ເມືອງ ວາປີ ຈັດງານການແຂ່ງຂັນເຮືອຊ່ວງປະຈຳປີ 2019

ໃນວັນທີ 11 ເມສາ 2019 ນີ້ ເມືອງ ວາປີ ແຂວງ ສາລະວັນ ໄດ້ຈັດງານແຂ່ງຂັນກິລາເຮືອຊ່ວງປະຈຳປີ 2019 ຂື້ນ ພາຍໃຕ້ການເປັນປະທານຂອງ ທ່ານ ບຸນທົງ ວົງຈັນ ຄະນະປະຈໍາພັກເມືອງ ຮອງເຈົ້າເມືອງໆ ວາປີ ເປັນກຽດເຂົ້າຮ່ວມຂອງທ່ານ ສີສຸວັນ ວົງຈອມສີ ເລຂາພັກ-ເຈົ້າແຂວງໆສາລະວັນ, ທ່ານ ພັທ ລັງສີ ຈັນທະມາລີ ກຳມະການພັກແຂວງ ເລຂາພັກເມືອງ ເຈົ້າເມືອງໆ ວາປີ, ມີບັນດາແຂກທີ່ມາຈາກພະແນກການຕ່າງໆ, ແຂກທີ່ມາຈາກຕ່າງເມືອງ,ຫ້ອງການອ້ອມຂ້າງເມືອງຕະຫຼອດຮອດອຳນາດການປົກຄອງເມືອງ,ນັກທຸລະກິດ, ນັກກິລາ ຕະຫຼອດຮອດພໍ່ແມ່ປະຊາຊົນເຂົ້າຮ່ວມດ້ວຍບັນຍາກາດພົດຟື້ນ

      ກິດຈະກຳພາຍໃນງານມີການແຂ່ງຂັນເຮືອໄວປະເພດຊາຍ 12 ສີພາຍ ມີ 14 ທິມ,ຜົນການແຂ່ງຂັນປາກົດວ່າ ເຮືອໄວຊາຍ 14 ທິມອັນດັບທີ 1 ເຮືອສັງທອງ ມາຈາກແຂວງ ສາລະວັນ,ອັນດັບທີ 2 ເຮືອບ້ານໂພນຕານ ມາຈາກແຂວງ ສາລະວັນ, ອັນດັບທີ 3 ເຮືອທະຫານເມືອງ ວາປີ, ອັນດັບທີ 4 ເຮືອກຸ່ມການເມືອງໆ ວາປີ. ສຳລັບເຮືອຊາຍອັນດັບທີ1 ແມ່ນໄດ້ຮັບຂັນເງິນ 1 ໜ່ວຍ ແລະ ເງິນສົດ 3.000.000 ກີບ, ອັນດັບທີ2 ແມ່ນໄດ້ຮັບເງິນສົດ 2.000.000 ກີບ, ອັນດັບທີ3 ແມ່ນໄດ້ຮັບເງິນສົດ 1.000.000 ກີບ, ອັນດັບທທີ 4 ແມ່ນໄດ້ຮັບລາງວັນຊົມເຊີຍເປັນເງິດສົດ 500,000 ກີບ. ໃນການແຂ່ງຂັນເຮືອຊ່ວງໃນຄັ້ງນີ້ໃຊ້ເວລາ 1 ວັນ ຄືວັນທີ 11/4/2019 ແລະ ສຳເລັດລົງໃນເວລາ 16:20ນາທີ ແລະ ທ່ານ ບຸນທົງ ວົງຈັນ ຄະນະປະຈໍາພັກເມືອງ ຮອງເຈົ້າເມືອງໆ ວາປີ ປະທານຈັດງານແຂ່ງຂັນຈື່ງໄດ້ຂື້ນກ່າວປິດການແຂ່ງຂັນຢ່າງເປັນທາງການ.

ອອກ​ຈາກ REPLY ເປັນ

Please enter your comment!
Please enter your name here