຽມປະສານງານກັບໂຮງຮຽນທິດສະດີການເມືອງ-ການປົກຄອງ ແລະ ຂໍທິດຊີ້ນຳຈາກຄະນະປະຈຳພັກເມືອງວາປີຢ່າງຕໍ່ເນື່ອງລຽນຕິດເຮັດໃຫ້ຜູ້ຮຽນໄດ້ຍົກສູງທັດສະນະຫຼັກໝັ້ນ,ແນວຄິດ,ຮັບຮູ້ເຖີງແນວທາງນະໂຍບາຍຂອງພັກ,ຍົກລະດັບຄວາມຮູ້ -ຄວາມສາມາດໜູນໃຊ້ທິດສະດີທີ່ຮຽນມາໃຫ້ເຂົ້າກັບສະພາບຕົວຈິງ,ມີຄວາມຮູ້ອັນໃໜ່ໆ ແລະ ກຳແໜ້ນຕໍ່ເນື້ອໃນຈິດໃຈຂອງບັນດາແນວທາງນະໂຍບາຍຂອງພັກ,ຮູ້ແບບແຜນວີທີການເຮັດວຽກ,ການນຳພາຄຸ້ມຄອງແລະ ສາມາດແກ້ໄຂບັນຫາຂໍ້ຄົງຄ້າງໃນກໍລະນີຕ່າງໆທີ່ຕົນມີໃນໄລຍະຜ່ານມາໄດ້ເທື່ອລະກ້າວ ແລະ ໃນຕອນທ້າຍທ່ານປະທານກກໍ່ໄດ້ມີຄຳເຫັນຕໍ່ກອງປະຊຸມເນັ້ນໃຫ້ຄະນະພັກແລະອຳນາດການປົກຄອງແຕ່ລະບ້ານຈົ່ງພ້ອມກັນນຳເອົາບົດຮຽນທີ່ຖອດຖອນໄດ້ໄປນຳໃຊ້ ແລະ ປະຕິບັດຕົວຈິງເພື່ອໃຫ້ອົງການປົກຄອງຂັ້ນບ້ານມີຄວາມເຂັ້ມແຂງໃນທຸກດ້ານ ແລະ ກອງປະຊຸມກໍ່ໄດ້ປິດລົງໃນວັນດຽວກັນ.

ອອກ​ຈາກ REPLY ເປັນ

Please enter your comment!
Please enter your name here