ເມືອງ ວາປີ ໄດ້ຈັດພິທີ ປາຖະກະຖາວັນສ້າງຕັ້ງສະຫາພັນກຳມະບານລາວ ຄົບຮອບ 63 ປີ ( 1 ກຸມພາ 1956-1 ກຸມພາ 2019)

ໃນຕອນເຊົ້າຂອງວັນທີ 5/2/2019 ເມືອງວາປີໄດ້ຈັດພິທີ ປາຖະກະຖາວັນສ້າງຕັ້ງສະຫາພັນກຳມະບານລາວ ຄົບຮອບ 63 ປີ. ຢູ່ທີ່ສະໂມສອນໃຫຍ່ຂອງເມືອງ,ເຊີ່ງໃຫ້ກຽດເປັນປະທານຂອງທ່ານ ນາງ ຕຽງຄຳ ສິດທິຈັກ ຄະນະປະຈຳພັກເມືອງ ປະທານສະຫາພັນແມ່ຍິງເມືອງ,ຫົວໜ້າຫ້ອງການ, ພະນັກງານລັດຖະກອນຢູ່ອ້ອມຂ້າງເມືອງເຂົ້າຮ່ວມທັງໝົດ 154 ຄົນ,ຍິງ 74 ຄົນ.      

ໃນພິທີ ທ່ານ ຈັນຫອມ ຈັນທະວິໄລ ກໍາມະການພັກເມືອງ  ຫົວໜ້າຄະນະໂຄສະນາອົບຮົມເມືອງ ວາປີ ໄດ້ໃຫ້ກຽດຂື້ນປາຖະກະຖາ ເຊີ່ງທ່ານໄດ້ຜຜ່ານປະຫວັດຄວາມເປັນມາການກຳເນີດເຕີບໃຫຍ່ຂະຫຍາຍຕົວຂອງອົງການຈັດຕັ້ງກຳມະບານລາວ, ມູນເຊື້ອ ແລະ ຜົນງານອັນພົ້ນເດັ່ນຕະຫຼອດໄລຍະ 63 ປີ ໃນການປະກອບສ່ວນເຂົ້າໃນການປະຕິວັດໂດຍສະເພາະແມ່ນໄລຍະປະຕິວັດຊາດປະຊາທິປະໄຕ. ອົງການກຳມະບານລາວ ແລະ ຊົນຊັ້ນກຳມະກອນລາວ ໄດ້ກາຍເປັນກຳລັງແຮງປະກອບສ່ວນຢ່າງສົມກຽດເຂົ້າໃນການຕໍ່ສູ້ກູ້ຊາດ ທັງປະຕິບັດໜ້າທີ່ ການຜະຫຼິດສ້າງຄວາມເຂັ້ມແຂງກຸ້ມຕົນເອງທາງດ້ານເສດຖະກິດ, ຍົກສູງຊີວິດການເປັນຢູ່ທັງເຮັດໜ້າທີ່ປັບປຸງກໍ່ສ້າງ ແລະ ຂະຫຍາຍການຈັດຕັ້ງຂອງຕົນໃນໄລຍະປົກປັກຮັກສາ ແລະ ພັດທະນາປະເທດຊາດ ພາຍໃຕ້ການນຳພາຂອງພັກ ອົງການກຳມະບານລາວ ແຕ່ລະຂັ້ນໄດ້ສືບຕໍ່ປັບປຸງພາລະບົດບາດ, ສິດ ແລະ ໜ້າທີ່, ແບບແຜນວິທີເຮັດວຽກ, ປັບປຸງໂຄງປະກອບບຸກຄະລາກອນໃຫ້ມີຄວາມສອດຄ່ອງຕາມແນວທາງນະໂຍບາຍຂອງພັກ-ລັດວາງອອກ. ອົງການກຳມະບານສືບຕໍ່ໂຄສະນາຂົນຂວາຍ, ເຕົ້າໂຮມກຳມະກອນຊາວຜູ້ອອກແຮງງານລາວບັນດາເຜົ່າມີນ້ຳໃຈຮັກຊາດ, ມີທັດສະນະຊົນຊັ້ນກຳມະກອນ, ເສີມຂະຫຍາຍປະຊາທິປະໄຕ, ມີລະບຽບແບບແຜນ, ເປັນພົນລະເມືອງດີຂອງຊາດ, ສົ່ງເສີມການມີວຽກເຮັດງານທຳ ແລະ ເປັນຕົວແທນໃນການປົກປ້ອງສິດຜົນປະໂຫຍດອັນຊອບທຳໃຫ້ແກ່ກຳມະກອນ, ຊາວຜູ້ອອກແຮງງານລາວບັນດາເຜົ່າ, ກາຍເປັນກຳລັງແຮງເຂົ້າຮ່ວມຢ່າງຕັ້ງໜ້າ ແລະ ເປັນເຈົ້າການໃນການຕໍ່ສູ້ກູ້ຊາດ, ປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ.

ອອກ​ຈາກ REPLY ເປັນ

Please enter your comment!
Please enter your name here