ເມືອງ ວາປີ ຈັດກອງປະຊຸມສະຫຼຸບຜົນສຳເລັດການກໍ່ສ້າງທາງເບຕົງ ເຂົ້າຫ້ອງວ່າການເມືອງ ວາປີ

ໃນຕອນເຊົ້າຊອງວັນທີ 24 ເມສາ 2019 ເມືອງ ວາປີ ໄດ້ຈັດກອງປະຊຸມສະຫຼຸບຜົນສຳເລັດ ການກໍ່ສ້າງທາງເບຕົງ ເຂົ້າຫ້ອງວ່າການເມືອງ ວາປີ ຂື້ນຢູ່ທີ່ຫ້ອງປະຊຸມຂອງຫ້ອງ ວ່າການ ໂດຍໃຫ້ກຽດເປັນປະທານ ຂອງ ທ່ານ ພັທ ລັງສີ ຈັນທະມາລີ ກຳມະການພັກແຂວງ-ເລຂາພັກເມືອງ ເຈົ້າເມືອງໆ ວາປີ,  ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ-ຮອງຫ້ອງການອ້ອມຂ້າງເມືອງ, ນັກທຸລະກິດ ພ້ອມດ້ວຍແຂກທີ່ຖືກເຊີນເຂົ້າຮ່ວມ.

     ທ່ານ ບຸນຍູ້ ຈັນທະລັງສີ ຮອງເລຂາພັກເມືອງ ປະທານກວດກາພັກ-ລັດເມືອງ ວາປີ ໄດ້ລາຍງານການຜົນສໍາເລັດໃນການຈັດຕັ້ງປະຕິບັດໂຄງການທາງເບຕົງ ເຂົ້າຫ້ອງວ່າການເມືອງໃຫ້ທີ່ຫ້ອງປະຊຸມໄດ້ຮັບຟັງ. ເຊີ່ງທ່ານໄດ້ໃຫ້ຮູ້ວ່າການກໍ່ສ້າງທາງເບຕົງເຂົ້າຫ້ອງວ່າການເມືອງ ວາປີຄັ້ງນີ້ ຊື່ງມີຄວາມຍາວທັງໝົດ 220 ແມັດ, ກ້ວາງ 4 ແມັດ, ຄວາມໜາ 12 ຊັງຕີແມັດ ຄິດເປັນມູນຄ່າ 1 ຮ້ອຍລ້ານກ່ວາກີບ. ມາຮອດປະຈຸບັນການກໍ່ສ້າງແມ່ນສຳເລັດແລ້ວຮ້ອຍສ່ວນຮ້ອຍ. ໂດຍໄດ້ໃຊ້ແຮງງານຂອງບັນດາພະນັກງານລັດຖະກອນ, ທະຫານ,ຕຳຫຼວດ ປະກອບສ່ວນເຂົ້າໃນການກໍ່ສ້າງດັ່ງກ່າວ. ເຊີ່ງມູນຄ່າຂອງການກໍ່ສ້າງແມ່ນໄດ້ມາຈາກການລະດົມ ແລະ ການສະໜັບສະໜູນຈາກພາກສ່ວນຕ່າງໆເປັນຕົ້ນ

– ບໍລິສັດ ບຸນອູ້ມ ຮຸ່ງຈະເລີນ ສະໜັບສະໜູນເປັນເງິນສົດ ຈຳນວນ 20 ລ້ານກີບ.

– ໂຮງງານປຸງແຕ່ງໄມ່ຫວ້ຍຕະປຸງ ສະໜັບສະໜູນເປັນເງິນສົດ ຈຳນວນ 5 ລ້ານກີບ.

– ບໍລິສັດ ເວີນນະວົງ ເຈົ້າຂອງລານມັນ ບ້ານດອນຄຳ ສະໜັບສະໜູນເປັນເງິນສົດ ຈຳນວນ 3 ລ້ານ 5 ແສນກີບ.

– ທ່ານ ນາງ ອິນແປງ ເຈົ້າຂອງລານມັນ ບ້ານໜອງໂພ ສະໜັບສະໜູນເປັນເງິນສົດ ຈຳນວນ 3 ລ້ານ 5 ແສນກີບ.

– ທ່ານ ຕູ່ ເຈົ້າຂອງລານມັນ ບ້ານດົງລະອູ ສະໜັບສະໜູນເປັນເງິນສົດ ຈຳນວນ 2 ລ້ານ 5 ແສນກີບ.

– ທ່ານ ຄຳປະເສີດ ເຈົ້າຂອງລານມັນ ບ້ານນາສຽດ ສະໜັບສະໜູນເປັນເງິນສົດ ຈຳນວນ 2 ລ້ານ 5 ແສນກີບ.

– ໂຮງງານຖ່ານຂາວ ບ້ານນາກົກຕານ ສະໜັບສະໜູນເປັນເງິນສົດ ຈຳນວນ 2 ລ້ານ 5 ແສນກີບ.

– ທ່ານ ຈ່ອຍ ຄຳໂຄສີ ເຈົ້າຂອງບໍລິສັດເຄຫາສະຖານ ເມືອງ ເລົ່າງາມ ສະໜັບສະໜູນເປັນເງິນສົດ ຈຳນວນ 2 ລ້ານ 5 ແສນກີບ.

– ໂຮງງານປຸງແຕ່ງໄມ້ ບ້ານເລົ້າ ສະໜັບສະໜູນເປັນເງິນສົດ ຈຳນວນ 2 ລ້ານກີບ.

– ບໍລິສັດ ຈີອີຊີໄອ ຈຳກັດ ສະໜັບສະໜູນເປັນເງິນສົດ ຈຳນວນ 2 ລ້ານກີບ.

ພ້ອມນີ້ຍັງມີຫຼາຍໆບໍລິສັດ ແລະ ຫຼາຍໂຮງງານ ພາຍເມືອງ, ຕ່າງເມືອງທີ່ໄດ້ໃຫ້ການສະໜັບສະໜູນເປັນວັດສະດຸອຸປະກອນຕ່າງໆຂອງການກໍ່ສ້າງ ໂດຍຄິດເປັນມູນຄ່າແລ້ວ ປະມານ 27 ລ້ານກວ່າກີບ.

      ພາຍຫຼັງການລາຍງານສຳເລັດແລ້ວ ທ່ານ ພັທ ລັງສີ ຈັນທະມາລີ ກຳມະການພັກແຂວງ-ເລຂາພັກເມືອງ ເຈົ້າເມືອງໆ ວາປີ ທ່ານໄດ້ມີຄຳຄິດເຫັນ ແລະ ສະແດງຄວາຂອບໃຈນຳບັນດາພາກສ່ວນທີ່ໃຫ້ການສະໜັບສະໜູນຊ່ວຍເຫຼືອໃນການພັດທະນາເມືອງ ວາປີ ໃຫ້ກ້າວຂື້ນໄປເລື້ອຍໆ.  ໂອກາດດຽວກັນນີ້ທ່ານເຈົ້າເມືອງໆ ວາປີ ຍັງໄດ້ມອບໃບຍ້ອງຍໍ ແລະ ໃບຂອບໃຈ ໃຫ້ບັນດາຫ້ອງການ, ກົມກອງ, ບໍລິສັດ ແລະ ໂຮງງານຕ່າງໆທີ່ໄດ້ໃຫ້ການສະໜັບສະໜູນການກໍ່ສ້າງທາງເບຕົງຄັ້ງນີ້ນຳອີກ.

ອອກ​ຈາກ REPLY ເປັນ

Please enter your comment!
Please enter your name here