ເມືອງ ວາປີ ຈັດພິທີປະຖະກະຖາວັນສ້າງຕັ້ງສະຫະພັນແມ່ຍິງລາວ ຄົບຮອບ 64 ປີ ( 20/7/1955 – 20/7/2019 )

ໃນຕອນເຊົ້າຂອງວັນທີ 16 ກໍລະກົດ 2019 ນີ້ ເມືອງວາປີ ໄດ້ຈັດພິທີປະຖະກະຖາວັນສ້າງຕັ້ງສະຫະພັນແມ່ຍິງລາວຄົບຮອບ 64 ປີ ຂື້ນຢູ່ທີ່ສະໂມສອນໃຫ່ຍຂອງເມືອງ,ໂດຍໃຫ້ກຽດເປັນປະທານຂອງທ່ານ ນາງ ຕຽງຄຳ ສິດທິຈັກ ຄະນະປະຈຳພັກເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນ,ເຊີ່ງມີຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ,ພະນັກງານບຳນານ,ພະນັກງານ,ທະຫານ,ຕຳຫຼວດ ຢູ່ອ້ອມຂ້າງເມືອງເຂົ້າຮ່ວມທັງໝົດ 99 ຄົນ,ຍິງ 61 ຄົນ.

         ທ່ານ ນາງ ວິໄລພອນ ໄຊຍະເສນ ປະທານສະຫະພັນແມ່ຍິງເມືອງ ໄດ້ຂື້ນຜ່ານປະຫວັດວັນສ້າງຕັ້ງສະຫະພັນແມ່ຍິງລາວຄຽງຄູ່ກັບການກຳເນີດ,ການເຕີບໃຫ່ຍຂະຫຍາຍຕົວ ແລະ ຜົນງານການເຄື່ອນໄຫວຂອງສະຫະພັນແມ່ຍິງລາວກໍ່ຄືແມ່ຍິງລາວບັນດາເຜົ່າທີ່ໄດ້ອຸທິດຕົນເພືື່ອພາລະກິດຕໍ່ສູ້ປົດປ່ອຍຊາດ,ປົກປັກຮັກສາ ແລະ ສ້າງສາພັດທະນາປະເທດຊາດ,ປະຕິບັດສິດເສລີພາບ,ຄວາມສະເໝີພາບລະຫ່ວາງຍິງ-ຊາຍໃຫ້ເຕີບໃຫ່ຍຂະຫຍາຍຕົວນັບມື້ນັບກ້ວາງຂວາງພາຍໃຕ້ການນຳພາຂອງພັກ ຕະຫຼອດໄລຍະແຫ່ງການຕໍ່ສູ້ກູ້ຊາດແມ່ຍີງລາວບັນດາເຜົ່າໄດ້ປະກອບສ່ວນໃນການຂົນຂວາຍແມ່ຍິງໃນທົ່ວປະເທດເຮັດໜ້າທີ່ໃນການລ້ຽງດູ,ເບີ່ງແຍງ,ຕິດຕໍ່ ແລະ ສົ່ງຂ່າວໃຫ້ພະນັກງານ,ທະຫານປະຕິວັດທີ່ຢູ່ແນວໜ້າ.ໂດຍຄຽງຄູ່ກັບການເຄື່ອນໄຫວປະຕິບັດໜ້າທີ່ສູ້ຮົບຢ່າງອົງອາດທັງເປັນກຳລັງແຮງທີ່ສຳຄັນໃນທຸກຂົງເຂດວຽກງານເປັນຕົ້ນວຽກງານການເມືອງ,ເສດຖະກິດ,ວັດທະນະທຳ-ສັງຄົມ ໂດຍສອດຄ່ອງກັບວຽກງານດ້ານອື່ນໆທີ່ແມ່ຍິງລາວໄດ້ປະກອບສ່ວນຢ່າງຫ້າວຫັ້ນເຂົ້າໃນການປະຕິວັດກໍ່ຄືໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.ເຊີ່ງໃນປັດຈຸບັນສະຫະພັນແມ່ຍິງລາວໄດ້ມີການເຕີບໃຫ່ຍຂະຫຍາຍຕົວທັງປະລິມານ ແລະ ຄຸນນະພາບຂື້ນຢ່າງບໍ່ຢຸດຢັ້ງ.ຈາກນັ້ນທ່ານ ນາງ ພູວັນ ພູມອຸທອນ ຮອງປະທານສະຫະພັນແມ່ຍິງເມືອງ ກໍ່ໄດ້ຂື້ນຜ່ານສະຫຼຸບຜົນງານໃນໄລຍະ 1ປີ ຜ່ານມາກໍ່ໄດ້ສຸມໃສ່ຈັດຕັ້ງປະຕິບັດໃຫ້ສຳເລັດຄາດໝາຍຂອງມະຕິກອງປະຊຸມໃຫ່ຍຄັ້ງທີ V ຂອງສະຫະພັນແມ່ຍິງເມືອງ ແລະ ແຜນພັດທະນາແມ່ຍິງ 7 ແຜນງານ 20 ໂຄງການເຊີ່ງມີທັງຂໍ້ສະດວກ ແລະ ຂໍ້ຫຍຸ້ງຍາກໃນການໃນການຈັດຕັ້ງປະຕິບັດວຽກງານສະຫະພັນແມ່ຍິງແຕ່ລະໜ່ວຍ,ສະຫະພັນແມ່ຍິງສາມາດຖອດຖອນບົດຮຽນໄດ້ເພື່ອເປັນບ່ອນອີງໃນການປັບປຸງຈັດຕັ້ງ ແລະ ໃຫ້ແທດເໝາະກັບຄວາມເປັນຈິງໃນແຕ່ລະໄລຍະຂອງວຽກງານແມ່ຍິງ.

ອອກ​ຈາກ REPLY ເປັນ

Please enter your comment!
Please enter your name here