ທ່ານຮອງນາຍົກລັດຖະມົນຕີແຫ່ງ ສປປ ລາວ ໄດ້ ລົງ ເຄື່ອນໄຫວຢ້ຽມຢາມພໍ່ແມ່ປະຊາຊົນຊາວເມືອງວາປີທີ່ຖືກໄພພິບັດນຳ້ຖ້ວມ.

ໃນຕອນບ່າຍ ວັນທີ 6 ກັນຍາ 2019 ນີ້,ທ່ານ ປອ ສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີແຫ່ງ ສປປ ລາວ ປະທານຄະນະກຳມະການຕ້ານໄພພິບັດລະດັບຊາດໄດ້ເຄື່ອນໄຫວຢ້ຽມຢາມໃຫ້ຄວາມອົບອຸ່ນ ແລະ ກຳລັງໃຈຕໍ່ພໍ່ແມ່ປະຊາຊົນຊາວເມືອງວາປີທີ່ຖືກໄພພິບັດນຳ້ຖ້ວມ.ທ່ານ ພັທ ລັງສີ ຈັນທະມາລີ ເຈົ້າເມືອງໆວາປີ ທ່ານໄດ້ລາຍງານສະພາບທີ່ຖືກຜົນຫະທົບຈາກພະຍຸດິເປຣເຊິນ ເຊີ່ງມີທັງໝົດ 55 ບ້ານ,ມີ 7.780 ຄອບຄົວ,ສົ່ງຜົນກະທົບຮ້າຍແຮງຕໍ່ຊີວິດ ແລະ ຊັບສິນຂອງປະຊາຊົນ.ໃນນັ້ນບ້ານທີ່ຖືກນຳ້ຖ້ວມໜັກຫຼາຍທີ່ສຸດມີ 21ບ້ານຄື: ບ້ານນາຫວ້າ, ບ້ານນາໂພນຕານ,ບ້ານສະເໝັຍ, ບ້ານແກ້ງກຸ,ບ້ານເລົ້າ,ບ້ານຫາດ,ບ້ານແກ້ງນ້ອຍ,ບ້ານສຸທິ,ບ້ານມ່ວງ,ບ້ານສະພາດ,ບ້ານລານ,ບ້ານແມດ,ບ້ານວາປີ,ບ້ານຫ້ວຍໂຄນ,ບ້ານຫີນດານ,ບ້ານເກາະຊອງ,ບ້ານຕານສຸມ,ບ້ານນາລະໂອງ,ບ້ານນ້ອຍເຊ,ບ້ານຜັກຂະ ແລະ ບ້ານບັງຄານຳ້ ມີ 3.653 ຄອບຄົວ,ມີ 18.263 ຄົນ,ເນື້ອທີ່ນາຖືກນຳ້ຖ້ວມ 12.100 ຮຕ,ໂຄງການຈັກສູບນຳ້ຖືກຖ້ວມ 15 ໂຄງການ,ຝາຍນຳ້ລົ້ນ 3 ແຫ່ງ,ອ່າງເກັບນຳ້ 11 ແຫ່ງ,ໜອງປາ 1.330 ​ໜອງ,ມີສັດຕາຍ 3.211 ໂຕ,ໃນນັ້ນມີຄວາຍ 8 ໂຕ,ງົວ 150 ໂຕ,ໝູ 250 ໂຕ,ສັດປີກ 2.800 ໂຕ,ໂຮງຮຽນທີ່ຖືກນຳ້ຖ້ວມ 22 ແຫ່ງ,ສຸກສາລາ 1 ແຫ່ງ,ເສັ້ນທາງຖຶກຖ້ວມບໍ່ສາມາດໄປມາຫາສູ່ກັນໄດ້ທັງໝົດມີ 38 ເສັ້ນ,ມີຄວາມຍາວ 218,65ກິໂລແມັດ, ລະບົບໄຟຟ້າຖືກຕັດຂາດ 23 ບ້ານ,ປັດຈຸບັດລະດັບນຳ້ເຊໂດນຫຼຸດລົງຈາກ19,7 ແມັດ ຍັງເຫຼືອ 16,8ແມັດ ຂອງເວລາ 11:07 ນາທີ ຂອງວັນທີ 6 ກັນຍາ 2019.ໂອກາດນີ້ ທ່ານ ປອ ສອນໄຊ ສີພັນດອນ ກຳມະການ ກົມການເມືອງສູນກາງພັກ ຮອງນາຍົກລັດຖະມົນຕີ ປະທານຄະນະກຳມະການຕ້ານໄພພິບັດລະດັບຊາດທ່ານກໍ່ໄດ້ສະແດງຄວາມເປັນຫ່ວງເປັນໃຍ ຕໍ່ພໍ່ແມ່ປະຊາຊົນຊາວເມືອງວາປີທີ່ຖືກນຳ້ຖ້ວມໃນຄັ້ງນີ້ພ້ອມທັງເນັ້ນໃຫ້ອຳນາດການປົກຄອງທຸກຂັ້ນພາຍໃນເມືອງຕ້ອງເອົາໃຈໃສ່ອູ້ມຊູ້,ຊ່ວຍເຫຼືອປະຊາຊົນຕາມຈຸດຕ່າງໆທີ່ຍັງບໍ່ທັນສາມາດນຳອອກມາສູ່ສູນພັກຊົ່ວຄາວໄດ້ໃຫ້ໄດ້ຮັບການເບີ່ງແຍງເປັນຢ່າງດີ ໃນໂອກາດດຽວກັນນີ້ ທ່ານຮອງນາຍົກລັດຖະມົນຕີແຫ່ງ ສປປ ລາວ ກໍ່ຍັງໄດ້ມອບເງີນສົດ 50 ລ້ານ,ນຳ້ດື່ມ,ຢາປົວພະຍາດ ແລະ ເຂົ້າປາອາຫານແຫ້ງຈຳນວນໜື່ງ ໃຫ້ແກ່ຊາວເມືອງວາປີ ເພື່ອແກ້ໄຂບັນເທົາທຸກໃຫ້ແກ່ປະຊາຊົນທີ່ໄດ້ຮັບຜົນກະທົບຈາກໄພພິບັດນຳ້ຖ້ວມໃນຄັ້ງນິ້ນຳອີກດ້ວຍ.

ອອກ​ຈາກ REPLY ເປັນ

Please enter your comment!
Please enter your name here