ເມືອງວາປີ ໄດ້ຈັດພິທີສະເຫຼີມສະຫຼອງສົ່ງທ້າຍປີເກົ່າ ຄສ 2018,ຕອນຮັບປີໃໝ່ ຄສ 2019.

        ໃນຄັ້ງວັນທີ 31 ທັນວາ 2018 ທີ່ຜ່ານມານີ້,ເມືອງວາປີໄດ້ຈັດພິທີສະເຫຼີມສະຫຼອງສົ່ງທ້າຍປີເກົ່າ ຄສ 2018,ຕອນຮັບປີໃໝ່ ຄສ 2019.ທີ່ຫ້ອງປະຊຸມຂອງຫ້ອງວ່າການປົກຄອງເມືອງເຊີ່ງມີ ສະຫາຍກໍາມະການພັກເມືອງ,ຫົວໜ້າຫ້ອງການ,ອົງການທຽບເທົ່າອ້ອມຂ້າງເມືອງ,ພະນັກງານລັດຖະກອນ,ນັກທຸລະກິດ,ຄະນະພັກຮາກຖານ,ລັດວິສາຫະກິດ ເຂົ້າຮ່ວມທັງໝົດ 64 ຄົນ,ຍິງ 15 ຄົນ.ໃນໂອກາດທີ່ມີຄວາມໜາຍຄວາມ,ຄວາມສໍາຄັນນີ້ ທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາຄະນະບໍລິຫານງານພັກເມືອງເຈົ້າເມືອງໆວາປີ ຕ່າງໜ້າໃຫ້ຄະນະປະຈຳພັກເມືອງ ແລະ ອຳນາດການປົກຄອງເມືອງໄດ້ໃຫ້ຄຳເຫັນໂອ້ລົມ,ນຳເອົາຄວາມໄມຕຼີຈິດ,ຄວາມສາມັກຄີຮັກແພງອັນບໍລິສຸດຜຸດພ່ອງ,ຢ້ຽມຢາມຖາມຂ່າວອັນສະໜິດສະໜົມ ແລະ ຂໍສະແດງຄວາມຂອບອົກຂອບໃຈຢ່າງລົ້ນເຫຼືອ.ນອກນັ້ນທ່ານຍັງໄດ້ຮຽກຮຮ້ອງໃຫ້ການນຳທຸກຂັ້ນ,ພະນັກງານລັດຖະກອນ,ນັກທຸລະກິດ ແລະ ປະຊາຊົນບັນດາເຜົ່າຈົ່ງພ້ອມກັນເສີມຂະຫຍາຍມູນເຊື້ອສາມັກຄີເປັນເອກະພາບເພື່ອນຳພາປະເທດຊາດບ້ານເມືອງໃຫ້ມີຄວາມສີວິໄລ,ອີກເທື່ອໜື່ງຕ່າງໜ້າການນຳຂັ້ນເມືອງຈື່ງໄດ້ອວຍພອນໄຊອັນປະເສີດໃຫ້ຄະນະນຳພັກ-ລັດ,ພະນັກງານລັດຖະກອນທຸກຖ້ວນໜ້າຕະຫຼອດຮອດພໍ່ແມ່ປະຊາຊົນຊາວເມືອງວາປີຂໍໃຫ້ທຸກທ່ານຈົ່ງມີສຸຂະພາບເຂັ້ມແຂງ,ມີພາລະນາໄມສົມບູນ,ມີຄວາມຜາສຸກໃນຊີວິດສ່ວນຕົວ ແລະ ຄອບຄົວຂອງທ່ານດ້ວຍເຖີດ.ຈາກນັ້ນກໍ່ໄດ້ມີການສ້າງສັນສະເຫຼີມສະຫຼອງຈັດງານລ້ຽງເພື່ອຜູກພັນຄວາມສາມັກຄີຕອນຮັບປີໃໜ່ ຄສ 2019.ເຊີ່ງງານສ້າງສັນໄດ້ມີຄວາມເບິກບານມ່ວນຊື່ນຈົນຮອດເວລາ 6:00 ໂມງ ຈື່ງໄດ້ປິດລົງຢ່າງມີຄວາມໝາຍສຳຄັນ.

ອອກ​ຈາກ REPLY ເປັນ

Please enter your comment!
Please enter your name here