ກອງປະຊຸມໃຫ່ຍຜູ້ແທນຊາວໜຸ່ມຄັ້ງທີ VII ທົ່ວເມືອງ ວາປີ.

ໃນຕອນເຊົ້າຂອງວັນທີ 30 ພຶດສະພາ 2019 ເມືອງ ວາປີ ໄດ້ຈັດກອງປະຊຸມໃຫ່ຍຜູ້ແທນຊາວໜຸ່ມທົ່ວເມືອງ ວາປີ ຂື້ນຢູ່ທີ່ສະໂມສອນໃຫ່ຍຂອງເມືອງ ໂດຍເປັນປະທານຂອງທ່ານ ວົງໄຊ ວົງສາລາດ ກຳມະການພັກເມືອງ ເລຂາຄະນະບໍລິຫານງານຊາວໜຸ່ມເມືອງ, ເປັນກຽດເຂົ້າຮ່ວມຂອງທ່ານ ຈັນສີລອນ ສີສົມບູນ ກຳມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງ ແລະ ທ່ານກິແກ້ວ ໄຊຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການພ້ອມດ້ວຍແຂກທີ່ຖືກເຊີນຈາກເລຂາຄະນະບໍລິຫານງານຊາວໜຸ່ມ 7 ຕົວເມືອງ ແລະ  ຜູ້ແທນສົມບູນ, ສຳຮອງທີ່ມາຈາກໜ່ວຍອ້ອມຂ້າງເມືອງເຂົ້າຮ່ວມທັງໝົດ 124 ສະຫາຍ, ຍິງ 20 ສະຫາຍ.

      ທ່ານ ວຽງຄອນ ຄຳພູມີ ຮອງເລຂາຄະນະບໍລິຫານງານຊາວໜຸ່ມເມືອງ ວາປີ ໄດ້ໃຫ້ກຽດຂື້ນຜ່ານບົດລາຍງານການເມືອງ ແລະ ທິດທາງ ແຜນການຂອງຄະນະບໍລິຫານງານຊາວໜຸ່ມເມືອງຕໍ່ກອງປະຊຸມໃຫ່ຍຄັ້ງທີ VII ເຊີ່ງໃນໄລຍະຜ່ານມາ ເປັນໄລຍະແຫ່ງການຜັນຂະຫຍາຍແນວທາງນະໂຍບາຍຂອງພັກ ກໍ່ຄືແຜນພັດທະນາເສດຖະກິດ-ສັງຄົມຂອງລັດວາງອອກ ຕໍ່ກັບສະພາບການຈັດຕັ້ງປະຕິບັດວຽກງານດັ່ງກ່າວ ມີທັງສິງເອື້ອອຳນວຍຄວາມສະດວກ, ຂໍ້ຫຍຸ້ງຍາກ, ຂໍ້ຈຳກັດຫຼາຍດ້ານ ທີ່ສົງຜົນກະທົບທາງກົງ ແລະ ທາງອ້ອມຕໍ່ກັບການສ້າງສາພັດທະນາປະເທດຊາດ ກໍ່ຄືການພັດທະນາຊາວໜຸ່ມ-ໄວໜຸ່ມ ແລະ ເຍົາວະຊົນ-ອະນຸຊົນ ຂອງເມືອງ ວາປີ ໂດຍສະເພາະການຫັນປ່ຽນທາງທຳມະຊາດດິນຟ້າອາກາດ, ພະຍາດລະບາດ, ບັນດາອິດທິກຳລັງປໍລະປັກຕໍ່ກັບຊາວໜຸ່ມ-ໄວໜຸ່ມ, ເຍົາວະຊົນ-ອະນຸຊົນ ທີ່ຫວັງມ້າງເພທຳລາຍ ແລະ ເບື່ອເມົາ ຫວັງຈະດືງເອົາຊາວໜຸ່ມ-ໄວໜຸ່ມ ອອກຈາກອົງການຈັດຕັ້ງ ກໍ່ຄືດຶງອອກຈາກການນຳພາຂອງພັກ ເຮັດໃຫ້ຊາວໜຸ່ມ-ໄວໜຸ່ມ ຈຳນວນໜື່ງກະວົນກະວາຍ ຂາດຄວາມເຊື່ອໜັ້ນ ຂາດນໍ້າໃຈເປັນເຈົ້າຕົນເອງ ຫຼົງໄຫຼໃຜ່ຝັນນຳເສດຖະກິດ-ສັງຄົມ ເຮັດໃຫ້ຊາວໜຸ່ມ-ໄວໜຸ່ມ ຈໍານວນບໍ່ໜ້ອຍໄດ້ໄປທຳງານຢູ່ປະເທດເພື່ອນບ້ານ ທີ່ຜິດຕໍ່ກົດໝາຍແຮງງານ, ຊາວໜຸ່ມ-ໄວໜຸ່ມ ຈຳນວນໜື່ງ ກໍ່ການເປັນຄົນເສຍທາດຂາດຄຸນ, ເປັນນັກເລງອັນຕະພານ, ລັກເລັກຂະໂມຍນ້ອຍ, ເສລີ, ຫຼິ້ນກິນຟຸມເພືອຍ, ເສບ, ຂາຍຢາເສບຕິດ ແລະ ອື່ນໆ. ປະຈຸບັນໃນທົ່ວເມືອງ ວາປີ ມີການຈັດຕັ້ງຊາວໜຸ່ມ 2 ຮາກຖານ ກັບ 95 ໜ່ວຍຮາກຖານ ໃນນັ້ນ, ສຳນັກງານ 16 ໜ່ວຍ, ໂຮງຮຽນ 24 ໜ່ວຍ, ບ້ານ 55 ໜ່ວຍ.ທົ່ວເມືອງ ມີສະມາຊິກຊາວໜຸ່ມທັງໝົດ 2.647ສະຫາຍ, ຍິງ 1.119 ສະຫາຍ.

        ຈາກນັ້ນໃນພິທີກໍ່ໄດ້ປ່ອນບັດຄັດເລືອກເອົາເລຂາຄະນະບໍລິຫານງານຊຸດໃໝ່ເຊີ່ງມີຜູ້ສະໝັກທັງໝົດ 25 ສະຫາຍ, ເລືອກເອົາ 21 ສະຫາຍ, ຜ່ານການບ່ອນບັດຄັດເລືອກ ແລະ ໄດ້ແຕ່ງຕັ້ງ ສະຫາຍ ພູຂົງ ເຄື່ອງຄຳມະນີ ເປັນ ເລຂາຄະນະບໍລິຫານງານຊຸດໃໝ່, ສະຫາຍ ວຽງຄອນ ຄຳພູມີ ແລະ ສະຫາຍ ຜອຍດາວັນ ເພັງສະຫວັນເປັນຮອງເລຂາຄະນະບໍລິຫານງານຊາວໜູ່ມຊຸດໃໝ່.

ອອກ​ຈາກ REPLY ເປັນ

Please enter your comment!
Please enter your name here